Ézai 19:3 - Kazambale lé Sebe Sauunu 1979

³ Éjipiti munu léli fuu é dan si lɛ wo ta, we lé wa plaan ’wo ke lɛ, maa dan ’bɛ faa sɛrɛ lɛ. Wolé miyilinu koo, yokɛlɛzannu koo, miléli laazannu koo, tɛlɛ tɛlama wefezannu koo, wo dan we laa lɛ wo lee.

Ézai 19:3 ပူးပေါင်းရင်းမြစ်များ

2 Samuɛl 15:31

Wo da a fe lɛ David lɛ léé: Asitofɛl a gipamimawe kɛlɛzannu va mi do nya Abusalɔm va. Yé David léé: Oo Gakelebale, ’i Asitofɛl lé weplale kɛlɛ boawe nya.

2 Samuɛl 17:14

Abusalɔm valé Izraɛl munu faa léé: Aaki mi Usai lé weplale fila vɔ é mini Asitofɛl zé ta. Naa, é a Gakelebale gi léé, ’é Asitofɛl lé weplale zima kɛla we pla nya, wenaané bɔle Abusalɔm ma we gi.

2 Samuɛl 17:23

Asitofɛl a ye aan wo léé, wo ’ka tawo lɛ élé weplale yɛrama lo, é nyanatafɛ pla élé sokofale punu yé é go élé kɔn ’léé élé fla. É é dére vo élé kɔngimunu va, yé ébo dun. ’Bɛ zo lé é ga yé wa pa é ti lé mipana.

2 Minwiinzannu 1:2

Akazia a ’élé kɔn nwiin kɔn gi Samari yé é dia fɛnɛti ta, yé é gyɛ kɛlɛ. É munu nwunvɔ yé é lé wo lɛ léé: ’Ka go, ’ka we laa Ékrɔn lé bale Baal‐Zébub lee, a gi dɔɔle we gi léé, dé an dan nwa lɛ gyɛ ’ko gii?

Minwiinzannu lé Wezuofe Sɛbɛ 10:13

Saul é yara si Gakelebale ta, amalé é ga; é ’ka a dére ta tawo lɛ lo, yé é go miléli laazannu va, yé é we laa wo lee.

Lɛrɛvɔ Sɛbɛ 107:27

Glinnii vɔ wo ’wuo gi yé wo vɔ dadada bélé nwɛgyɛzan zo. Yé wolé gikini faa saan wo gi tata.

Lɛrɛvɔ Sɛbɛ 33:10

We faa lé bɛnnu woo gi daan a ma, Gakelebale a gi sɛra, Éé migɔnɔnu bɔngiwenu gi sɛra tata;

Lɛrɛvɔ Sɛbɛ 76:12

Ka Gakelebale, kalé Bale kun dérean nya, ’ka a lɛ sɔɔ. Munu faa lé wo ke a zi, ’wo da blɛ nya Bale lé, éé di kinié mi gi, a lɛ ma.

Wegɔnévɔlenu 21:30

Dé é a wedɔɔle nyaoo, dé é a gikinile nyaoo, dé é a weplale nyaoo, wo vazan do kpen ’ka bɔa dɔle lɛ Gakelebale ma lo.

Ézai 14:27

É dɔ lai sunyanu lé Gakelebale gi ’ko zo, de ɛ dan dɔ lɛ a maa? A bɛ lé é a soi, mi kyɛn ɛ dan a pla lɛɛ?

Ézai 15:2

Wo go yobankɔn gi, yé wo go Dibɔn, gɔnwiin yobanna na, wuvɔle we gi. Moab tɛrɛ lamunu a wuvɔna Nébo valé Médéba ta; wo ’wo nwin faa puiɛ, wo ’wo puomagun faa puiɛ.

