Ézai 13:8 - Kazambale lé Sebe Sauunu 1979

⁸ Di kini wo gi; nyɛ zénle wo gi é dan wo kun lɛ kleblele nya. Woo plɛn‐an bélé né yaa le zo. Wo dan dɔ lɛ dan‐uun, ’té woo ’wo ke ginian wo ’léé nya; wo yara kyɛ é dan dɔ lɛ.

Ézai 13:8 ပူးပေါင်းရင်းမြစ်များ

2 Minwiinzannu 19:26

Plɛplɛ ’ka ana munu lee lo, Kana a wo gi yé wo gona ’ka lo. Wa bélé féifɛnu valé luyɛ drɔɔdrɔɔ zo, Wa bélé kɔn gwa la dinin Valé ’sa lé a ma yuru, ’té a turu ’ka lo, wo zo.

Lɛrɛvɔ Sɛbɛ 48:7

Wo ma kun nyɔɔnle ma, Bélé lezan lé é ke né yaana, alé nyané blele zo.

Ézai 26:17

Oo Gakelebale, dé ko a é sile i ma baa, Ko a bélé bɔnzan lé é vɔ lu zi, ’Té éé plɛn‐an, ’té éé siaan nyanéblele nya, a zo.

Jérémi 13:21

É we lɛdɔ i gi, i lé ’bɛ gi nɔɔ? Biibozen we paa wo gi léé, ’wo kɛlɛ izan nya; i ’ka dan kle ble lɛ bélé né yaa le lé né a kun, a zo loo?

Jérémi 30:6

’Ka a nagini. Dé gɔné do a né yaanaa? Mɛmalé an gɔnénu faa yé wo bɛ nya é dɔle wo sowɔlɛ ma Bélé lezan lé ke né yaana, a zoo? Mɛmalé munu faa yara fuolaa?

Jérémi 4:31

Naa, siaalenu lé maa wo ’ma, wa bélé néyaalomu lé siaalenu zo, Maa nyanéble siaalenu ’ma bélé blɛnzan lé né yaale lé nyanéblele zo. Siɔn munu lé ke bakinima flinna, ’té woo bɛnu soian, wo dére lé. Wo léé: Maa a we tɔntɔn bɔmazan nya. Maa a gana migyɛzannu lee.

Jérémi 46:5

Mɛ lé maa a yé bɛɛ? Wa kanana, ’té woo goo ’wo zuo; Wo wolé nyanazannu gyɛ, Wo fwi, yé wo ’ka nɔlaan é ziin lo. Wo zuru va nyɛ kini nuu. Maa Gakelebale ɛ ke a fena.

Jérémi 48:41

Wo Kérijɔt si, wa yɔɔna plɛplɛnu si, yé ’bɛ yi nya Moab nyanazannu bli é dan kɛlɛ lɛ bélé né yaa le bli zo.

Jérémi 49:22

Bé ye, é dan go lɛ bélé gola lé éé sié, a zo. É dan é bɛanu soi lɛ Bozra ta, yé ’bɛ yi nya Édom nyanazannu bli é dan kɛlɛ lɛ bélé né yaa le bli zo.

Jérémi 49:24

Damas fuu si é ta, é nɔla fwile we ma, di kini a gi. Nyanéblele valé kleblele bɔ a ma bélé né yaa le zo.

Jérémi 50:43

Babilɔn nwiinzan blɛn we ’ko ’ma tɔɔn, A bɛwɔlɛ gi nyaa a ma; Nyané blɛn blele a kun Bélé né yaa le lé nyanéblele zo.

Jérémi 51:30

Babilɔn lé sunyanu daan gulidanle ma, wo vɔ wolé yɔɔna plɛplɛnu na; wo fuu si wo ta, wa bélé lomu zo. Wo kyɛ vɔ wo nyanana, wo wolé kɔn lɛ tan foliɛwɔlɛnu yéli.

OZÉ (Osée) 13:13

Nyanéblele é dan bɔ lɛ a ma, bélé né yaa le lé nyanéblele zo. É a né lé é ’ka we dɔɔa lo, a nya; a yaabléyi bɔ, yé é ’ka a nyi sié léé, ’é bu ’é yaa lo.

Joɛl 2:6

Bɛngɔnɔnu ma éé nyɔɔn‐an wo ’lɛ, Munu faa yara éé fuolaan.

Naum 2:10

’Ka ’wii gɔɔlifu ta. ’Ka ’wii kyan ta. Fɛwezannu lé wo ’ka nyaan lo, wo ana. Fuafɛnu lé wo ke fɛwezannu gɔnɔ faa nya, wo ana.

WENÉNÉ LE JAN A GYE (Évangile selon Jean) 16:21

Dé le a né yaana, dé a yaabléyi bɔ a gi kyɛ éé dɔa, naa, dé é a yaa faa nyanéblele sele ’ka dɔa a gi é dɛrɛ lo, mi yaale tɛrɛ la lé gi nanale we ma.

1 Tɛsalɔnik munu 5:3

Dé munu a fena léé, ’wa drɔɔ, we do ’ka ’wo ma lo, kele tɔɔn yé mi?-?gyɛwe é bɔra wo ma fiaa, bélé fɛan zo lé nyanéblele tɔntɔn éé bɔraan bɔnzan ma fiaa a zo, yé wo ’ka bɔa sole lɛ a gi lo.