Ézai 13:6 - Kazambale lé Sebe Sauunu 1979

⁶ ’Ka dunnu, naa, Gakelebale lé yi bɔ é pu; Plɛplɛfaazan lé fɛ sɛrɛle a dana.

Ézai 13:6 ပူးပေါင်းရင်းမြစ်များ

JOB (Job) 31:23

Naa, Kazambale lé we lɛdɔle mi gi éé di kinié an gi, Yé a blɛɛn lé we ma, an ’ka bɔa we do lɛ lo.

Ézai 10:25

Naa, a bléyi vo sɛ yé we lɛdɔle ka gi é dan nyaa lɛ, ’bɛ zuo an bli é dan fli lɛ Asirimi ma, a kulu gale we ma.

Ézai 10:3

Dé ka guru zanagizannu si baa, ka dan kɛlɛ lɛ kaa welɛdɔmigi yi nyaa? Ka dan vlan buru lɛ mi kyɛn ɛ va, yé ’bɛ é bɔ ka vaa? Ka dan kalé fuafɛnu yɔɔ lɛ kyɛɛn?

Ézai 13:9

Ka ye, Gakelebale lé yi bɔ. Yi nyané lé, blifliyi valé wɛwɛbabané yi lé. É dan wenyanékɛlɛzannu kulu ga lɛ yé tɛrɛ ta é dan vo lɛ tété.

Ézai 14:23

Lai sunyanu lé Gakelebale léé: Maa dan a kɛlɛ lɛ ’téli nyanana valé ’yidɔna nya. Maa dan ana sia lɛ yé ana sia faané a fɛ sɛrɛle nya.

Ézai 14:31

Duoli, ’i dunnu; fla, ’i gyɛ bo. Filisitinu lé tɛrɛ faa tere, i ma ’é nyɔɔn. Naa, kyɛgoi a nwana yirinwana bɛbolazia; i nyanézannu lé sunya balenu a é tunule ékema.

Ézai 2:12

Naa, yi do ana lai sunyanu lé Gakelebale zé nya, ’bɛ yi la é dan nwa lɛ boblɛnzannu faa valé mi gini é yuɛzuozannu ma, yé miomian ébo kɛlɛ blɛn, Bale é dan nwa lɛ ’bɛzan ma, a tuale we gi.

Ézai 23:1

Balelawe lé Ézai a fe Tii ma, yee lo. Taasis lé ’yitagoronu, ’ka wuvɔ. Taasis guru zana a gi; kɔn ’ka ana é dɛrɛ lo, wɔrana ’ka é dɛrɛ lo. Wa sina Kitim tɛrɛ la aan wo, wo we ’ko ’ma.

Ézai 34:2

Naa, Gakelebale lé bliflile é dan nwa lɛ bɛnnu faa ma, yé a wɛwɛ é dan dɔ lɛ wolé sunyanu faa ma. É dan wozé nyaa lɛ; é wo pa wo gyɛzannu lee.

Ézai 34:8

Naa, Gakelebale lé welɛgipayi lé; é Siɔn lé we lɛgi pa lɛɛ ’ko nya.

Ézai 47:11

We tɔntɔn é dan bɔ lɛ i ma, Yé i ’ka bɔa sole lɛ a lee lo, Dirikiniwe é dan bɔ lɛ i ma, Ilé yo kɛlɛle ’ka dan sɔ lɛ a nya lo, I guru é dan zana lɛ a gi fiaa I ma trɔnné va.

Ézai 52:5

Wo go anlé munu nya luu gi é pla, Yé sin maa dan a kɛlɛ lɛ kaa? Yaawotazannu éé siaan wo ta plɛplɛ, Woo flile siaan an tɔ ma bladi fɔɔ yé yiri é vɔ a zo.

Ézai 61:2

É an pa zia Gakelebale lé zin‐yelɛɛ zana dɔɔle we ma, ’Bɛ valé kolé Bale lé welɛgipayi nya. É an pa zia nyanéblemunu faa tɔrɔpaale we ma,

Ézai 63:4

Naa, we lɛgi payi a an bli gi, yé anlé munu tabolɛɛ bɔ.

Ézai 65:14

ka ye, an wuozannu é dan lɛrɛ vɔ lɛ wo gi nanale saa zi, naa, ’kaa, ka dan wuvɔ lɛ ka gi kyɛ dɔle we ma yé ka dan gyɛ wuvɔ lɛ ka fuu sile ka ta we ma.

Jérémi 25:34

Munu pazannu, ’ka dunnu, ’ka siaa; zi gɔɔn trubɛ lɛzannu, ’ka burula kyɛyee va. Naa, ka bɔrɔboyi bɔ sin, azama. Maa dan ka ’wii lɛ yé ka dan dia lɛ bélé bɔwezan zo.

Jérémi 49:3

Esibɔn munu, ’ka dunnu, ’ka siaa, naa, wo Ai guru zana a gi. Raba munu, ’ka siaa yé ’ka bɔlɔ zén ka ta; ’ka wuvɔ yé ’ka vlan buru ’ko valé ’kona bɔbɔ vɔle nya. Naa, wo Malkɔm si yé wa gona a banzannu valé a nwiinzannu nya luu gi.

