Ézai 2:11 - Kazambale lé Sebe Sauunu 1979

¹¹ Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 2:11 ပူးပေါင်းရင်းမြစ်များ

2 Samuɛl 22:28

Munu lé wo ’wobo kɛla kiéné, i wo sié we gi, Yé i boblɛnzannu zunwo i yuɛ vɔle wo ta nya.

Lɛrɛvɔ Sɛbɛ 18:27

Ibo nagɔɔn‐an mi gibɔle nya mi gibɔle lɛ, Yé i we kɛla mi vɔnle lɛ alé we vɔnle yɛrama.

Lɛrɛvɔ Sɛbɛ 18:28

Munu lé wo ’wobo kɛla kiéné, i wo sié we gi, Yé munu lé woo mi naginian ’wo yuɛ zuo boblɛn nya, i wo zunwo.

Lɛrɛvɔ Sɛbɛ 20:8

Munu ’ko, wa é pale wolé goronu ta, yé a koɛnu a é pale wolé wisoonu ta; Naa, ko ’ko, ko Gakelebale kolé Bale tɔ laan.

Lɛrɛvɔ Sɛbɛ 46:10

Yee ɛ gulidanle nyaa fɔɔ tɛrɛ glɛ sina; É sa yéli yé é dinnu yéli, É gulidan goronu kyɛ ble.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 94:2

Tɛrɛlamunu lé weblezan, ’i nwa, ’I boblɛnzannu banwo wo panyanamanu yɛrama.

Wegɔnévɔlenu 16:5

Boblɛn bli faa a bélé bo zo Gakelebale yuɛ gi; weboen nya, wo ’ka dan vuru lɛ we lɛdɔle wo gi ma lo.

Wegɔnévɔlenu 30:13

Migɔnɔ do ana yé woo mi naginian ’wo yuɛ zuo, ’té wo yuɛ a é fuole.

Ézai 10:12

Naa, dé Mizan élé we kɛlɛle faa lɛ sɔɔ Siɔn gɔ nwiin koo, Jérusalɛm koo, wona faa, maa dan we lɛdɔ lɛ Asirinu nwiinzan blɛn gi, a kɛlɛwenu lé alé boblɛn a nagɔɔn a lɛ, wo ma, ’bɛ valé alé mi naginile é yuɛ zuo nya.

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 12:4

Yé ka dan a fe lɛ ’bɛ yi la léé: ’Ka Gakelebale tɔ zin fe, ’ka a tɔ laa, Ka a kɛlɛwenu zana dɔɔ munu va, ’Ka a tɔ blɛn sele dɔ wo gi.

Ézai 13:11

Maa dan we lɛdɔ lɛ tɛrɛlamunu gi, an blifliwe lé wa kɛlɛ, a we ma. Maa dan we lɛdɔ lɛ mi naanénu gi wolé weple lé we ma. Maa dan boblɛnzannu lé boblɛn nyaa lɛ; maa dan yaamitazannu lé mi naginile wo yuɛ zuo lé we nyaa lɛ.

Ézai 14:15

Naa, wo i vuli migalenu nyanana, guru wɔlɛ ma.

Ézai 2:17

Boblɛnzan é dan kɛlɛ lɛ kiéné yé mi gini é yuɛzuozan ta é dan zana lɛ. ’Bɛ yi la Gakelebale do kpen ɛ dan kɛlɛ lɛ blɛn.

Ézai 23:9

Lai sunyanu lé Gakelebale ɛ fe, fɛ faa lé woo bié, wolé boblɛn yigale we gi, tɛrɛ la mi blɛnnu faa kɛlɛle kiéné we ma.

Ézai 24:21

’Bɛ bléyi va Gakelebale é dan we lɛdɔ lɛ laworona sunyanu gi la gi, yé é dan we lɛdɔ lɛ tɛrɛla minwiinzannu gi tɛrɛ la.

Ézai 25:9

’Bɛ yi la, wo dan a fe lɛ léé: Ka ye, ko pale a kolé Bale ’ko, yee ɛ ta, yee ɛ ko sié we gi; ko pale a Gakelebale ’ko, yee ɛ ta; kaa gi ’é nana ma, ko gi ’é nana alé ko sile we gi we ma.

Ézai 26:1

’Bɛ yi la wo dan lɛrɛ vɔ lɛ Juda tɛrɛ la léé: Kolé fla plɛplɛ a; É a gɔrɔ kɛlɛ blɛn ko takuunfɛ nya.

