Ézai 14:1 - Kazambale lé Sebe Sauunu 1979

¹ Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézai 14:1 ပူးပေါင်းရင်းမြစ်များ

Esitɛɛ 8:17

Tɛrɛ faa valé fla faa lé minwiinzan blɛn dére valé alé bélidɔwe bɔ wona, ginanale koo, ginanale blɛn koo, fɛti sɛné valé a blɛnnu koo, woo saa ɛ ke ana Juifinu zé nya. Juifinu lee kanale zén tɛrɛ ’ko la munu kiɛre gi, amalé wo wobozen kinin Juifinu nya.

Lɛrɛvɔ Sɛbɛ 102:13

Naa, bii Gakelebale, ilé plale mi nwiin glɛ ’ka lo, Yé i tɔ sele a mi kulu faa gi.

Lɛrɛvɔ Sɛbɛ 102:14

I dan nwa lɛ, yé i dan i nyanai zén lɛ Siɔn munu ta; Ilé nyanai zénle wo ta bléyi bɔ, Bléyi lé bé dɔ, é bɔ sin.

Lɛrɛvɔ Sɛbɛ 143:12

I a é zin, amalé ’i an nyanézannu faa kulu ga, Munu lé wo yaan an boen ta, ’i wo faa gyɛ zama. Naa, maa a i wuozan nya.

Lɛrɛvɔ Sɛbɛ 98:3

Alé zin koo, a yara pale Izraɛl mawe kɛlɛle ta koo, Wo sele dɔ a gi. Kolé Bale éé mi sié we gi fɛan zo, munu a ye fɔɔ tɛrɛ glɛ sina.

Ézai 19:18

’Bɛ bléyi va, Éjipiti tɛrɛ la fla soru é dan Kanaan dére vɔ lɛ yé wo dan lai sunyanu lé Gakelebale ’nyɔɔn lɛ. Wo dan alé fla do laa lɛ, guruzanaagi fla.

Ézai 21:1

Balelawe lé Ézai a fe wɛyi bwi lé we ma, yee lo. Fu plɛplɛ si yirinwana bɛyilazia fɛan zo, a zo lé nyanézan si kanazénmigi bwi la.

Ézai 27:6

Bléyi do é dan bɔ lɛ yé Jakɔb suni é dan wɔra lɛ, Izraɛl punla é dan fɔn lɛ é ta yé a vwi é dan bi lɛ, yé a poro é dan tɛrɛ la ble lɛ.

Ézai 41:8

Naa, bii Izraɛl, an wuozan, Jakɔb lé maa a si a va, Abraam kulu lé é sɔ an lɛ,

Ézai 41:9

Bii lé, maa i si tɛrɛ glɛ sina Yé maa i laa, ’té i a tɛrɛ baa ta, Yé maa lé i lɛ léé, bii a an wuozan nya, Maa i si a va, yé maa ’ka dan sɔn vɔ lɛ i ma lo.

Ézai 44:1

Jakɔb‐oo, an wuozan, ’i tɔné dɔ sin, Izraɛl lé maa si a va, ’i tɔné dɔ sin.

Ézai 45:14

Gakelebale léma: Éjipitinu lé fuafɛnu koo, Étiopi lé tɛrɛ tɔnɔ koo, Sabémunu lé ke grɔgrɔ bɛ, wozé koo, A faa é dan da lɛ i va, yé wa kɛlɛ izé nya; Munu ’konu, wo dan tawo lɛ ka zuo, Wo dan gié lɛ gɔgɔbale nya wo ma, Wo dan dia lɛ ’wo bli la ka ’lɛ, ’té woo ’wo ma dunnuan, léé, Ka do kpen va lé Bale ke, Dé é ’ka yee nya lo, Bale bɛ ’ka lo.

Ézai 47:1

Babilɔn blɛnzan, ’I zun, ’i nyana vungoi va. Kaldé le, ’I nyana tɛrɛ va, ilé fuablin ’ka lo. Wo ’ka dan i laa lɛ léabo le é dɛrɛ lo, wo ’ka dan a fe lɛ léé, le a é zénle i ma lo.

Ézai 49:10

Lɔrɔ ’ka dan wo gyɛ lɛ lo, yé ’yiminilɔrɔ ’ka dan wo gyɛ lɛ lo; Wo ’ka dan nyané ble lɛ tɛrɛ kyɛ dɔle valé yiri lee lo; Naa, mi lé a nyanai é zén wo ta, é dan kɛlɛ lɛ wolé zigɔɔnzan nya, Yé é dan go lɛ wo nya ’yibɔnanu na.

Ézai 49:13

Lanu, ka gi ’é nana ma. Tɛrɛ, ’i vo ginanale blɛn gi ma. Gɔnu, ’ka siaa ginanale nya ma. Gakelebale élé munu tɔrɔ paa, azama. A nyanai éé zén‐é élé nyanégyɛzannu ta.

Ézai 49:15

Né lé lezan ke nyɔ dɔna a ’léé, a sele éé saan lezan gii? A nyanai ’ka zén‐é é giné ta loo? Dé a gi san a maoo, I sele ’ka dan saan lɛ an gi lo.

Ézai 49:25

Gakelebale léé: lin, wo dan mi plɛplɛ lé luu si lɛ é lee, Yé vakɛlɛzan lé gulizarafɛ é dan san lɛ é lee; Maa dan guli dan lɛ i nyanézannu va, Yé maa dan i benu si lɛ we gi.

