Ézai 18:3 - Kazambale lé Sebe Sauunu 1979

³ ’Kaa faa lé ka ke tɛrɛ faa la, drapo lé wa dɔ gɔnu nwiin, ’ka nagini. ’Ka tɔné dɔ béli lé é ke wena, a lɛ.

Ézai 18:3 ပူးပေါင်းရင်းမြစ်များ

Lɛrɛvɔ Sɛbɛ 50:1

Lɛrɛ lé Azafa a vɔ. Bale, Bale, Gakelebale, i we fe yé i tɛrɛlamunu laa, Bé pélisia yirinwanazia fɔɔ yé é bɔ yirivɔna.

Ézai 1:2

Lanu, ’ka tɔné dɔ; tɛrɛ, ’i an ban i tɔné nya, naa, Gakelebale a wefena. É léma: Maa nénu pa yé wo tin an yuɛ va, naa, wo nwa an ma.

Ézai 11:12

É dan drapo nwa lɛ bɛnnu zé nya; Izraɛl munu lé wo ke lulazannu nya, é dan wo zén lɛ ékeva, yé Juda munu lé wo ke é sɔɔlale, é dan wo si lɛ tɛrɛ glɛ ziɛn sina yé é wo faa zén ékeva.

Ézai 13:2

’Ka drapo nwa gɔlɛgɔ nwiin, ’ka siaa gulidandére nya Babilɔn nyanézannu lɛ. ’Ka tɔmase kɛlɛ wo lɛ ka bɛ nya yé ’wo da yaamitamunu lé flagɔrɔ ’léé.

Ézai 13:4

’Ka tɔné dɔ. Fɛ vun a wena gɔ nwiin bélé mi gu vun wele zo. Bɛntɛrɛnu lamunu valé bɛnnu lé wo zén ékeva, wo vun wele lé. Sunyanu lé wo dan guli dan lɛ, wa ’wolé gulili sina lai sunyanu lé Gakelebale ’lɛ.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 31:9

Di kinile wo gi lé we ma lé wo dan si lɛ wolé guliyɔɔkɔn plɛplɛ gi, yé wo nwiinzannu ma é dan nyɔɔn lɛ yé wo dan sɔn vɔ lɛ wolé drapo ma. Gakelebale lé alé kyɛ ke Siɔn yé alé ’furu a Jérusalɛm, yee ɛ fe.

Ézai 49:22

Mizan Gakelebale léma: Ka ye, maa dan an bɛ soi lɛ bɛnnu vazia, Yé maa dan anlé drapo nwa lɛ munu vazia; Wo dan da lɛ i benu nya ’wo bɛ gi, Yé wo dan da lɛ i lunu nya ’wo bɛapa ta.

Ézai 5:26

Gakelebale drapo nwa munu lé wo ke baa, wo laale we ma. É ’furu fɛn, munu lé wo ke tɛrɛ glɛ sina, wo laale we ma, yé bé ye, wa dana fiéfié, wo ta a kelekele.

Ézai 7:18

’Bɛ yi la, Gakelebale é dan ’furu fɛn lɛ nyɔnɔtoronu lé wo ke Éjipiti tɛrɛ la yuunu nyaana, wo valé zɔrɔnu lé wo ke Asiri tɛrɛ la, wo lɛ.

Jérémi 22:29

Gakelebale léma: Tɛrɛ, tɛrɛoo tɛrɛ! ’I tɔné dɔ Gakelebale lɛ. ’I mi ’ko tɔ gyɛ léé, alé né ’ka lo, Bélé mi lé alé tɛrɛla tɔnɔ ’ka dan kɛlɛ lɛ lo, a zo; Naa, a kulu do kpen ’ka dan kɛlɛ lɛ mi nya Yé é nyana David lé webleblin ta Yé é pla Juda munu nwiin lo.

Jérémi 51:27

’Ka drapo nwa bɛn tɛrɛ la, ’ka béli fɛn bɛnnu méléna; ’ka bɛnnu ma’lɛrɛ nwale a ma we ma; Ararat munu koo, Mini munu koo, Asikénaz munu koo, ’ka wo laa, ’wo nwa wo ma. ’Ka sunyanu nwiinzannu dɔ, ’ka wo pa zia wo ma, ’ka wisoonu pa zia wo ma kiɛre bélé gangannu lé woo kana zén‐é mi gi, wo zo.

Misé 1:2

’Kaa munu faa, ’ka tɔné dɔ. Tɛrɛ valé é tafɛnu, ’ka we ’ma ma. Mizan Gakelebale ’é kɛlɛ ka ma wefezan nya ma, Mizan lé ke élé fuakɔn ’lɛzan gi, yee lé.

Misé 6:2

’Kaa gɔ blɛnnu, ’ka tɔné dɔ Gakelebale lé webledére lɛ. Yé ’kaa tɛrɛ gane gliglinu, ’ka tɔné dɔ ma, naa, Gakelebale valé élé munu a we blena. É sɔ a lɛ léé, ’ézé fe Izraɛl ma.

Misé 6:9

Gakelebale dére a wena fla, yé mi lé é we dɔɔ, é dan kana lɛ a tɔ ma. ’Ka vlewɔlɛ valé ézan dére ’ma ma.

Zakari 9:14

Gakelebale é dan bɔra lɛ wo ta loru Yé alé sawɔlɛ é dan go lɛ bélé lɛɛ yuɛwuovɔle zo; Mizan Gakelebale, é dan béli fɛn lɛ, É dan bié lɛ barikoko plɛplɛ lé éé sié yirinwana bɛyilazia, a gi.

Matio 13:16

Kazé a néné, naa, ka yuɛ a fɛnu yena; kazé a néné, naa, ka tɔné a we ’mana.

Matio 13:9

Mi lé we ’ma tɔné ke a ’wuo ma, ’bɛzan a ’ma ma.