Ézai 12:4 - Kazambale lé Sebe Sauunu 1979

⁴ Yé ka dan a fe lɛ ’bɛ yi la léé: ’Ka Gakelebale tɔ zin fe, ’ka a tɔ laa, Ka a kɛlɛwenu zana dɔɔ munu va, ’Ka a tɔ blɛn sele dɔ wo gi.

Ézai 12:4 ပူးပေါင်းရင်းမြစ်များ

Minwiinzannu lé Wezuofe Sɛbɛ 16:8

’Ka Gakelebale tɔ zin fe, ’ka a tɔ laa. ’Ka a kɛlɛwe blɛnnu zuo fe munu méléna.

Minwiinzannu lé Wezuofe Sɛbɛ 29:11

Gakelebale, fɛnu faa lé ke la gi valé fɛnu faa lé ke tɛrɛ la, wa izé nya, amalé kɛlɛle blɛn koo, plɛplɛ valé tɔ blɛn koo, vole é yuɛma lɛɛfaama valé fuasan koo, wo faa a bii ɛ zé nya; Gakelebale, bii a é nwale fɛnu faa ta loru i boan, amalé i plale mi nwiin yara lé.

Néémi 9:5

Yé Lévi munu, Jozué koo, Kadimiɛl koo, Bani koo, Asabinia koo, Sérébia koo, Odija koo, Sébania koo, Pétaja koo, wo lé munu lɛ léé: ’Ka nwa, ’ka Gakelebale kalé Bale drɔɔ vo lɛɛfaama, té a glɛ é dɔ lo. Bii Bale, i tɔ gyéiin lé é mini drɔɔ vole faa valé tɔzinfele faa ta, ’wa drɔɔ vo ma.

Lɛrɛvɔ Sɛbɛ 105:1

’Ka Gakelebale tɔ zin fe, ’ka a tɔ laa. ’Ka a kɛlɛwe blɛnnu zuo fe munu méléna.

Lɛrɛvɔ Sɛbɛ 107:22

’Wa ban a bɔvɔlenu nya ma, ’Wa kɛlɛwenu zana dɔɔ ’té woo siaan ginanale nya ma.

Lɛrɛvɔ Sɛbɛ 113:5

De ɛ ke bélé kozé Bale, Gakelebale zoo? A nyanana a loru;

Lɛrɛvɔ Sɛbɛ 148:13

’Kaa faa, ’ka Gakelebale tɔ zin fe ma. Naa, yee do kpen tɔ ɛ ke é biéle; Alé fua ta a é gɔɔnle tɛrɛ valé lanu ta loru.

Lɛrɛvɔ Sɛbɛ 18:46

Bɛn bɛnu fuu éé sié wo ta, Dé wo ’ka ’wolé guliyɔɔkɔn gi lo, wo ma éé nyɔɔn‐an.

Lɛrɛvɔ Sɛbɛ 21:13

Yé i wo nwunzi dɔ i ta, Yé i dan sa vɔ lɛ wo ma.

Lɛrɛvɔ Sɛbɛ 22:31

Mi kulunu é dan a bɔ lɛ, Munu é dan Mizan lé we fe lɛ mi kulunu lé wo ’ka tan wo yaa lɛ lo, wo lɛ.

Lɛrɛvɔ Sɛbɛ 34:3

Maa anbo tɔ bɔ Gakelebale gi, Wenaanébɔmazannu ’wo tɔné dɔ yé wo gi ’é nana ma.

Lɛrɛvɔ Sɛbɛ 40:5

Mian éé paan Gakelebale ta, ’Té é ’ka nanaan boblɛnzannu valé viéwozannu va lo, azé a néné.

Lɛrɛvɔ Sɛbɛ 46:10

Yee ɛ gulidanle nyaa fɔɔ tɛrɛ glɛ sina; É sa yéli yé é dinnu yéli, É gulidan goronu kyɛ ble.

Lɛrɛvɔ Sɛbɛ 57:5

An boen a golizranu méléna; Maa a é yiale munu lé kyɛnɛnɛ éé bɔraan wo ’léé, wo méléna. Munu lé wo suiɛnu ke din valé sawɔlɛnu nya, wo méléna, Yé wo nɛnɛ a gwɔun ’lɛzan nya.

Lɛrɛvɔ Sɛbɛ 68:5

’Ka lɛrɛ vɔ Bale lɛ, ’ka a tɔ nwa. Mian é ke giéna fɛna pɛblɛɛ zi, ’ka zi ta gyɛ a ’lɛ. A tɔ lé Gakelebale, ’ka zana gyɛ a ’lɛ.

Lɛrɛvɔ Sɛbɛ 73:28

Naa, dé é a anzé nya, an biéle Bale sɔnɔ é a an ma é zima; Mizan, Gakelebale, a an vɔzizan nya, I panyanamanu faa zuo fele we ma.