Jérémi 51:8

Kele tɔɔn, Babilɔn dia, yé wa ’wii. ’Ka dunnu alé we ma, ’ka lia pa a tuona gi, dé é dan béli lɛɛ?

Ézékiɛl 13:5

Ka ’ka go lɛ gɔrɔ guru buruna lo, yé ka ’ka gɔrɔ bo lɛ Izraɛl lé kɔnnu zi, wo dɔle gligli Gakelebale lé gulidanyi nya lo.

Ézékiɛl 21:12

Yé dé wa laa i lee léé: Mɛmalé i dunnuaan? Bé zi pa wo lɛ léé, naa, we do é dan bɔ lɛ yé wo dan a zuo fe lɛ, azama. Kana é dan zén lɛ munu faa gi, Munu faa bɛnu é dan kɛlɛ lɛ tɔɔtɔɔ, Munu faa boen fuu é dan si lɛ ’wo ta, Munu faa powuo é dan gié lɛ é ke gi. Ka ye, é a dana. É da. A zo lé Mizan Gakelebale a fe.

Daniɛl 5:26

Dérenu lé é a gyɛ, a gi lé ke ’ko: Méné, ’bɛ gi léé, Bale i plale mi nwiin nɔnɔ, yé é a glɛ dɔ.

Daniɛl 5:9

Amalé di kini minwiinzan blɛn gi, yé a kɔlɛ fuola yé alé mi blɛnnu vo é dɔle ’wo gane ta.

Joɛl 1:11

Féifɛnu faa sɛrɛ, Amalé di blɛn kini nyanamapamunu gi, yé dɔrɔféi pazannu a dunnuna Buruwɔlɛ valé sɔnmlén lé we ma.

Joɛl 1:13

Balebanzannu, ’ka doa dɔ yé ’ka wuvɔ; ’Kaa balebanna nyanamapazannu, ’ka wuvɔ. Anlé Bale wuozannu, ’Ka tu kini bɔlɔ nya é zénle ka ta. Naa, blɛnu valé baleban’yinu ’ka é dɛrɛ kalé Bale lé kɔn gi lo.

Joɛl 1:15

Aa, mɛ zoɛ bléyi ɛ bɔ ’koo? Naa, Gakelebale lé yi bɔ é pu. É dan bélé wenaané blɛn lé Plɛplɛfaazan a pa zia, a zo.

Joɛl 1:5

’Kaa nwɛgyɛzannu, ’ka vuo, ’ka wuvɔ. ’Kaa dɔrɔminizannu, ka faa ’é dunnu, Naa, wo nwɛ dɛrɛ so ka lɔ ma, azama.

Joɛl 2:1

’Ka béli fɛn Siɔn; A dére zuogi ’é we anlé gɔ plɛplɛ nwiin ma. Tɛrɛlamunu faa ma ’é nyɔɔn ma. Naa, Gakelebale lé yi a dana; naa, é bɔ é pu.

Joɛl 2:11

Gakelebale éé dére fé élé sunyanu lɛ, Naa, wo nyanana a blɛɛn. Mian éé a dére tawe kɛla, ’bɛzan a plɛplɛ; Naa, Gakelebale lé yi a blɛɛn; éé di kinié mi gi. De ɛ bɔa dɔle lɛ ’bɛ yi laa?

Joɛl 2:31

Yiri é dan nɔla lɛ gunu nya, Yé moné é dan nɔla lɛ nyɛ nya, Gakelebale lé yi bɔle ’lɛ, Yi blɛn lé éé di kinié mi gi, yee lé.

Amɔs 5:18

Munu lé é sɔ wo lɛ léé, Gakelebale lé yi ’é bɔ, we tɔntɔn a wozé nya. É dɔ ka gi léé, mɛ we ɛ dan bɔ lɛ ka ma Gakelebale lé yi nyaa? É dan kɛlɛ lɛ gunudɔrayi nya, fɛnafu ’ka dan kɛlɛ lɛ lo.

Sofoni 1:14

Gakelebale lé yi blɛn bɔ é pu. É bɔ é pu, é a biéna kelekele. Gakelebale lé yi a é dére wena, yé nyanazannu éé siaan klebledére nya.

Sofoni 1:7

’Ka tadɔ Mizan Gakelebale ’lɛ; naa, Gakelebale lé yi bɔ é pu, naa, Gakelebale élé saraka ma’lɛrɛ, élé sarakabofɛ blezannu si a va é kyɛn.

Zakari 14:1

Ka ye, Gakelebale lé yi blɛn bɔ, yé wo dan ka pa gi fɛnu guli lɛ kalé fla méléna.

Malasi 4:5

Ka ye, maa dan balelayezan Éli pa lɛ ka lɛ zia Gakelebale lé kana?-?mayi blɛn bɔle ’lɛ.

SEBE LÉ JAK A GYE (Épitre de Jacques) 5:1

’Kaa fuablezannu, ’ka tɔné dɔ an lɛ do. ’Ka wuvɔ, yé ’ka siaa, wenaanénu lé wo dan bɔ lɛ ka ma bɛ, wolé we ma.

Wegɔɔnle 18:10

Wo dan dɔ lɛ baa, kanale alé nyanéblele lee we ma, yé wo dan a fe lɛ léé: Yuuu! An bu loo! Fla blɛn Babilɔn, fla plɛplɛ! Ilé we nyaa ’bɛ zo bléyi do nyaa?