Ézai 19:1

Balelawe lé Ézai a fe Éjipiti ma, yee lo. Ka ye, Gakelebale vɔ lafu lé éé giéma kelekele, a ta, yé é da Éjipiti tɛrɛ la. Éjipiti munu lé miyilinu ma nyɔɔn a ’lɛ, yé Éjipiti munu fuu si wo ta.

Ézai 44:25

Maa viébalelayemunu lé tɔmasenu sɛrɛ, Yé maa lé ’monédɔmunu ma léé, wa tavozannu nya; Maa wedɔɔmunu biéan ’wo zuo, Yé maa wolé ’wuoatawe nɔla tavowe nya.

Ézai 47:12

Ilé yo kɛlɛle valé ilé ’moné kiɛre dɔle lé Ibo nɔ wo kɛlɛle lɛ i kiéné la bléyi va, ’I vo ’bɛ ma; Dé i dan tɔnɔ ye lɛ wo maa? Dé i dan kɛlɛ lɛ mikanamazan nyaa?

Ézai 57:16

Munu lé maa wo kɛlɛ, dé wo dia an ’lɛ wo fuu sile nya wo ta, é ’ka sɔ lɛ an lɛ léé, maa vo za kɛlɛna yifaama lo; é ’ka sɔ lɛ an lɛ léé, an bli é vo flina yifaama lo.

Ézai 8:19

Dé mi do lé ka lɛ léé: Kaa we laa miléli laamunu valé tɛlɛ tɛlama wefezannu lee, ’monédɔ ’furufɛnzannu valé gungyɛzannu lee, ’ka fe ’bɛzan lɛ léé: Mi ’ka we laan élé Bale lee loo? Woo mi yuɛmalenu lé we laan migalenu lee?

Jérémi 46:15

Mɛmalé woo goo ilé nyanazannu nyaa? Wo ’ka é dɔle gligli lo; naa, Gakelebale wo zana a gi, azama.

Ézékiɛl 21:7

Blami be, ’i yara dɔ Jérusalɛm la, yé ’i we fe fɛna sauunnu ma. ’I balelawe fe Izraɛl tɛrɛ ma.

Ézékiɛl 22:14

Dé maa a we kɛlɛna i lɛ yian nya, i bli ta é dan dɔ lɛ plɛplɛɛ? I bɛnu é dan dɔ lɛ plɛplɛɛ? Maa Gakelebale, maa ɛ fe; maa dan we kɛlɛ lɛ i lɛ.

Daniɛl 1:20

We faa lé é a laa wo lee, ’té é a lé wa zi pa gikinile valé wedɔɔle yɛrama, wozé gié yokɛlɛmunu valé monénénu lé wedɔɔzannu lé wo ke alé tɛrɛ la fɛfaana, wozé wedɔɔle ta gɔnɔ vu.

Daniɛl 2:2

Yokɛlɛzannu koo, monénénu va ’monédɔzannu koo, ’monédɔzannu koo, Kaldémunu koo, minwiinzan blɛn munu nwunvɔ wo laana, léé, ’wo ’élé nyɛ ’konu fe. Wo da, yé wo dɔ minwiinzan blɛn ’lɛ.

Daniɛl 5:7

Minwiinzan blɛn sia plɛplɛ léé, monénénu va ’monédɔzannu koo, Kaldé munu koo, ’monédɔzannu koo, ’wo wo laa ’wo da. Minwiinzan blɛn we fe Babilɔn wedɔɔmunu lɛ yé é léé: Dé miomian sɛbɛ ’ko ta fe yé é a gi fe an lɛ, wo dan galunaa tɔvarɔ zén lɛ a ta yé wo kyan vɔ a bɔrɔ ma, yé wo dan nyanana yaazan nɔ lɛ a lɛ plale mi nwiin gi.

1 Samuɛl 25:37

Naa, é bladi, nwɛ si Nabal yuɛi, yé we lé é bɔ, a na a faa zuo fe a lɛ. Nabal zuru dia yé é kɛlɛ bélé gɔlɛ zo.