Ézai 12:6 - Kazambale lé Sebe Sauunu 1979

⁶ ’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 12:6 ပူးပေါင်းရင်းမြစ်များ

Lɛrɛvɔ Sɛbɛ 132:14

Yee ɛ ke an flinna nya lɛɛfaama; Naa, an bli bɔ ana ma, amalé maa dan nyana lɛ ana.

Lɛrɛvɔ Sɛbɛ 135:21

Gakelebale lé éé nyanaan Jérusalɛm, Siɔn munu, ’wa drɔɔ vo ma. ’Ka Gakelebale tɔ zin fe.

Lɛrɛvɔ Sɛbɛ 46:5

Yuu do ana, Bale lé fla blɛn lé ke Loruzan nyanana lé kɔn sauun nya, ana, A yorole éé ana munu gi nanama;

Lɛrɛvɔ Sɛbɛ 68:16

Bale lé gɔblɛnnu, Bazan lé gɔblɛnnu, Gɔblɛnnu lé wo nwiin ke kiɛre, Bazan lé gɔblɛnnu,

Lɛrɛvɔ Sɛbɛ 71:22

Anlé Bale, maa dan i tɔ zin fe lɛ gitaa nya, maa dan i yara pale we la vɔ lɛ lɛrɛ nya. Izraɛl lé mi sauun, maa dan i tɔ nwa lɛ kɔnɔ gyɛle nya.

Lɛrɛvɔ Sɛbɛ 89:18

Naa, bii ɛ ke wolé plɛplɛ tɔbɔfɛ nya, Ilé zin ɛ kolé plɛplɛ nwaan.

Lɛrɛvɔ Sɛbɛ 9:11

Munu lé wo i tɔ dɔɔ, woo paan bii ɛ ta, Naa, munu lé woo i naginian, oo Gakelebale, I ’ka dan wo vo lɛ lo.

Lɛrɛvɔ Sɛbɛ 99:2

Gakelebale a blɛn Siɔn, É a é dɔle migɔnɔnu faa nwiinzan nya.

Ézai 1:24

Bɛwemalé, Mizan, lai sunyanu lé Gakelebale, Izraɛl lé Mi Plɛplɛ léma: Maa dan we do kɛlɛ lɛ an mazannu lɛ, yé an bli é dɔrala, yé maa dan anzé lɛgi pa lɛ an nyanézannu ma.

Ézai 10:24

Naa, Mizan, lai sunyanu lé Gakelebale léma: Anlé munuoo, anlé munu, ka lé ka nyanaan Siɔn, té ka kana Asirimi lee lo. É a ka blana vlewɔlɛ nya é wo; éé yili nwaan ka ma bélé Éjipiti munu a kɛlɛ ka lɛ fɛan zo, a zo.

Ézai 24:14

Munu wo dére nwa, wo siaa ginanale nya; wo Gakelebale kɛlɛle blɛn ze vɔ wɛyi gɔnu la.

Ézai 24:23

Yara é dan moné gyɛ lɛ, yaragyɛwe é dan bɔ lɛ yiri ma; naa, lai sunyanu lé Gakelebale é dan pla lɛ munu nwiin Siɔn gɔ la, Jérusalɛm, ’té alé fuasan éé bié planplan alé mi segelenu yuɛ va.

Ézai 30:19

Iin, ’kaa Siɔn munu lé ka ke é nyanale Jérusalɛm, ka ’ka dan wuvɔ lɛ é dɛrɛ lo. Dé ka siaa Bale lɛ, é dan zin kɛlɛ lɛ ka lɛ; dé é ka dére ’ma tɔɔn, ’té é we é kwakwa.

Ézai 33:21

’Bɛna lé Gakelebale givuruwe blɛnnu kɛlɛ ko lɛ weboen nya; ’bɛna lé é kɛlɛ ko lɛ bélé yuu blɛnnu zo, bélé ’yi laala blɛn zo. ’Yitagoro lé wa vɔa payili nya, é ’ka dan bɔ lɛ ’bɛna lo; ’yitagoro blɛn ’ka dan bɔ lɛ ’bɛna lo.

Ézai 33:24

Ana nyanazan do kpen ’ka dan a fe lɛ léé, gyɛ a ’é ma, lo. Bale é dan Jérusalɛm munu ma we vo lɛ wolé weplenu ma.

Ézai 40:9

’Ka go gɔ grɔgrɔ nwiin, ’Ka we néné zana dɔɔ Siɔn munu lɛ, ’Ka dére nwa, té ka kana lo, ’Ka we néné zana dɔɔ Jérusalɛm; ’Ka fe Juda tɛrɛ la flanu lɛ léé: Kalé Bale looo, kalé Bale lo!

Ézai 41:14

Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Ézai 41:16

I dan wo fɛɛ lɛ yé fu é dan go lɛ wo nya, Yé barikoko é dan wo fwila lɛ. Naa, bii, i gi é dan nana lɛ Gakelebale gi; I dan ibo tɔ bɔ lɛ Izraɛl lé Mi Sauun gi.

Ézai 49:26

Maa dan yaaitazannu bozen wi nɔ lɛ wo lɛ wo blefɛ nya; Wo dan wobo nyɛ mini lɛ yé é dan wo gyɛ lɛ bélé dɔrɔ dɛrɛ zo; Yé mi faa é dan a gi dɔɔ lɛ léé, maa lé ke i siéwegizan Gakelebale nya, Maa a i tabozan nya, Jakɔb lé mi plɛplɛ nya.

