Ézai 15:5 - Kazambale lé Sebe Sauunu 1979

⁵ An dunnuan an bli gi Moab munu lé we ma; alé munu a vlanburuna fɔɔ Soaa, wo bélile we gi, wa vlanburuna fɔɔ Églat‐Sélisija; naa, wa gona loru Lusit vazia, ’té woo wuvɔa, yé wa siaana kleblele nya Koronaim lé zi ’léé.

Ézai 15:5 ပူးပေါင်းရင်းမြစ်များ

Wepélisiananu 13:10

Lɔt é yuɛ vɔ, yé é Juudɛn yuu lé fɛna pɛblɛɛ ye, ’té ’yi yoro ana di. ’Té Kazambale ’ka tan Sɔdɔm valé Gɔmɔɔ kyɛ ble lɛ lo; ana a bélé Gakelebale lé féi zo. É a bélé Éjipiti tɛrɛ la zo fɔɔ é bɔ Soaa.

Wepélisiananu 14:2

’bɛ bléyi va wo guli dan mununwiinzannu bɛnu va; Sɔdɔm mununwiinzan Béra koo, Gɔmɔɔ mununwiinzan Biisa koo, Adima mununwiinzan Sinéab koo, Séboim mununwiinzan Sémébɛɛ koo, Béla mununwiinzan Soaa koo, woo lé.

Wepélisiananu 19:22

’I go fiéfié, ’i yɔɔ ’bɛna, naa, dé i ’ka tan bɔ lɛ ana lo, an ’ka bɔa we do kɛlɛle lɛ lo. We ’ko ma lé wo fla ’ko laama Soaa.

2 Samuɛl 15:23

Fɛkona munu faa yuɛyi so, ’té woo wuvɔa plɛplɛ munu gié bléyi va. Minwiinzan Sédrɔn yuu kini yé munu faa gié zi lé é go bwi gi zia, a ta.

2 Samuɛl 15:30

David Ɔlivigɔ gié. É a gié wuvɔle nya, ’té sɔ a é zénle a ’wuo ma, ’té sawala ’ka a gane ma lo; a vamunu faa sɔ zén ’wo ’wuo ma é ziin, yé wo gɔ gié wuvɔle nya.

Ézai 16:14

Yé sin Gakelebale léé: É sia kyɔ ’ko lɛɛ yaa, nyanamapazan lé lɛɛ nɔnɔle yɛrama, Moab tɔbɔle é dan kɛlɛ lɛ serelebomafɛ nya, ’bɛ valé alé migu blɛn faa nya. Fɛ lé é vo, é dan kɛlɛ lɛ kiéné, é vo sɛ ’té é ’ka boenwo lo.

Ézai 22:5

Naa, kolé gibɔrɔpayi lé kyɔ, ko ’wiiyi lé, tun dɔ ko gi yi lé; Mizan, lai sunyanu lé Gakelebale ɛ yi ’ko bɔ ko ma, pɛnguru lé woo yuɛzi yé ana, ana. Wo fla zi gɔrɔ zana a gi, nyané ble siaalenu bɔ gɔ ma.

Ézai 59:7

Ka vlanburuwo wenaané vazia; ka ta a é kelekele weanwiinlozan nyɛ zanale ma; ka gibɔrɔle a weple gibɔrɔle nya; ’wiile fɛ ta valé guru zanale a gi a kalé zi ta.

Jérémi 13:17

Dé ka ’ka ka tɔné dɔ lɛ an lɛ lo, Maa dan wuvɔ lɛ kyeen gi kalé boblɛn lé we ma. An yuɛyi é dan yoro lɛ, Wo go Gakelebale lé trubɛnu nya luu gi, azama.

Jérémi 17:16

Yé maa, maa i lɛdɔ a ma. Maa ’ka sɔn vɔ lɛ an kɛlɛle Bale lé munu pazan nya ma lo; yé bé gi dɔɔ léé, maa ’ka a va léé, yi tɔntɔn é bɔ lo; wean é bɔra an ’léé, maa a fe gɔrɔ la.

Jérémi 4:19

An bli loo! An bli loo! Maa a nyané blena an bli gi. An bli a an gyɛna. An ’ka bɔa tadɔle lɛ lo; Naa, an boen, ’i béli dére ’ma. ’I gulidanle vun ’ma.

Jérémi 4:20

Woo we tɔntɔn na glewoo, ’té wa woo, Naa, wo ’wii tɛrɛ faa ta, Wo anlé sɔkɔnnu sɛrɛ bléyi do nya fiaa, Wo anlé yɔlaabannu zana yuɛlakɔné gyɛle do nya.

Jérémi 48:3

Koronaim munu a siaana; Wo ’wii a ta, yé kleblele blɛn bɔ a ma.

Jérémi 48:5

Munu Lusit gɔ gié wuvɔle nya, Yé munu lé wa Koronaim gɔ zunna, wolé kleblele siaalenu zuo gi a wena.

Jérémi 50:46

Vun lé é we Babilɔn sile we ma, é tɛrɛ ma nyɔɔn, yé wo wo siaale ’ma bɛnnu méléna.

Jérémi 9:10

É sɔ an lɛ léé, an wuvɔ yé an dunnu gɔ nwiin; Maa dan gyɛ wuvɔ lɛ nyéné saa lé fɛna pɛblɛɛna; Naa, wo ana kyɛ ble, mi do kpen ’ka giéna ana lo, Wo ’ka trubɛnu dére maan ana é dɛrɛ lo; Lagi mianénu valé winu fwila yé wo san.

Mi Nɔnɔle 21:29

Moabnu, ka gale nyɔ, ’Kaa Kémosimunu, ka san. Moab gɔnénu kɛlɛ fwilazannu nya, Yé alé blɛnnénu kɛlɛ Amorénu nwiinzan Sioni lé luunu nya.