Ézai 16:5 - Kazambale lé Sebe Sauunu 1979

⁵ Dé é sɔ mi lɛ léé, élé webleblin dɔ gligli, ’é kɛlɛ mi zin nya ma. Wo dan a ye lɛ léé, David kululazan do, yarapawelazan do, é dan nyana lɛ ana; é a weblezan lé wedrɔle sɔ a lɛ bélé mi béé zo, a nya, ’té a fuu a a ta we tegele kɛlɛna.

Ézai 16:5 ပူးပေါင်းရင်းမြစ်များ

2 Samuɛl 23:3

Izraɛl lé Bale we fe, Izraɛl lé gɔlɛ lé an lɛ léé: Mi lé éé plaan munu nwiin we tegele kɛlɛle nya na, Mi lé éé plaan munu nwiin kanale Bale lee nya na,

2 Samuɛl 5:9

David nyana kli fla plɛplɛ ta yé é a laa David lé fla. É kɔnnu dɔ fɛfaana, Milo boen valé Milo zi.

2 Samuɛl 7:16

Ilé kɔn valé ilé plale mi nwiin é dan kɛlɛ lɛ sɔbɛlawe nya lɛɛfaama; ilé webleblin é dan dɔ lɛ gligli lɛɛfaama.

1 Minwiinzannu 10:9

Gakelebale ilé Bale lé é we zin kɛlɛ i lɛ i nyanale Izraɛl lé webleblin ta nya, a drɔɔ ’é vo ma! Izraɛl sɔ Gakelebale lɛ lɛɛfaama, bɛwemalé é i dɔ minwiinzan nya we drɔle valé we tegele kɛlɛle we gi.

2 Minwiinmunu lé Wezuofe Sɛbɛ 31:20

Wean Ézékia a kɛlɛ Juda tɛrɛ faa la, yee lé ke bɛ. We lé é ke é zima, we lé é ke é drɔle, we lé é ke webozen nya, yee lé é a kɛlɛ Gakelebale alé Bale yuɛ gi.

Lɛrɛvɔ Sɛbɛ 85:10

Iin, munu lé woo kanaan a lee, alé mi silewegi a wo sɔnɔ, A tɔbɔle vole ana kolé tɛrɛ la we ma.

Lɛrɛvɔ Sɛbɛ 89:14

I bɛ a plɛplɛ, I bɛlaa a plɛplɛ, i bɛyi a é nwale.

Lɛrɛvɔ Sɛbɛ 96:13

Gakelebale ’lɛ ma. Naa, é a dana, É a dana tɛrɛlamunu lé we ble lɛ; É dan tɛrɛlamunu lé we ble lɛ tegele, É dan migɔnɔnu lé we ble lɛ é yara pale we ta yɛrama.

Lɛrɛvɔ Sɛbɛ 98:9

Gakelebale ’lɛ ma. É a dana tɛrɛlamunu lé we ble lɛ. Naa, é dan tɛrɛlamunu lé we ble lɛ tegele, Yé é dan migɔnɔnu lé we ble lɛ wedrɔle nya.

Lɛrɛvɔ Sɛbɛ 99:4

Minwiinzan blɛn lé, we tegele sɔ a lɛ, ’wo alé plɛplɛ tɔ bɔ ma. I wedrɔle dɔa gligli, I we tegele valé we drɔle kɛla Jakɔb bɛn gi.

Wegɔnévɔlenu 20:28

Wezin kɛlɛle valé yara pale we la ɛ minwiinzan tabin‐é, yé é alé plale mi nwiin dɔa gligli weboen nya.

Wegɔnévɔlenu 29:14

Minwiinzan lé éé nyanégyɛzannu lé we blé tegele a plale mi nwiin glɛ ’ka dan dɔ lɛ lo.

Ézai 33:22

Naa, Gakelebale a kolé weblezan nya; Gakelebale a kolé bélidɔwe nɔzan nya; Gakelebale a ko nwiinzan blɛn nya; yee ɛ ke ko siéwegizan nya.

Ézai 55:4

Maa a dɔ wenayezan nya munu lɛ, Maa a dɔ munu nwiinzan valé wo bélidɔzan nya.

Daniɛl 7:14

Kɛlɛle minwiinzan nya koo, fuablele koo, plale mi nwiin koo, wa se kɛlɛ a lɛ, yé migɔnɔ faa koo, bɛnnu koo, dére faa do do vɔmunu koo, wa bɔ. Alé plale mi nwiin a plale mi nwiin lé a glɛ ’ka lo, ’té é ’ka giéan lo, a nya, yé a plale mi nwiin ’ka nyaan monomono lo.

Daniɛl 7:27

Plale mi nwiin koo, munu plale a wuo koo, tɛrɛ la bɛngɔnɔnu faa lé fua koo, wo dan wo nɔ lɛ Loruzan lé munu lɛ. ’Bɛnu lé plale mi nwiin a plale mi nwiin lé é vo ana lɛɛfaama, a glɛ ’ka lo, a nya, yé minwiinzannu faa é dan a bɔ lɛ yé wo dan a lɛdɔ lɛ a ma.

Amɔs 9:11

’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.

Misé 4:7

Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.