Ézai 16:6 - Kazambale lé Sebe Sauunu 1979

⁶ Ko Moab munu lé boblɛn dɔɔ, boblɛn lé é mini a lɛ, yee lé; abo bɔle koo, abo nwale koo, alé mi naginile é yuɛ zuo koo, alé boadérenu koo, ko wo dɔɔ.

Ézai 16:6 ပူးပေါင်းရင်းမြစ်များ

Wegɔnévɔlenu 21:24

Boblɛnzan valé mi gini é yuɛzuozan, wa laama mi ma we nanazan; éé we kɛla élé boblɛn lé é siale ana nya.

Ézai 15:1

Balelawe lé Ézai a fe Moab tɛrɛ ma, yee lo. Yian nya lé wo ’wii Aa‐Moab munu ta é béli, wo fla sɛrɛle nyaa. Yian nya lé wo ’wii Kii‐Moab munu ta é béli, wo fla sɛrɛle nyaa.

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 25:10

Naa, Gakelebale bɛ nyané a gɔ ’ko ɛ ta; wo Moab zɔn ’wo gane nya fɛ ’ko ɛ na, fɛan zo lé woo lɔɔ zɔn‐o ’wo gane nya kɔn fwina, a zo.

Ézai 25:11

’Bɛna lé é dan é bɛ soi lɛ bélé ’yisizan éé ’yi sié fɛan zo, a zo. Naa, Gakelebale é dan alé boblɛn yi ga lɛ yé san lé é a vɔ nuu, é dan a sɛrɛ lɛ.

Ézai 28:15

Ka léé, ’wo gi pa do ga va, ’wo kɛlɛ do mipagurunu nya; dé migyɛgyɛ bɔ mi kiɛre ma, é ’ka dan bɔ lɛ ’wo va lo; naa, dabli kɛlɛle a ’wo yɔɔna nya, yé viéwole a ’wo tayɔɔfɛ nya, azama.

Ézai 28:18

Ka gi lé ka pa do ga va, maa dan ’bɛ sɛrɛ lɛ. Ka ’ka dan nana lɛ mipagurunu nya é dɛrɛ lo. Dé migyɛgyɛ da é dan ka ’wii lɛ.

Ézai 44:25

Maa viébalelayemunu lé tɔmasenu sɛrɛ, Yé maa lé ’monédɔmunu ma léé, wa tavozannu nya; Maa wedɔɔmunu biéan ’wo zuo, Yé maa wolé ’wuoatawe nɔla tavowe nya.

Jérémi 48:14

É kɛlɛ kaa yé ka léé: Ko a sunyanu lé ke nyanazannu nya, ’Té wo ma ke é ’lɛrɛle gulidanle we ma, wo nyaa?

Jérémi 48:26

’Ka a gyɛ nwɛ nya, naa, é nwa Gakelebale ma; Moab ’é burula é féé va, yé ’é kɛlɛ é ziin yérisiémazan nya ma.

Jérémi 48:42

Moab zé é dan nyaa lɛ; é ’ka dan kɛlɛ lɛ bɛn nya é ziin lo, naa, é nwa Gakelebale ma, azama.

Jérémi 50:36

’Wo gwɔun sia viébalelayezannu ma, ’wo kɛlɛ bélé ’wuosɛrɛzannu zo ma. ’Wo gwɔun sia nyanazannu ma, di ’é kini wo gi ma.

Amɔs 2:1

Gakelebale léma: Moab munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; é Édom munu nwiinzan blɛn wɔlɛnu kyɛ ble yé é wo kɛlɛ tɔrɛ nya, azama.

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.