Lɛrɛvɔ Sɛbɛ 9:11

Munu lé wo i tɔ dɔɔ, woo paan bii ɛ ta, Naa, munu lé woo i naginian, oo Gakelebale, I ’ka dan wo vo lɛ lo.

Lɛrɛvɔ Sɛbɛ 96:3

’Ka a tɔbɔle zuo fe bɛnnu lɛ, ’Ka alé we blɛnnu zuo fe migɔnɔnu faa lɛ,

Lɛrɛvɔ Sɛbɛ 97:9

Naa, Gakelebale, bii a Loruzan nya tɛrɛ faa ta, I a é dɔle balenu faa nwiinzan blɛɛn bozen nya.

Fwile 15:2

Gakelebale a anlé plɛplɛ nya, yé yee ɛ tɔ zin lé maa a fé; Yee ɛ an si we gi. É a anlé Bale nya; maa dan a kɛlɛ lɛ blɛn; É a an ti lé Bale nya; maa dan a tɔ bié lɛ.

Fwile 33:19

Gakelebale a zi vɔ léé: Maa dan anlé zin faa gié lɛ i ’lɛ, yé maa dan Gakelebale tɔ fe lɛ i lɛ; dé é sɔ an lɛ léé, maa zin kɛla mian lɛ, a lɛ lé maa zin kɛla, yé dé é sɔ an lɛ léé, an nyanai zén mian ta, a ta lé an nyanai éé zén‐é.

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 2:17

Boblɛnzan é dan kɛlɛ lɛ kiéné yé mi gini é yuɛzuozan ta é dan zana lɛ. ’Bɛ yi la Gakelebale do kpen ɛ dan kɛlɛ lɛ blɛn.

Ézai 24:15

’Ka Gakelebale tɔ bɔ fɛana lé san ke bina, ana; ’ka Gakelebale Izraɛl lé Bale tɔ bɔ wɛyi méléna tɛrɛnu ta.

Ézai 25:1

Gakelebaleoo Gakelebale, i a anlé Bale nya; Maa dan i kɛlɛ lɛ blɛn, ’té maa i tɔ ma gya, Naa, i migisanmawenu kɛlɛ; Wenu lé wo dɔ i gi a bléyi ’lɛ, i wo lɛ sɔɔ yarapalale nya.

Ézai 26:8

Gakelebaleoo Gakelebale, ko a i lɛbɛnna é ziin, ilé weblebɛ yɛrama. I sele ’é dɔ ko gi, i tɔ lɔrɔ ma lé ko flin‐é.

Ézai 33:5

Gakelebale a é nwale, naa, a nyanana a loru, azama. É Siɔn fan we drɔle valé we tegele nya.

Ézai 42:12

’Wo Gakelebale tɔ bɔ ma, ’Wo a tɔ zin fele zana dɔɔ wɛyi worona tɛrɛnu ta ma.

Ézai 48:20

’Ka si Babilɔn, ’ka fwi Kaldé munu méléna; ’Ka fe léé: Gakelebale é wuozan Jakɔb tabo. ’Ka fe ginanale nya, ’ka a zana dɔɔ, ’Ka munu bɔn‐in kini a nya fɔɔ tɛrɛ glɛ sina.

Ézai 66:19

Maa dan tɔmase do pa lɛ wo ma. Wonu lé wo so we lee, maa dan wo pa lɛ zia bɛnnu va; Taasis koo, Pul valé Lud munu lé woo sa vulian, wo koo, Tubal valé Javan munu koo, wɛyiworona tɛrɛ baanu koo, maa dan wo pa lɛ zia bɛnnu va. Bɛnnu ’ko, wo ’ka an tawe ’ma lɛ monomono lo, yé wo ’ka an tɔbɔle ye lɛ lo; maa dan anlé munu pa lɛ zia wo va, yé wo dan an tɔ ma gyɛ lɛ yee bɛnnu méléna.

Jérémi 50:2

’Ka a zuo fe bɛnnu méléna, ’ka a zana dɔɔ wo lɛ, ’ka drapo do nwa loru; ’Ka zana dɔɔ wo lɛ, té ka gɔ do kpen yɔɔ wo ma lo. ’Ka fe léma: Wo Babilɔn si, wolé bale Bɛl fuu si é ta. Wo wolé bale Mérodak sɛrɛ. Wolé miyilinu ’lɛ ’ka é dɛrɛ lo, wolé miyilinu yéli.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

WENÉNÉ LE JAN A GYE (Évangile selon Jean) 17:26

Maa i tɔ gɔɔn wo lɛ, yé maa dan a gɔɔn lɛ wo lɛ é ziin, sɔlɛle lé an sɔ i lɛ a nya, a kɛlɛle wo gi valé an kɛlɛle wo gi we ma é ziin.