Ézai 28:5

’Bɛ yi la, lai sunyanu lé Gakelebale é dan kɛlɛ lɛ tɔkoro lé éé bié planplan, ’bɛ valé ’lɛrɛfɛ nɔnɔmi nya, élé munu pɔnénu lé wo vo, wo lɛ.

Ézai 29:18

’Bɛ yi la, tɔnéwiizannu é dan sɛbɛ gi dérenu ’ma lɛ yé gunu ’ka dan kɛlɛ lɛ yuɛwiizannu yuɛi é dɛrɛ lo, yé wo dan yɛrɛ ye lɛ.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 30:23

Yé Bale é dan lɛɛ da lɛ fɛwɔlɛ lé ka vɔ, a ta, yé kalé tɛrɛ é dan fɛ dɔ lɛ, yé a néné é dan ka bua lɛ, yé a bléyi duo nya kalé trubɛnu é dan fɛ ble lɛ trubɛ blena blɛn na.

Ézai 37:23

Mi kyɛn lé bé sɔnɔ yé i bɔrɔ yéli a maa? Mi kyɛn ta lé i siaan? I yuɛ fuoan plɛplɛ Izraɛl lé Mi Sauun ma.

Ézai 4:1

’Bɛ yi la, lomu sɔrafié é dan kun lɛ gɔné do ma yé wo dan a fe lɛ a lɛ léé: Ko dan kobo lé fɛ ble lɛ, ko dan kobo lé sɔ lɔ lɛ; naa, i tɔ ’é pa ko ma é pla; ’i yara si ko ’wuo ma.

Ézai 40:23

Yee Bale ɛ mi segelenu kɛla fɛ pla nya, Yé éé tɛrɛla weblezannu kɛla boazannu nya;

Ézai 52:6

Bɛwemalé anlé munu é dan an tɔ dɔɔ lɛ; Bɛwemalé wo dan a gi dɔɔ lɛ ’bɛ yi la léé, Maa lo, maa ɛ we fé. A zo lé Gakelebale a fe.

Jérémi 12:9

Anlé tɔnɔfɛ kɛlɛ an ma wiblemiané nya; é kɛlɛ glau nya; Yé é ziin wiblemianénu faa é dan si lɛ fɛfaana, yé wo péli vɔ a ma. ’Ka go, ’ka bwigiwinu faa zén ékeva, ’Ka da wo nya yé ’wo yee tɔnɔfɛ ble.

Jérémi 9:24

Naa, mian é sɔ a lɛ léé, ébo tɔ bɔ, ’É ébo tɔ bɔ léé, wedɔɔle a ’é lee, Gakelebale dɔɔle we ma, É valé a gi dɔɔle we ma lee, maa ɛ ke Gakelebale lé É zin koo, we drɔle koo, we tegele koo, éé wo kɛla tɛrɛ la, a nya. Naa, ’bɛ zoɛ wedɔɔle sɔ an lɛ. Maa Gakelebale ɛ ke a fena.

Ézékiɛl 38:14

Bɛwemalé, blami be, ’i balelawe fe. Bé fe Gɔg lɛ léma: Mizan Gakelebale léma: Iin, yian nya lé anlé munu Izraɛl é dan nyana lɛ woboma duaa, i dan ’bɛ gi dɔɔ lɛ.

Ézékiɛl 38:19

Maa fe ka lɛ, ’bɛ yi ’ko nya, anlé maawole valé anlé bliflile blɛn lé we ma Izraɛl tɛrɛ bɔ é dan gyɛ lɛ blɛɛn.

Ézékiɛl 39:11

’Bɛ yi nya, maa dan fɛdona nɔ lɛ Gɔg lɛ Izraɛl tɛrɛ la, alé mipana nya, yee lé ke giémunu lé pɛnguru nya yirinwanazia wɛyi ma; mipana ’ko é dan zi lɛ tan lɛ giézannu ’lɛ. Ana lé wo dan Gɔg valé élé mi gbaunu pa lɛ, yé wo dan pɛnguru ’ko laa lɛ Gɔg lé mi gbau pa pɛnguru.

Ézékiɛl 39:22

É sia ’bɛ yi ma fɔɔ yé é bɔ bléyi voélanu ma, Izraɛl munu é dan a gi dɔɔ lɛ léé, maa lé ke Gakelebale wolé Bale nya.

Daniɛl 4:34

Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.

OZÉ (Osée) 2:16

Bɛwemalé é sɔ an lɛ léé, maa a sia ana, yé an go a nya bwi gi, yé maa a tɔrɔ paa ’bɛna.

