Ézai 17:10 - Kazambale lé Sebe Sauunu 1979

¹⁰ Naa, Bale lé é ka si we gi, ka gi san ’bɛ ma, i yɔɔwuogɔlɛ sele saan i gi, azama. Ka féi pa yonu zé nya, ka dɔrɔyili suru bale bɛnu lɛ.

Ézai 17:10 ပူးပေါင်းရင်းမြစ်များ

Minwiinzannu lé Wezuofe Sɛbɛ 16:35

’Ka fe, ko siéwegi Bale, ’i ko si we gi, ’I ko si bɛnnu méléna, yé ’i ko zén ékeva, léé, Ko i tɔ ’lɛzan kɛlɛ blɛn, Yé ko i tɔ zin fe ginanale nya.

Lɛrɛvɔ Sɛbɛ 106:13

Naa, alé nyanama sele saan wo gi é kele, Wenu lé é dan wo kɛlɛ lɛ, wo ’ka a lɛsɔɔle lɛbɛn lɛ lo.

Lɛrɛvɔ Sɛbɛ 106:21

Wo Siéwegizan Bale lé É we blɛnnu kɛlɛ Éjipiti tɛrɛ la,

Lɛrɛvɔ Sɛbɛ 18:2

Oo Gakelebale, anlé plɛplɛ, i sɔ an lɛ.

Lɛrɛvɔ Sɛbɛ 31:2

Gakelebale, an vɔ i zi; Té yara an gyɛ pelo. Ilé we tegele ma, ’i an si munu lee.

Lɛrɛvɔ Sɛbɛ 65:5

Mian bé si a va yé bé dale i va nyi sié, Léé, é nyana ilé gɔrɔ gi, azé a néné. Ilé kɔn gi fɛ zinnu é dan ko kan lɛ, Ilé kɔn sauun é dan kozé bɔ lɛ.

Lɛrɛvɔ Sɛbɛ 79:9

Ko Siéwegizan Bale, ’i bɔ ko va, i tɔ kɛlɛle blɛn lé we ma. ’I ko si munu lee yé ’i ko ma we vo kolé wenyanénu ma, i tɔ lé we ma.

Lɛrɛvɔ Sɛbɛ 85:4

I daan i wɛwɛ dɔle faa ma, Ilé bliflile lé é ke tɔntɔn, i daan a ma.

Lɛrɛvɔ Sɛbɛ 9:17

Gakelebale éé ’é dɔbɛ gɔɔn‐an wo lɛ, éé we tegele kɛla, Éé minyanénu yerean ’wo bɛnu panyanama nya. ’Ka dɔ. ’Wo flinnu gyɛ.

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 17:9

’Bɛ yi la, alé fla plɛplɛnu é dan kɛlɛ lɛ bélé pɔrɔ lé wa wo yé wa fiafia vɔ, ana zo, gɔnu nwiin; wo dan fwi lɛ ana Izraɛl munu ’lɛ. É dan kɛlɛ lɛ bwi nya.

Ézai 18:5

Naa, fɛ sobléyi ’lɛ, dé dɔrɔyili a nɛɛna, dé a vwi bi yé a poro baa yé é tana, maa dan a bɛnu bɔi lɛ kɔblané nya, maa dan a yilinu ma bɔi lɛ.

Ézai 25:4

I kɛlɛ mi tɔɔtɔɔnu yɔɔna nya, Nyanaizénlamunu lé we tɔntɔn bɔ wo ma, i kɛlɛ wo yɔɔna nya. Munu vɔ i zi fu plɛplɛ giéle valé lɛɛ plɛplɛ dale we ma; I kɛla furɔ nya kyɛyee bɔ bléyi va; Naa, yaamitazannu lé fu fɛɛle A bélé fu plɛplɛ lé éé gɔrɔ zanaan, a zo.

Ézai 26:4

’Ka pa Gakelebale ta, té ’bɛ glɛ é dɔ lo, Naa, Gakelebale a gɔlɛgɔ nya lɛɛfaama zé nya.

