Ézai 13:11 - Kazambale lé Sebe Sauunu 1979

¹¹ Maa dan we lɛdɔ lɛ tɛrɛlamunu gi, an blifliwe lé wa kɛlɛ, a we ma. Maa dan we lɛdɔ lɛ mi naanénu gi wolé weple lé we ma. Maa dan boblɛnzannu lé boblɛn nyaa lɛ; maa dan yaamitazannu lé mi naginile wo yuɛ zuo lé we nyaa lɛ.

Ézai 13:11 ပူးပေါင်းရင်းမြစ်များ

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 5:15

Wo dan mi kiénénu gyɛ lɛ yé wo dan mi blɛnnu zun lɛ, yé wo lé woo mi naginian ’wo yuɛ zuo, wo dan zun lɛ.

Ézai 26:21

Naa, ka ye, Gakelebale nwa é nyanana yé é dan we lɛdɔ lɛ tɛrɛlamunu gi wolé wenyané blɛnnu ma, yé tɛrɛ é dan mi nyɛ zanale ta bɔra lɛ; é ’ka dan migyɛle yɔɔ lɛ é dɛrɛ lo.

Ézai 14:21

’Ka ma’lɛrɛ, ’ka wo faa benu gyɛ ékeva do wo tranu lé weplenu ma. Té wo nwa é dɛrɛ tɛrɛlamunu faa kelele guli nya we ma lo; té wo flanu pa é dɛrɛ tɛrɛ ’ko la lo.

Ézai 11:4

Naa, é dan nyanégyɛmunu lé we ble lɛ é boen ma; Yé é dan tɛrɛ la nyanaizénlamunu lé we gi bɔi lɛ tegele; É dan tɛrɛlamunu bla lɛ é dére nya bélé vlewɔlɛ zo, Yé é dan mi nyanénu gyɛ lɛ ’é ’léé fu nya.

Ézai 3:11

Mi nyanénu gale nyɔ; wolé we ’ka dan vɔ lɛ a ma lo, naa, wo dan ’wo panyanama ma ban ye lɛ.

Ézai 2:17

Boblɛnzan é dan kɛlɛ lɛ kiéné yé mi gini é yuɛzuozan ta é dan zana lɛ. ’Bɛ yi la Gakelebale do kpen ɛ dan kɛlɛ lɛ blɛn.

JOB (Job) 40:12

Éé woli plin‐an plɛplɛ bélé sɛdrɛyili zo; A boro gi miinnu a é vurule é ke zi;

Wegɔnévɔlenu 8:13

Kanale Gakelebale lee lé ke wenyané za pale nya; É bɔluzan yele kiéné koo, boblɛn koo, tawobɛ naané koo, ’Léé nyané koo, wo za a an gi.

Ézai 14:5

Gakelebale mi nyanénu lé yili yéli; é plakonwiinzannu lé vlewɔlɛ yéli.

Ézai 22:14

Lai sunyanu lé Gakelebale a gɔɔn an lɛ léé: Dé ka ’ka tan ga lɛ lo, maa ’ka ka ma we vo wenyané ’ko lé we ma lo. Mizan lai sunyanu lé Gakelebale ɛ fe.

Ézai 23:9

Lai sunyanu lé Gakelebale ɛ fe, fɛ faa lé woo bié, wolé boblɛn yigale we gi, tɛrɛ la mi blɛnnu faa kɛlɛle kiéné we ma.

Ézai 24:21

’Bɛ bléyi va Gakelebale é dan we lɛdɔ lɛ laworona sunyanu gi la gi, yé é dan we lɛdɔ lɛ tɛrɛla minwiinzannu gi tɛrɛ la.

Ézai 25:3

Bɛwemalé mi plɛplɛnu i tɔ kɛlɛ blɛn, Yé bɛn plɛplɛnu lé flamunu kana i lee.

Ézai 29:5

I nyanézannu é dan kɛlɛ lɛ di bélé vun zo. Gulidanzannu ’ko, wo dan kɛlɛ lɛ kiɛre bélé ’sapɛɛ lé fu a sié, a zo, yé ’bɛ é dan bɔra lɛ wo ma fiaa bléyi do kpen nya.

Ézai 29:20

Naa, glazan ’ka dan kɛlɛ lɛ ana é dɛrɛ lo, wenanazannu é dan nyaa lɛ; munu lé woo voo é yuɛma weple kɛlɛle we ma, wozé glɛ é dan dɔ lɛ.

Jérémi 48:29

Moab lé boblɛn lé é gié é glɛ la, ko dɔɔ. A nwale koo, abo bɔle koo, abo bliile koo, alé mi ginile é yuɛ zuo koo, ko dɔɔ.

Abaku 2:4

Bé ye, é blii boblɛn nya; a bli ’ka tegele lo. Naa, mi tegele éé voo é yuɛma élé blipale ma.

Wegɔnévɔlenu 11:31

Bé ye, mi tegele éé gooli yé tɛrɛ la; mi nyané valé wenyanékɛlɛzan nii? Wo ’ka ’wozé yé loo?

Ézai 2:12

Naa, yi do ana lai sunyanu lé Gakelebale zé nya, ’bɛ yi la é dan nwa lɛ boblɛnzannu faa valé mi gini é yuɛzuozannu ma, yé miomian ébo kɛlɛ blɛn, Bale é dan nwa lɛ ’bɛzan ma, a tuale we gi.

Ézai 25:5

I kyɛyee bɔle mi ma yi gaan tɛrɛ kyɛdɔle ta fɛan zo, A zo duo lé i boblɛnmunu lé fla bɔgyɛle yi gaan. Lafu lé furɔ éé kyɛyee bɔle keleé fɛan zo, A zo duo lé i kɔlɔ dɔa yaamitazannu lé guliwuovolɛ lɛrɛ vɔle gi.

Daniɛl 4:34

Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.