Ézai 14:2 - Kazambale lé Sebe Sauunu 1979

² Bɛn bɛ gi munu é dan Izraɛl si lɛ yé wo go wo nya Izraɛl lé tɛrɛ la, yé munu lé ’bɛnu da wo nya bɛ, ’bɛnu é dan kɛlɛ lɛ Izraɛlnu leegɔnénu valé wo leelomu nya, Gakelebale lé tɛrɛ la. Munu lé wo kɛlɛ ’bɛnu lé luu nya, ’bɛnu é dan kɛlɛ lɛ woé luu nya, yé wo dan pla lɛ yaawotazannu nwiin.

Ézai 14:2 ပူးပေါင်းရင်းမြစ်များ

Ezidras 2:65

’té wo ’ka nyanamapa gɔnénu valé nyanamapa lomu nɔnɔ lɛ wo va lo. ’Bɛnu a mi baa yaa wuru suiɛdo yɔ suiɛdo wɔlɛ vu ta sɔrafié. ’Té lɛrɛvɔgɔnénu valé lɛrɛvɔlomu a wo va mi wuru do.

Lɛrɛvɔ Sɛbɛ 68:18

Woo Gakelebale lé goronu nɔnɔan baa vu vu ’léé, Baa wuru é wuru ’léé nya; Mizan a wo worona, é si Sinai gɔ nwiin yé é wɔra é nyanana ’lɛzan na.

Ézai 18:7

’Bɛ bléyi va, munu plɛplɛ lé wo fuu ke wo ta, ’té munu éé kanaan wo lee wo nwabléyi va, bɛn plɛplɛ lé éé munu faa wiian, ’té yuunu alé tɛrɛ gi bɔi bɛ, wo dan da lɛ lai sunyanu lé Gakelebale lé blɛ nya. Wo dan da lɛ wo nya, fɛana lé lai sunyanu lé Gakelebale tɔ ke, Siɔn gɔ nwiin, ana.

Ézai 31:8

Asiri munu é dan dia lɛ gwɔun lé é ’ka mi zé nya lo, a ’léé. Gwɔun lé é ’ka mi zé nya lo, ’bɛ é dan wo gyɛ lɛ. Wo dan fwi lɛ yee gwɔun lee, yé wolé gulidan?-?mi boronénu wo dan kɛlɛ lɛ miwuozannu nya.

Ézai 45:14

Gakelebale léma: Éjipitinu lé fuafɛnu koo, Étiopi lé tɛrɛ tɔnɔ koo, Sabémunu lé ke grɔgrɔ bɛ, wozé koo, A faa é dan da lɛ i va, yé wa kɛlɛ izé nya; Munu ’konu, wo dan tawo lɛ ka zuo, Wo dan gié lɛ gɔgɔbale nya wo ma, Wo dan dia lɛ ’wo bli la ka ’lɛ, ’té woo ’wo ma dunnuan, léé, Ka do kpen va lé Bale ke, Dé é ’ka yee nya lo, Bale bɛ ’ka lo.

Ézai 49:22

Mizan Gakelebale léma: Ka ye, maa dan an bɛ soi lɛ bɛnnu vazia, Yé maa dan anlé drapo nwa lɛ munu vazia; Wo dan da lɛ i benu nya ’wo bɛ gi, Yé wo dan da lɛ i lunu nya ’wo bɛapa ta.

Ézai 49:23

Minwiinzannu valé wo lunu, wo dan kɛlɛ lɛ ilé nénu pazannu nya; Wo dan bua lɛ tɛrɛ va i ’lɛ, Yé wo dan vungoi flan lɛ i gane ma, Yé i dan a gi dɔɔ lɛ léé, maa lé ke Gakelebale nya, Yé munu faa lé wo bli ke an lɛ, yara ’ka dan wo gyɛ lɛ lo.

Ézai 49:25

Gakelebale léé: lin, wo dan mi plɛplɛ lé luu si lɛ é lee, Yé vakɛlɛzan lé gulizarafɛ é dan san lɛ é lee; Maa dan guli dan lɛ i nyanézannu va, Yé maa dan i benu si lɛ we gi.

Ézai 54:3

I gi é dan gyɛ lɛ i bɛyila valé i bɛbola, azama. I kulu é dan fan lɛ bɛnnu gi, Yé flanu lé wo vo bwi nya, wo dan nyana lɛ wo ta.

Ézai 60:14

Yaaitazannu é dan dia lɛ i ’lɛ; Wo lé wo serele bo i ma, wo dan ’wo ’wuo wɔra lɛ i gane wuo. Wo dan i laa lɛ Gakelebale lé fla; Wo dan i laa lɛ Izraɛl lé Mi Sauun lé Siɔn fla.

Ézai 60:4

’I yuɛ bɔrɔ i zi, bé nagini; Mi faa a zénna ékeva, wa dana i va, I benu a sina baa yé wo da, Wa dana i lunu nya ’wo bɛ gi.

Ézai 61:5

Bɛnnu é dan da lɛ bɛ, ’té woo fɛ no kalé trubɛ lɛ, Bɛnnu benu é dan kɛlɛ lɛ kalé nyanamapamunu valé dɔrɔféi pazannu nya.

