Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ézai 17:8 - Kazambale lé Sebe Sauunu 1979

8 é ’ka é yuɛ vɔa yobannanu lé é a kɛlɛ éboan, wo ta lo. Asataté yonu valé yiribɔnu lé é wo kɛlɛ bɛ, é ’ka dan é bɔn‐in bɔrɔ lɛ wo ma é dɛrɛ lo.

အခန်းကိုကြည့်ပါ။ ကော်ပီ




Ézai 17:8
29 ပူးပေါင်းရင်းမြစ်များ  

Woo ’wo zi naginian yé wo siwegizan do kpen ’ka ana lo. Woo siaan Gakelebale lɛ yé ’bɛ ’ka a zi paan wo lɛ lo!


Aza fla plɛplɛnu pa Juda tɛrɛ la; naa, tɛrɛ vo drɔɔ; wo ’ka guli dan lɛ a va lɛɛ ’konu wuo lo. Gakelebale vole drɔɔ nɔ wo lɛ, azama.


’Bɛ faa lɛsɔɔle zuo, Izraɛlnu faa lé ke ana mi, wo si ana yé wo go Juda flanu ta. Yé wo yobɔnu ’wii yé wo miyilinu dia, yé gɔ nwiin yobanna valé miyili bannanu lé ke Juda valé Bɛnjamɛn tɛrɛnu ta koo, Éfraim valé Manasé tɛrɛnu faa ta koo, wona, wo wo guru zana a gi. ’Bɛ zuo, Izraɛlnu faa nɔla wo pa gi wolé flanu ta; wo faa do do go ’wo nyanana.


Wo Baal bannanu zana a gi a yuɛ va, yé yofotonu lé ke yiri zé nya, ’té wa dɔ yee Baal banna ta loru, é wo zana a gi; miyilinu koo, fɛfotonu koo, fɛfoto serelenu koo, é wo wii yé é wo pun bo. Yé é a pun nwɛɛn munu lé woo wo baan, wo vunnu ta.


Ka dan wolé balebannanu yara bua lɛ, ka dan wolé yofotonu ’wii lɛ yé ka dan wolé miyilinu yéli lɛ.


Térébɛnt yilinu lé woo ka gi nanaan, yara é dan ka gyɛ lɛ wolé we ma. Zianféinu lé wo ke ka ginanamafɛ nya, ka yuɛ é dan tana lɛ wolé we ma.


’Bɛ yi la Izraɛl pɔné lé wo vo, Jakɔb kulunu lé wo so we lee, wo ’ka dan vɔ lɛ ’wo blazan zi é dɛrɛ lo; wo dan vɔ lɛ Gakelebale Izraɛl lé Mi Sauun lé wo pale ke a ta, a zi.


’Bɛ yi la, alé fla plɛplɛnu é dan kɛlɛ lɛ bélé pɔrɔ lé wa wo yé wa fiafia vɔ, ana zo, gɔnu nwiin; wo dan fwi lɛ ana Izraɛl munu ’lɛ. É dan kɛlɛ lɛ bwi nya.


Miyilinu a é fanle wolé tɛrɛ la; woo diaan ’wo bɛ kɛlɛfɛnu ’lɛ, fɛnu lé wo wo nyaa woboan, woo diaan wo ’lɛ.


’Bɛ zo lé Bale é dan Jakɔb lé wenyané ’yibo lɛ; a ma we vole alé wenyanénu ma tɔnɔ é dan kɛlɛ lɛ ’ko zo: é dan yobannanu lé gɔlɛnu kɛlɛ lɛ é vun nya; Asataté miyilinu valé yiribɔnu, wo ’ka dan nwa lɛ é dɛrɛ lo.


Gɔɔlifu valé kyan lé ka sele kalé miyilinu ma, ka dan wo ye lɛ fɛ naané nya; ka dan wo vuli lɛ bélé bli zo, yé ka dan a fe lɛ wo lɛ léé: ’Ka si ko yuɛi mi.


yé wo wolé balenu vuli kyɛ va; naa, wo ’ka balenu nya lo, mi bɛ panyanama lé wa kɛlɛ yili valé gɔlɛ nya, yee lé ke wo nya; yé wo wo kɛlɛ é boa.


Ka ye, wo faa a é boa, Wo kɛlɛwe ’ka lo, Wolé miyilinu a bélé fu zo é pla.


Yili ’konu éé kɛla kyɛ nya blami lɛ; éé a sié yé éé dunu sié ’é ma a nya. Éé kyɛ vɔa a ’léé, fɛ dɔnele we ma. Éé a kɛla é ziin yo nya, ’té éé a baan, éé a kɛla miyili nya, ’té éé diaan ’é bli la a ’lɛ.


Woo bɔn‐in bɔrɔan wolé nénu ma fɛan zo, a zo duo lé woo bɔn‐in bɔrɔan wolé balebannanu ma, yé a zo duo lé woo bɔn‐in bɔrɔan wolé miyilinu lé wa laama Asataté, ’té woo wo dɔa yili drɔɔdrɔɔnu wuo, ’bɛ valé gɔpanénu nwiin bɛ, wo ma.


Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.


Éfraim léé: Miyilinu éé mɛ kɛla an lɛɛ? Maa dan a dére ’ma lɛ, maa dan a tabin lɛ, Maa dan kɛlɛ lɛ a lɛ bélé siprɛyili drɔɔdrɔɔ zo. Maa ɛ va lé ka dan tɔnɔ ye lɛ.


Mi lé é we dɔɔ, ’é gi bɔrɔ we ’konu ma ma. Mi lé a ’wuo ke a ta, ’é wo ’ma ma. Naa, Gakelebale lé zinu a é drɔle tegele; mi tegelenu é dan tawo lɛ wo ta, naa, nwamimazannu é dan dia lɛ ana.


Blaminu koo, winu koo, lagi mianénu valé wɛyi va pɔnu koo, mi saanfɛnu valé mi nyanénu koo, maa dan wo sɛrɛ lɛ tɛrɛ la. Maa dan blaminu kulu ga lɛ tɛrɛ la. A zo lé Gakelebale a fe.


Lai sunyanu lé Gakelebale léma: ’Bɛ yi la maa dan miyilinu tɔ yi ga lɛ tɛrɛ ’ko la, léé, té wo sele é dɔ mi gi é dɛrɛ lo. Balelayezannu koo, bli tiridɔlenu koo, maa dan wo si lɛ tɛrɛ ’ko ta.


We lé ka dan a kɛlɛ lɛ wo vazia, yee lé ke ’ko: ka dan wolé yobannanu zana lɛ a gi, ka dan wolé yowɔlɛnu sɛrɛ lɛ, ka dan wolé miyilinu yéli lɛ, yé ka dan wolé yonu kyɛ ble lɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