Ézai 49:7

Mi lé woo serele boo a ma, ’té munu a yé naaninvɔmafɛ nya, ’Té é ke mi plɛplɛnu lé luu nya bɛ, Mitabozan Gakelebale, Izraɛl lé Mi Sauun lé a lɛ léma: Munu nwiinzannu é dan i ye lɛ yé wo dan dɔ lɛ loru, Mi segelenu é dan i ye lɛ yé wo dan dia lɛ wo bli la i ’lɛ, Gakelebale lé é ke yarapawelazan nya, Izraɛl lé Mi Sauun lé é i si a va, alé we ma.

Ézai 54:3

I gi é dan gyɛ lɛ i bɛyila valé i bɛbola, azama. I kulu é dan fan lɛ bɛnnu gi, Yé flanu lé wo vo bwi nya, wo dan nyana lɛ wo ta.

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

Ézai 56:3

Bɛn lé é yere Gakelebale ma, té azan a fe léé, Gakelebale é dan maa valé élé munu kini lɛ ékema, lo. Té miblale a fe léé: Bé ye, maa a yili gale nya, lo.

Ézai 60:10

Bɛnnu é dan ilé kɔngurunu dɔ lɛ wo pa gi, Yé wo nwiinzan blɛnnu é dan kɛlɛ lɛ i wuozannu nya; I an bli fli, amalé maa i bla, Naa, an nyanai é dan zén lɛ i ta duowo.

Ézai 60:14

Yaaitazannu é dan dia lɛ i ’lɛ; Wo lé wo serele bo i ma, wo dan ’wo ’wuo wɔra lɛ i gane wuo. Wo dan i laa lɛ Gakelebale lé fla; Wo dan i laa lɛ Izraɛl lé Mi Sauun lé Siɔn fla.

Ézai 66:20

Wo dan ka bwenu faa si lɛ bɛnnu faa va, yé wo dan da lɛ wo nya Gakelebale lé blɛfɛ nya; wo dan da lɛ wisoonu ta, wo dan da lɛ goronu valé sélinu gi; wo dan da lɛ wi lé wa laama mulɛ, a ta, ’bɛ valé nyɔgɔménu ta, yé wo da anlé gɔ sauun va Jérusalɛm. Izraɛl lé munu woo dan balebanfɛnu nya fɛan zo, kana gibɔle gi Gakelebale lé kɔn gi, a zo lé wo dan da lɛ. Gakelebale ɛ fe.

Jérémi 16:15

Naa, wo dan a fe lɛ léé: Gakelebale lé é Izraɛl munu si yirinwana bɛbolazia tɛrɛ la, yee valé tɛrɛnu faa lé é wo sɔɔla ana, ’bɛ a é yuɛma. Yé maa dan go lɛ wo nya wolé tɛrɛ la é ziin, tɛrɛ lé maa a nɔ wo tranu lɛ, a ta.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 30:8

Lai sunyanu lé Gakelebale léé: ’Bɛ yi ’ko la an dan alé luubale kini lɛ i bɔrɔ ma, yé maa dan i yerebalenu kini lɛ, yé i ’ka dan pla lɛ bɛnnu wuo é dɛrɛ lo.

Jérémi 31:4

Izraɛl, blɛnzan, maa dan i dɔ lɛ gligli é ziin, yé i dan dɔ lɛ kil. Ilé flinnu é dan kɛlɛ lɛ i ’lɛrɛfɛ nya é ziin, yé munu lé wo ke nɛnɛ bona ginanale nya, i dan pa lɛ wo va.

Jérémi 50:33

Lai sunyanu lé Gakelebale léma: Woo yaan Izraɛl munu valé Juda munu ta ékeva; munu faa lé wo go wo nya luu gi, ’bɛnu vo é kunle wo ma; wo ’ka daanle wo ma nyi si lɛ lo.

Jérémi 51:51

Ko sɔnɔle ’ma aan wo, ’bɛ kɛlɛ ko ma yaragyɛwe nya; dé bɛnnu wɔra Gakelebale lé kɔn sauun gi, yara wɔra ko ’wuo ma.

Ézékiɛl 16:60

Naa, gipawe lé maa a kɛlɛ i va i boronéla bléyi va, a sele é dan dɔ lɛ an gi, yé gipawe lé éé voo ana lɛɛfaama, maa dan a kɛlɛ lɛ i va.

Ézékiɛl 47:22

Ka dan a guli lɛ zara nya ’munnu zunle nya, ka koo, bɛnnu lé wo ke ka méléna, ’té wo dan né yaa lɛ ka va koo, kazé nya. Ka dan wo ye lɛ bélé flamunu zo Izraɛl munu méléna. Ka dan zara guli lɛ wo nya ’munnu zunle nya Izraɛl bɛnnu va.

Zakari 1:17

’I siaa é ziin léma: Lai sunyanu lé Gakelebale léma: Anlé flanu é dan fan lɛ fɛ zinnu nya é ziin; Gakelebale é dan Siɔn tɔrɔ paa lɛ é ziin, yé é dan Jérusalɛm si lɛ a va.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

WENÉNÉ LÉ LUK A GYE (Évangile selon Luc) 1:54

É bɔ é wuozan Izraɛl va, Abraam valé é kulunu sele a a gi, yé a nyanai éé zén‐é wo ta lɛɛfaama, Fɛan zo lé é a fe ko tranu lɛ, a zo.

WENÉNÉ LÉ LUK A GYE (Évangile selon Luc) 2:32

É a bɛnnu vakinisan nya, ilé munu Izraɛl tɔbɔle nya yé maa a ye an yuɛ nya.