Ézai 15:2 - Kazambale lé Sebe Sauunu 1979

² Wo go yobankɔn gi, yé wo go Dibɔn, gɔnwiin yobanna na, wuvɔle we gi. Moab tɛrɛ lamunu a wuvɔna Nébo valé Médéba ta; wo ’wo nwin faa puiɛ, wo ’wo puomagun faa puiɛ.

Ézai 15:2 ပူးပေါင်းရင်းမြစ်များ

2 Samuɛl 10:4

Yé Anun David wuozannu kun yé é wo puomagun bɛ do puiɛ yé é wolé varɔnu bɔi wo méléna yé é vo wo boro ma loru yé é daan wo ma yé wo go.

Minwiinzannu lé Wezuofe Sɛbɛ 19:4

Yé Anun David wuozannu kun, yé é wo puomagun bo, yé é wolé varɔnu bɔi wo méléna yé é vo wo boro ma loru yé é daan wo ma yé wo go.

JOB (Job) 1:20

Yé Job nwa, élé sɔ fia, yé é nwin puiɛ; ’bɛ zuo yé ébo vuli tɛrɛ va yé é dia é bli la

Ézai 14:31

Duoli, ’i dunnu; fla, ’i gyɛ bo. Filisitinu lé tɛrɛ faa tere, i ma ’é nyɔɔn. Naa, kyɛgoi a nwana yirinwana bɛbolazia; i nyanézannu lé sunya balenu a é tunule ékema.

Ézai 15:3

Wa zi gi, ’té bɔlɔ a é zénle wo ta. Kɔnnu nwiin valé flaworo dii, mi faa éé dunnuan, ’té wo yuɛyi éé zén‐é.

Ézai 16:12

Woo Moab munu yé, ’té wo ’wobo wɔlɛ gi nyaa ’wo ma gɔ nwiin yobannanu na. Woo goo bazoro lɛ ’wolé fɛna tinle na, yé wo ’ka we do kpen yé lo.

Ézai 16:7

Bɛwemalé Moab munu a dunnuna Moab tɛrɛ lé we ma, wo faa a dunnuna. Ka dan bamaflin lɛ Kii‐Arésɛt ’bin la, wa sɛrɛ naané.

Ézai 22:12

Mizan, lai sunyanu lé Gakelebale é dan ka laa lɛ ’bɛ yi la, léé, ’ka wuvɔ, ’ka gɔlɛ gyɛ, ’ka nwin bo, ’ka bɔlɔ zén ka ta.

Ézai 3:24

Fɛvɔnle gin é dan kɛlɛ lɛ lasikɔrɔ pa gi; gyɛla é dan kɛlɛ lɛ kyɛsidi pa gi; palo é dan dɔra lɛ nwintanle pa gi; bɔlɔ prɔɔné é dan kɛlɛ lɛ varɔ blɛn pa gi; wo dan tɔmase pa lɛ wo ma kyɛ nya, wo nɔnɔmi pa gi.

Jérémi 3:21

Munu dére a wena fɛna lorunu na, Izraɛlnu lé wuvɔdére valé wolé dunuvɔmadére lé; Naa, wo ’wolé zi sɛrɛ, Yé Gakelebale, wolé Bale sele saan wo gi.

Jérémi 47:2

Gakelebale léma: Ka ye, ’yinu nwa yirinwana bɛbolazia, Wa bélé ’yiyoro plɛplɛ lé é nwɛɛn é gɔ la, a zo; Tɛrɛ koo, a tafɛnu koo, Flanu koo, wo tamunu koo, é wo ble. Munu siaa plɛplɛ, Ana tɛrɛlamunu faa gyɛ bo.

Jérémi 47:5

Gaza munu wo dan ’wo nwin puiɛ lɛ gyɛbole nya, Azkalɔn munu é dan ’wo tadɔ lɛ tétété, mi pɔnénu lé woo nyanaan fɛna pɛblɛɛna, wo é ziin, I dan ibo ma mian lɛ yifaamaa?

Jérémi 48:1

Moab mawe lo. Lai sunyanu lé Gakelebale, Izraɛl lé Bale léma: We tɔntɔn kɛlɛ Nébo lɛ, naa, wo ’wii a ta. Kiijataim a é dɔle é gane ta; wa si. Misigab bɔ gyɛ, wa sɛrɛ.

Jérémi 48:18

Dibɔnzan, blɛnzan, ’I si ilé fua nyanana, ’i zun, ’i nyana tɛrɛ gale ta. Naa, Moab sɛrɛzan nwa i ma, É a i yɔɔna plɛplɛ sɛrɛna.