Ézai 30:29

Ka dan lɛrɛ vɔ lɛ bélé fɛti kɛlɛzannu zo é béli; ka gi é dan nana lɛ bélé mi lé ke tawona béli fɛnle yɛrama, a zo, ka gole Gakelebale lé gɔ ma we ma, ka gole Izraɛl lé gɔlɛ ma we ma.

Ézai 33:2

Gakelebale, ’i nyanai zén ko ta. Ko bli a bii ɛ lɛ. ’I bɔ ko va tu faa do do ma; ’i ko si we gi kolé kleblebléyi va.

Ézai 44:8

Té ka kana lo, té ka ma é nyɔɔn lo; Maa ’ka a fe lɛ ka lɛ é li é kyɛn loo? Ka a anlé wenayezannu nya; Dé é ’ka maa nya lo, Bale bɛ aa? Gɔlɛgɔ bɛ ’ka lo, maa ’ka a do kpen dɔɔa lo.

Ézai 51:13

Yé Gakelebale lé é lanu fwila, ’té é tɛrɛ gane vɔ, ’Té é biibozen kɛlɛ, yé i gi é san ’bɛ maa? Yé yaamitazan lé ke kwa kulina léé, ’é i gyɛ, Mɛmalé i ma é vo nyɔɔnna ’bɛ lé bliflile lee yifaamaa? Yaamitazan lé bliflile a mɛ ɛ nyaa?

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Ézai 62:11

We lé Gakelebale a zana dɔɔ fɔɔ tɛrɛ glɛ sina, yee lo; É léé, ’Ka fe Siɔn munu lɛ léé, Ka yua, ka siwegizan lé é dan bɛ; Ka ye, ka gooli a a lee, Yé a ’lɛvlɛ lé ke mibanwole nya.

Jérémi 12:13

Wo buruwɔlɛ zima vɔ féi yé wo lélinu gyɛ fɛgyɛbléyi va. Wo ’wo wɔlɛ gi nyaa wo ma é pla, ’té a tɔnɔ ’ka lo. Fɛ lé ka a gyɛ féi, Gakelebale lé bliflile blɛn zuo bɛ, Yara ’é ka gyɛ a ma ma.

Jérémi 17:13

Gakelebaleoo, Bale, Izraɛl munu bli a bii ɛ lɛ. Munu faa lé wo sɔn vɔ i ma, yaragyɛwe é dan bɔ lɛ wo ma. Munu lé wo nwun zi dɔ an ta, wo dan wo tɔ gyɛ lɛ tɛrɛ va. Naa, maa Gakelebale lé an ke mi vo é yuɛma ’yi’wuo nya, wo sɔn vɔ an ma, azama.

Jérémi 2:32

Blɛnné gi éé saan é ’lɛrɛfɛnu maa? Bosizan gi éé saan élé fɛwezan maa? Naa, anlé munu gi san an ma yi kiɛre boen nya.

Jérémi 3:21

Munu dére a wena fɛna lorunu na, Izraɛlnu lé wuvɔdére valé wolé dunuvɔmadére lé; Naa, wo ’wolé zi sɛrɛ, Yé Gakelebale, wolé Bale sele saan wo gi.

Ézékiɛl 22:12

Bii fla ’ko la, woo blɛfɛ sié mi nyɛ zanale we ma; woo gɔɔli zuo tɔnɔ valé a pamale sié, woo ’wo bɔluzan leefɛ sié gla nya, yé maa, wo gi éé saan maa ma. Yee lé Mizan Gakelebale a fe.

Ézékiɛl 23:35

Amalé Mizan Gakelebale léma: An sele saan i gi, i an vuli i zuozia, amalé ’i ’wuo dɔ i kɛlɛwe plenu valé ilé gɔnéginile ma nyanénu wuo.

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

OZÉ (Osée) 8:14

Izraɛlnu gi san ’wo Kɛlɛzan ma, yé wo fuakɔnnu dɔ. Juda élé fla plɛplɛ kɛlɛ di; naa, an dan wolé flanu kyɛ vɔ lɛ, yé wolé fuakɔnnu kyɛ é dan ble lɛ.

Joɛl 1:17

Féifɛ wɔlɛnu ga tɛrɛ wuo; Boonu vo é koro nya, Fɛ téénanu sɛrɛ tata, Naa, ’sa do kpen ’ka lo, azama.

