Ézai 18:4 - Kazambale lé Sebe Sauunu 1979

⁴ Naa, Gakelebale lé an lɛ léma: Maa a é nyanale drɔɔ anlé fɛna, ’té maa naginian kyɛyee bɔbléyi va, fɛ gyɛbléyi va, ’té fli éé vɔa fɛnu ma kiɛre.

Ézai 18:4 ပူးပေါင်းရင်းမြစ်များ

2 Samuɛl 23:4

É a bélé bladi fɛna fu zo, ’té dé yiri a bina, ’Té lati ’ka la gi lo, a zo; A san éé fɛnu gɔn bɔa lɛɛ dale zuo.

2 Minwiinmunu lé Wezuofe Sɛbɛ 6:21

Dé i leezan valé ilé munu Izraɛl bazoro fɛkona, ’i tua yé ’i wolé zantévɔdére ’ma ma. ’Bé ’ma i nyanana lanu gi loru, ’be ’ma yé ’i wo ma we vo ma.

Lɛrɛvɔ Sɛbɛ 72:6

É dan kɛlɛ lɛ bélé lɛɛ lé éé dan lu lé wa wo, a ta, a zo, Bélé lɛɛ blɛnnu lé woo tɛrɛ voo drɔɔdrɔɔ, wo dale zo.

Wegɔnévɔlenu 19:12

Minwiinzan blɛn lé bliflile a bélé golizra gi gunule zo, yé alé zin a bélé fli vɔle zo lunu ta.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 14:32

Munu lé wo wo nwunvɔ, wo dan a zi pa lɛ wo lɛ nɔɔ? Wo dan a fe lɛ wo lɛ léé: Gakelebale Siɔn gane vɔ, yé alé munu lé wenaané bɔ wo ma, woo yɔɔna yé ’bɛna.

Ézai 18:7

’Bɛ bléyi va, munu plɛplɛ lé wo fuu ke wo ta, ’té munu éé kanaan wo lee wo nwabléyi va, bɛn plɛplɛ lé éé munu faa wiian, ’té yuunu alé tɛrɛ gi bɔi bɛ, wo dan da lɛ lai sunyanu lé Gakelebale lé blɛ nya. Wo dan da lɛ wo nya, fɛana lé lai sunyanu lé Gakelebale tɔ ke, Siɔn gɔ nwiin, ana.

Ézai 26:19

Amalé, ’ilé migalenu vuo ma; ’I anlé migalenu nwa ma. Ka lé ka ke vun va, ’ka vuo, ka gi ’é nana, Naa, Bale lé fli a mivoéyuɛma fli nya, Yé é dan vɔ lɛ migalenu ta.

Ézai 26:21

Naa, ka ye, Gakelebale nwa é nyanana yé é dan we lɛdɔ lɛ tɛrɛlamunu gi wolé wenyané blɛnnu ma, yé tɛrɛ é dan mi nyɛ zanale ta bɔra lɛ; é ’ka dan migyɛle yɔɔ lɛ é dɛrɛ lo.

Ézai 31:9

Di kinile wo gi lé we ma lé wo dan si lɛ wolé guliyɔɔkɔn plɛplɛ gi, yé wo nwiinzannu ma é dan nyɔɔn lɛ yé wo dan sɔn vɔ lɛ wolé drapo ma. Gakelebale lé alé kyɛ ke Siɔn yé alé ’furu a Jérusalɛm, yee ɛ fe.

Ézai 46:13

Anlé wetegele kɛlɛle a biéna, é ’ka baa lo. Anlé mi sile we gi ’ka dan mɔn lɛ lo. Maa dan Siɔn munu si lɛ we gi, Yé maa dan anlé fuasan zén lɛ Izraɛl ta.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

OZÉ (Osée) 14:5

Maa dan kɛlɛ lɛ bélé fli zo Izraɛl ma, É dan tin lɛ bélé bolu lé goo zo, Yé a suni é dan wɔra lɛ bélé Liban yili zo,

OZÉ (Osée) 5:15

Maa dan go lɛ yé maa dan da lɛ an nyanana fɔɔ yé wa gi dɔɔ léé, we ’wo gyɛ, yé wo an nagini. Dé wa nyané blena, wo dan an nagini lɛ.

Joɛl 3:17

Yé ka dan a gi dɔɔ lɛ léé, maa a Gakelebale, kalé Bale nya, ’Té an nyanaan anlé gɔ ’lɛzan Siɔn nwiin. Jérusalɛm é dan kɛlɛ lɛ é tinle Yé bɛnnu ’ka dan gié lɛ ana é dɛrɛ lo.

Amɔs 3:7

Naa, Mizan Gakelebale ’ka we kɛla é pla lo, ’té dé é ’ka tan é giwe yɔɔle ga vɔ lɛ é leezannu balelayezannu la lo.