Ézai 54:1

Bii sɔnzan lé i ’ka né yaan lo, i gi ’é nana, Bii lé i ’ka vɔle lu zi dɔɔa lo, ’i fɔrɔ ginanale blɛn nya; Naa, lebɔrale benu é dan kɛlɛ lɛ kiɛre Yé é mini bofla le benu ta, azama. Gakelebale ɛ fe.

Ézai 60:16

I dan bɛnnu lé fɛ nyɔnɔzannu ble lɛ Yé minwiinzannu é dan i pa lɛ, Yé i dan a gi dɔɔ lɛ léé, maa a Gakelebale, i siéwegizan nya, I tabozan nya, Jakɔb lé Mi plɛplɛ nya.

Ézai 8:18

Bé ye, maa valé nénu lé Gakelebale wo nɔ an lɛ, ko a tɔmasenu valé weyɔɔle bɔrazannu nya Izraɛlnu lɛ; lai sunyanu lé Gakelebale lé éé nyanaan Siɔn gɔ nwiin, yee ɛ ko kɛlɛ a nya.

Jérémi 10:6

Bii Gakelebale, i danmafɛ do kpen ’ka lo; I a blɛn yé i tɔ a é bɔle ilé plɛplɛ ma.

Ézékiɛl 35:10

Bé fe léé: Bɛn fié ’ko valé tɛrɛ fié ’ko, é dan kɛlɛ lɛ ’ézé nya, ’é dan wo si lɛ ’ézé nya, dɔlé ’té Gakelebale ana bɛ,

Ézékiɛl 39:7

Maa dan an tɔ sauun nagɔɔn lɛ anlé munu Izraɛl lɛ, yé maa ’ka dan a nyi si lɛ léé, wo an tɔ sauun sɛrɛ é dɛrɛ lo, yé bɛnnu é dan a gi dɔɔ lɛ léé, maa lé ke Gakelebale nya, Izraɛl lé Mi Sauun nya.

Ézékiɛl 43:7

Yé é lé an lɛ léma: Blami be, fɛkona lé anlé fuablin ke, yé fɛkona lé maa an gane dɔraan. Ana duo lé maa dan nyana lɛ Izraɛl munu méléna lɛɛfaama, ’bɛ glɛ ’ka lo. Izraɛl munu valé ’wo nwiinzannu ’ka dan an tɔ bɔle sɛrɛ lɛ wolé miyilinu bɔle valé ’wo nwiinzan blɛnnu galenu zanale nya wolé gɔ nwiin yobannanu na lo.

Ézékiɛl 48:35

A zi kɛlɛ fɛdanmayili baa sɔraziɛn. ’É sia ’bɛ yi ma, wo dan fla ’ko tɔ laa lɛ, Gakelebale a ’ko.

Ézékiɛl 48:8

Juda bɛn zé glɛ la, é sia yirinwanazia yé é bɔ yirivɔnazia, ’ka fɛna do si é yɛrama. A ’wuola ’é kɛlɛ yee fɛdanmayilio baa vu ta fié wuru soru, yé a sangi ’é kɛlɛ bélé bɛngɔnɔ do zé tɛrɛ sangi zo; é sia yirinwanazia yé é bɔ yirivɔnazia. Yé fɛna sauun é dan kɛlɛ lɛ a méléna.

OZÉ (Osée) 11:9

Maa ’ka dan we kɛlɛ lɛ anlé bliflile yɛrama lo; Maa ’ka dan Éfraim sɛrɛ lɛ lo; Maa ’ka mi nya lo, maa a Bale nya, azama. Maa a Mi Sauun nya ka méléna; An ’ka dan da lɛ bliflile nya lo.

Joɛl 2:27

Yé ka dan a gi dɔɔ lɛ léé, maa a Izraɛl munu va. Maa ɛ ke Gakelebale, kalé Bale nya, yé bale bɛ do kpen ’ka ana lo. Yé yara ’ka dan anlé munu gyɛ lɛ é dɛrɛ lo.

Sofoni 2:5

Munu lé wo ke wɛyi gɔ ’wuo la, Kéréti munu nya, we tɔntɔn ’é bɔ wo ma ma. Bii Kanaan, Filisiti munu lé tɛrɛ, Gakelebale we fe ka ma. É léma: Maa dan i sɛrɛ lɛ. Mi ’ka dan kɛlɛ lɛ ina é dɛrɛ lo.

Zakari 2:5

yé Gakelebale léé: Maa dan kɛlɛ lɛ kyɛgɔrɔ nya a zi, yé an nyanale a méléna lé we ma lé, a tɔ é dan bɔ lɛ.

Zakari 2:9

Ka ye, an bɛ nwa wo ma, yé munu lé ka ke é plale wo wuo turu, wo dan kɛlɛ lɛ kalé gulizarafɛnu nya. Yé ka dan a gi dɔɔ lɛ léé, lai sunyanu lé Gakelebale ɛ an pa zia.

Mi Nɔnɔle 23:21

É ’ka weple yé Jakɔb gi monomono lo, Wean é ’ka tegele lo, é ’ka a yé Izraɛl gi monomono lo. Gakelebale, alé Bale a a va, É a a nwiinzan blɛn nya, Bale a Izraɛl ginanamazan nya.

Bélidɔwesɛbɛ Fiézan 23:15

Dé luu do vlan buru ézan lee yé é da vɔ lɛ i zi, té bé nɔ ézan lɛ lo.