Lévinu 26:16

we lé maa dan a kɛlɛ lɛ ka lɛ, yee lé ke ’ko. Maa dan kana blɛn zén lɛ ka gi, yé maa dan ka gyɛ lɛ fuunégyɛ valé kɔlɛkyɛdɔgyɛ nya, yé ka yuɛi é dan zun lɛ yé ka boen é dan kle ble lɛ; ka dan fɛ vɔ lɛ kalé féi é pla; ka nyanézannu é dan a ble lɛ.

Lévinu 26:20

Ka dan nyanama pa lɛ é pla; kalé tɛrɛ ’ka dan fɛ dɔ lɛ lo, yé kalé yilinu ’ka dan ’wo poro baa lɛ lo.

Amɔs 5:11

É ziin, ka nyanaizénlazannu zɔn ka gane nya; ka ’sa si wo lee gla nya, blɛfɛ tɔ gi; ka kɔn dɔ gɔlɛ nyaalenu nya, naa, ka ’ka dan nyana lɛ wo gi lo. Ka dɔrɔféi nɔnɔminu pa, naa, ka ’ka dan ana dɔrɔ mini lɛ lo.

Abaku 3:18

Naa, duowo, an gi é dan nana lɛ Gakelebale gi, An gi é dan nana lɛ an siéwegizan Bale gi.

Sofoni 1:13

Munu é dan ’wii lɛ wolé fɛ zinnu ta, yé wo dan wolé kɔnnu sɛrɛ lɛ. Wo dan kɔnnu dɔ lɛ, naa, wo ’ka dan nyana lɛ wo gi monomono lo. Wo dan dɔrɔféinu pa lɛ, yé wo ’ka dan ana dɔrɔ mini lɛ é dɛrɛ lo.

Bélidɔwesɛbɛ Fiézan 28:30

I dan le pu dɔ lɛ yé mi bɛ é dan yi gyɛ lɛ a va; i dan kɔn dɔ lɛ yé i ’ka dan nyana lɛ a gi lo; i dan dɔrɔféi pa lɛ yé i gi ’ka dan nana lɛ a poro ma lo.

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,

Bélidɔwesɛbɛ Fiézan 32:18

Gɔlɛ lé é i kɛlɛ, i sɔn vɔ a ma, Yé Bale lé é i yaa, i gi san a ma.

Bélidɔwesɛbɛ Fiézan 32:31

Naa, wolé gɔlɛ ’ka bélé kozé Gɔlɛ zo lo, Ko nyanézannu boen ’bɛ gi dɔɔ.

Bélidɔwesɛbɛ Fiézan 32:4

É a bélé gɔlɛ zo; gun ’ka a kɛlɛwenu ma lo, Alé tawobɛ faa a tegele, azama; É a Bale lé éé yara paan we la, ’té weple ’ka a gi lo, a nya. É a tegele, é a é drɔle.

Bélidɔwesɛbɛ Fiézan 6:12

Dé ka fɛ ble yé ka kan, ’ka yuɛ pa kabozen va; té ka gi é san Gakelebale lé é ka si luu gi Éjipiti tɛrɛ la, a ma lo.

Bélidɔwesɛbɛ Fiézan 8:11

’Ka yuɛ pa kabozen va, té ka gi é san Gakelebale, kalé Bale ma lo, yé a sɔnnénu valé ka gɔnɔlawenu valé alé bélidɔwenu lé maa wo gɔɔn ka lɛ kyɔ yé ka ’ka wo ta tawo lo lo.

Bélidɔwesɛbɛ Fiézan 8:14

’ka yuɛ pa kabozen va, té ka kabo kɛlɛ blɛn lo; Gakelebale, kalé Bale lé é ka si luu gi yé é ka si Éjipiti tɛrɛ la, té ka gi é san a ma lo.

Bélidɔwesɛbɛ Fiézan 8:19

Dé ka gi san Gakelebale, kalé Bale ma, yé ka go bale bɛnu zuo, dé ka wo bɔ yé ka dia wo wuo, maa fe ka lɛ kpaklaa kyɔ léé, ka dan zamaga wo lɛ.