OZÉ (Osée) 2:18

Gakelebale léma: ’Bɛ yi ’ko la, i dan an laa lɛ, i zana; i ’ka dan an laa lɛ é dɛrɛ izan, lo.

OZÉ (Osée) 2:21

Maa dan kɛlɛ lɛ ka zana nya lɛɛfaama; maa dan ka kɛlɛ lɛ an na nya we tegele koo, we drɔle koo, zin koo, nyanai zénle koo, wo gi;

Joɛl 3:18

’Bɛ bléyi va, dɔrɔ dɛrɛ é dan si lɛ gɔnu gi, ’té éé yoroan, Dirinyɔyi é dan si lɛ gɔpanénu gi ’té éé yoroan, Yé ’yi é dan kɛlɛ lɛ Juda ’yiyorona faa gi; ’Yibɔna do é dan fɔn lɛ Gakelebale lé kɔn gi, Yé alé ’yinu é dan gɔworona lé wa laama Sitim, ana vo lɛ drɔɔdrɔɔ.

Amɔs 9:11

’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.

Abudias 1:8

Gakelebale léma: ’Bɛ yi nya, maa dan wedɔɔzannu faa si lɛ Édom, Yé an dan gikinizannu faa si lɛ Ézau lé gɔnu ma. Yee kaan loo?

Misé 2:3

Bɛwemalé Gakelebale léma: Maa gi bɔrɔan wenaané kɛlɛle ma bɛn ’ko lɛ; yé ka ’ka bɔa sole lɛ a lee lo, yé ka dan tawo lɛ ka ’wuo vɔle nya ka wuo. Naa, ’bɛ bléyinu é dan kɛlɛ lɛ é nyané, azama.

Misé 4:6

’Bɛ yi la, maa dan gane tɔntɔn munu nyana lɛ an va. Munu lé wo wo bin, maa dan wo zén lɛ ékeva, munu lé maa nyané pa wo ta, wo koo, a zo lé Gakelebale a fe.

Misé 5:10

Maa dan kalé flanu guru zana lɛ a gi kalé tɛrɛ la; maa dan kalé gulidankɔn plɛplɛnu faa guru zana lɛ a gi.

Sofoni 3:11

’Bɛ yi la, i kɛlɛwenu faa ’ka dan i gyɛ lɛ yara nya lo; i kɛlɛwenu lé i wenyané kɛlɛ an ma wo nya, woo lé. Naa, ’bɛ bléyi va, munu lé wo gi éé nanaan boblɛn dére nya turu bɛ, maa dan wo si lɛ ka méléna, yé i ’ka dan ibo kɛlɛ lɛ blɛn anlé gɔ tinle nwiin é dɛrɛ lo.

Sofoni 3:16

’Bɛ yi la, wo dan a fe lɛ Jérusalɛm munu lɛ léé: Té ka kana we do kpen lee lo. Siɔn munu, té ka bɛ é tua lo.

Zakari 9:16

’Bɛ yi la Gakelebale wolé Bale é dan wo si lɛ we gi Bélé alé munu lé trubɛ zo; Naa, wa fuaneé lé tɔkoro ma gɔlɛwezannu lé wo dan bi lɛ alé tɛrɛ la, wo nya.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

WENÉNÉ LÉ LUK A GYE (Évangile selon Luc) 18:14

Maa lé ka lɛ léé, mi ’ko go élé kɔn ’léé mi tegele nya, é mini é bɔluzan ta. Naa, dé mian ébo nwaan blɛn wo dan a tua lɛ, yé mi lé ébo tuaan wo dan a nwa lɛ blɛn.

2 Korɛnt Munu 10:17

Naa, dé mi do a a va léé, ’ébo ze vɔ, ’ébo ze vɔ Mizan gi ma.

2 Korɛnt Munu 10:5

’Wuogibɔrɔle planu valé we faa lé éé sɔn vɔa Bale dɔɔle ma, ko wo yi gaan yé ko ’wuogibɔrɔle faa kɛlɛ Krist lé luu nya, a lɛdɔmale we gi.

2 Tɛsalɔnik munu 1:10

We ’ko é dan kɛlɛ lɛ yian nya lé é dan élé fua tagɔɔn lɛ élé munu gi, yé munu é dan Jézu ze vɔ lɛ ’bɛ yi nya, munu faa lé wo bli vo a lɛ, wolé we ma. Naa, wenayedére lé ko a fe ka lɛ, ka bli vo ’bɛ lɛ.

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.