Ézai 66:12

Gakelebale léma: Maa dan vole drɔɔ nɔ lɛ a lɛ bélé yuu zo. Maa dan bɛnnu lé fua nɔ lɛ a lɛ bélé ’yiyoro lé é bɔra ’é gɔ la, a zo. Yé ’bɛ é dan kɛlɛ lɛ kalé fɛblele nya; wo dan ka si lɛ ’wo bɛ gi, wo dan ka si lɛ ’wo bɔrɔ la.

Jérémi 30:16

Naa, duowo, munu faa lé woo i ta blé, Wo dan wo ta ble lɛ, Yé wo dan go lɛ i nyanézannu faa tere nya luu gi; Munu lé wo ’wii i ta, wo dan ’wii lɛ wo ta, Yé munu faa lé wo ilé fɛnu sian gla nya, maa dan wozé sia lɛ gla nya.

Jérémi 49:2

Gakelebale léma: Bɛwemalé a yinu é dan bɔ lɛ yé maa dan nwa lɛ Amɔn munu lé fla lé wa laama Rabat, a ma, yé wo dan guli dan siaalenu zuo gi ’ma lɛ. É dan kɛlɛ lɛ é ’bin nya yé a zi flanu kyɛ é dan ble lɛ, yé munu lé wo Izraɛl munu bin, Izraɛl munu é dan wo bin lɛ; maa Gakelebale ɛ ke a fena.

Ézékiɛl 39:10

Wo ’ka dan go lɛ kyɛ yéli lɛ féinu ta é dɛrɛ lo, yé wo ’ka dan kyɛ yéli lɛ pɔrɔ gi é dɛrɛ lo, naa, wo dan gulidanfɛnu sɔn lɛ kyɛ nya, azama. Mizan Gakelebale léma: Munu lé ’bɛnu wolé fɛnu si, wo dan ’bɛnu zé si lɛ, munu lé ’bɛnu ’wii wo ta, wo dan ’wii lɛ ’bɛnu ta.

Daniɛl 7:18

Naa, lagi Loruzan lé munu é dan pla lɛ munu nwiin, yé plale munu nwiin é dan vo lɛ wozé nya lɛɛfaama, a glɛ ’ka lo, ’té ’bɛ glɛ ’ka dɔa monomono lo.

Joɛl 3:8

Maa dan ka benu valé ka lunu dan lɛ Judanu lee, Yé wo dan wo dan lɛ Sabé munu lé wo ke tɛrɛ baa la munu nya, wo lee; Naa, Gakelebale ɛ fe.

Lévinu 25:44

Bɛn bɛnu lé ke ka zi, ’bɛna lé ka dan kalé luugɔné valé luudané si lɛ yé wo dan kɛlɛ lɛ izé nya; wo va lé i dan luugɔné valé luudané lɔ lɛ.

Abudias 1:17

Naa, sile we gi é dan kɛlɛ lɛ Siɔn gɔ nwiin; é dan kɛlɛ lɛ sauun, Yé Jakɔb lé munu é dan ’wolé tɛrɛ si lɛ é ziin.

Zakari 2:13

Munu faa ’é tadɔ Gakelebale ’lɛ ma. Naa, é nwa ’é nyanana sauun na, azama.

Zakari 2:9

Ka ye, an bɛ nwa wo ma, yé munu lé ka ke é plale wo wuo turu, wo dan kɛlɛ lɛ kalé gulizarafɛnu nya. Yé ka dan a gi dɔɔ lɛ léé, lai sunyanu lé Gakelebale ɛ an pa zia.

WENÉNÉ LÉ LUK A GYE (Évangile selon Luc) 12:45

Naa, dé a leezan ’ko a fe é bli gi léé: Anzan a mɔnna, yé é kun wuogɔnénu valé wuolomu blale koo, fɛblele koo, fɛminile koo, nwɛ tanle koo, wo ma,

Rom munu 15:27

A kɛlɛle sɔ wo lɛ é zima; yé é a lé wa kɛlɛ. Naa, dé bɛnnu wozé lélifɛ zin kenu ye Juifinu va, é a lé bɛnnu ’é bɔ Juifinu va tɛrɛlawenu gi.

2 Korɛnt Munu 10:5

’Wuogibɔrɔle planu valé we faa lé éé sɔn vɔa Bale dɔɔle ma, ko wo yi gaan yé ko ’wuogibɔrɔle faa kɛlɛ Krist lé luu nya, a lɛdɔmale we gi.

Galasi munu 5:13

Bwenu, wo ka laa ka vole kaboma we ma. Naa, té é kɛlɛ ka dɔna nya yé ka ka dɔbɛ kyɛn lé blibɔmawe kɛlɛ lo; naa, ’ka kɛlɛ ka ke wuozannu nya lɔrɔpale nya.

Éfez munu 4:8

Bɛwemalé é a é gyɛle sɛbɛ gi léé: É go aan wo la gi, É go luunu nya; Yé é blɛnu kɛlɛ munu lɛ.

Wegɔɔnle 3:9

Bé ye, Satan lé zén‐ékevamunu lé woo viéwoo léé, ’wa Juifinu nya, dɔlé ’té wo ’ka a nya lo, maa dan wo va mi kenu nɔ lɛ i lɛ; bé ye, maa dan da lɛ wo nya, yé wo dan ’wo ’wuo wɔra lɛ i gane wuo, yé wo dan a gi dɔɔ lɛ léé, i sɔ an lɛ.