Jérémi 48:31

Bɛwemalé an dunnuan Moab tɛrɛ lé we ma. An dunnuan Moab tɛrɛ faa lé we ma. Woo bamaflin woo Kii‐Érɛs munu lé we ma.

Jérémi 48:35

Gakelebale léé: É sɔ an lɛ léé, an Moab zé nyaa. Mi lé é gié alé gɔ nwiin yobannanu na, ’té éé lasikɔrɔpo kyɛ blé alé bale lɛ, té ’bɛzan é kɛlɛ ana é dɛrɛ lo.

Jérémi 49:3

Esibɔn munu, ’ka dunnu, ’ka siaa, naa, wo Ai guru zana a gi. Raba munu, ’ka siaa yé ’ka bɔlɔ zén ka ta; ’ka wuvɔ yé ’ka vlan buru ’ko valé ’kona bɔbɔ vɔle nya. Naa, wo Malkɔm si yé wa gona a banzannu valé a nwiinzannu nya luu gi.

Jérémi 7:29

Jérusalɛm munu, ’ka ka nwin bɔi yé ’ka a vuli baa; ’Ka vɔ fɛna nwalenu na, yé ’ka wu lɛrɛ vɔ. Munu lé wo Gakelebale bli nwa, É sɔn vɔ wo ma yé é wo sié ma baa.

Ézékiɛl 27:31

Wo dan wo nwun puiɛ lɛ ilé we ma, Wo dan bɔlɔ zén lɛ ’wo ta, Yé wo dan wuvɔ lɛ i ta ’wo bli kyɛ dɔle nya, Kleblele blɛn nya.

Ézékiɛl 30:2

Blami be, ’i balelawe fe léma: Mizan Gakelebale léma: ’Ka dunnu ma; yi ’ko a klebleyi nya.

Ézékiɛl 7:18

Woo bɔlɔ vɔa ’wo tɛrɛ la, yé di blɛn kini wo gi; yara wo faa gyɛ, wo faa ’wo nwin puiɛ.

Lévinu 13:40

Dé nwin ’ka mi do nwiin lo, ’té palogyɛzan lé; a gi a é bɔle.

Lévinu 21:5

Té Balebanzannu ’wo nwin puiɛ lo, té wo ’wo puo ma gun ma gyɛ lo, té wo pɔɔ gyɛ ’wo kɔlɛ ma lo.

Amɔs 8:10

maa dan kalé fɛtinu nɔla lɛ gyɛbole nya, yé maa dan kalé lɛrɛnu faa nɔla lɛ wuvɔlenu nya. Maa dan bɔlɔ vɔ lɛ mi faa tɛrɛ la, yé maa dan mi faa gyɛ lɛ palo nya. Maa dan mi faa kɛlɛ lɛ gyɛbozannu nya, bélé mi be wɔlɛ do kpen gyɛbole zo, yé a ’wuo é dan pla lɛ é nyanale bélé ziri zo.

Mi Nɔnɔle 21:28

Naa, kyɛ do si Esibɔn, Kyɛnɛnɛ si Sioni lé fla; É Aa‐Moab ble, Munu lé woo nyanaan Aanɔn yuu gɔ torole nwiin, é wo ble.

Mi Nɔnɔle 21:30

Ko kolé dinwɔlɛnu vuli wo va, A péli sia Esibɔn fɔɔ Dibɔn, ko fɛ sɛrɛ, Ko ’wii tɛrɛ ta fɔɔ Nofak, Fɔɔ Médéba.

Mi Nɔnɔle 32:3

Atarɔt koo, Dibɔn koo, Jaézɛɛ koo, Nimra koo, Esibɔn koo, Éléalé koo, Sébam koo, Nébo valé Béɔn koo,

Mi Nɔnɔle 32:38

Nébo koo, Baal‐Méɔn koo, Rubɛn munu wo pa. Wo wo tɔnu nɔla, yé wo Sibima pa. Yé flanu lé wo wo pa, wo wo tɔ pa.

Bélidɔwesɛbɛ Fiézan 14:1

Ka a Gakelebale, kalé Bale lé nénu nya. Té ka pɔɔ gyɛ ka kɔlɛ ma lo, té ka nwin puiyɛ ka bɛlo la mi gale lé we ma lo.

Bélidɔwesɛbɛ Fiézan 34:1

Moizi si Moab lé fɛna pɛblɛɛna, yé é Nébo gɔ gié, fɔɔ yé é bɔ Pizga gɔ nwiin, Jériko yara. Yé Gakelebale tɛrɛ faa gɔɔn a lɛ: