Ézai 12:2 - Kazambale lé Sebe Sauunu 1979

² Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 12:2 ပူးပေါင်းရင်းမြစ်များ

2 Samuɛl 7:24

Yé i ilé munu Izraɛl dɔ gligli wo kɛlɛle ilé munu nya lɛɛfaama we ma; yé bii, oo Gakelebale, bii kinin wolé Bale nya.

JOB (Job) 13:16

’Bɛ é dan bɔ lɛ an va yé an si we gi, Naa, é ’ka dɔa bale lé zi ma wenyanéfezan gi léé, é dɔ a yara lo, azama.

Lɛrɛvɔ Sɛbɛ 112:8

Nyanabli a a gi, é ’ka kanaan monomono lo, Fɔɔ yé é ’élé blibɔmawe ye bɔna é nyanézannu ma.

Lɛrɛvɔ Sɛbɛ 118:14

Gakelebale a anlé plɛplɛ nya, yee lé maa a tɔ zin fé. Yee ɛ an si we gi.

Lɛrɛvɔ Sɛbɛ 118:21

Maa i tɔ zin fé; i anlé we laale nyi si, Yé i an si we gi, bɛzama.

Lɛrɛvɔ Sɛbɛ 27:1

David zé lé. Gakelebale a an vakinizan nya, é a an Siéwegizan nya. Maa kanaan de ɛ lee? Anlé tɛrɛla a Gakelebale lee; ’Té de lee lé an kanaan?

Lɛrɛvɔ Sɛbɛ 65:6

Ko Siéwegibale, ilé zin ma lé i kolé we zi paan we blɛnblɛnnu kɛlɛle nya, Munu lé ke baa tɛrɛ valé wɛyi glɛ sina bɛ, wo bli a i lɛ.

Lɛrɛvɔ Sɛbɛ 68:20

’Wo Mizan drɔɔ vo yi faa do do ma. Dé wo ko kele, Bale éé ko sié wo lee. Ka ye do.

Lɛrɛvɔ Sɛbɛ 68:21

Bale a ko siémunuleezan nya, Yé Gakelebale, Mizan, é bɔa ko sole lɛ gale lee.

Lɛrɛvɔ Sɛbɛ 83:18

Yara ’é wo gyɛ yé di ’é kini wo gi yifaama ma, ’I wo gyɛ yara nya yé ’wo zamaga wo ma.

Fwile 15:2

Gakelebale a anlé plɛplɛ nya, yé yee ɛ tɔ zin lé maa a fé; Yee ɛ an si we gi. É a anlé Bale nya; maa dan a kɛlɛ lɛ blɛn; É a an ti lé Bale nya; maa dan a tɔ bié lɛ.

Ézai 10:24

Naa, Mizan, lai sunyanu lé Gakelebale léma: Anlé munuoo, anlé munu, ka lé ka nyanaan Siɔn, té ka kana Asirimi lee lo. É a ka blana vlewɔlɛ nya é wo; éé yili nwaan ka ma bélé Éjipiti munu a kɛlɛ ka lɛ fɛan zo, a zo.

Ézai 17:10

Naa, Bale lé é ka si we gi, ka gi san ’bɛ ma, i yɔɔwuogɔlɛ sele saan i gi, azama. Ka féi pa yonu zé nya, ka dɔrɔyili suru bale bɛnu lɛ.

Ézai 27:5

’té dé ka ’ka an si lɛ ka yɔɔna nya lo, yé kaa nana lo, yé kaa nana lo.

Ézai 32:2

Wo faa do do é dan kɛlɛ lɛ miyɔɔna nya, mi éé yɔɔan fu lɛɛ fɛan zo, a zo, bélé mi lé éé yɔɔan lɛɛ plɛplɛ lee, a zo. Wo dan kɛlɛ lɛ bélé ’yi lé éé yoroan fɛna gale na, a zo; bélé gɔlɛ blɛn furɔ zo, tɛrɛ kyɛdɔle ta.

Ézai 33:22

Naa, Gakelebale a kolé weblezan nya; Gakelebale a kolé bélidɔwe nɔzan nya; Gakelebale a ko nwiinzan blɛn nya; yee ɛ ke ko siéwegizan nya.

Ézai 38:20

Gakelebale an si we gi. Ko dan kolé kɔnɔ gyɛ lɛ Gakelebale lé kɔn gi Kolé tɛrɛla faa gi.

Ézai 45:17

Gakelebale ma lé Izraɛlnu si we gi, Sile we gi lé a glɛ ’ka lo, yee lé. Yaragyɛwe ’ka dan bɔ lɛ ka ma lo, yé yara ’ka dan ka gyɛ lɛ lo, Fɔɔ, lɛɛfaama, a glɛ ’ka dɔa lo.

Ézai 49:5

Sin, Gakelebale a wefena, Yee lé é an ma’lɛrɛ an yaabléyi va an kɛlɛle ’é wuozan nya we ma Léé, maa da Jakɔb nya ’é va é pa gi, Izraɛlnu lé wo ke é kinile ékema, an da wo nya ’é va é pa gi; Naa, an tɔ a é bɔle Gakelebale yuɛ gi, Yé anlé Bale a anlé plɛplɛ nya.

Ézai 50:10

Dé ka va miomian éé kanaan Gakelebale lee, ’É tɔné dɔ a wuozan lɛ ma. Dé miomian é ke tawona gunutinu va, ’té kyɛsan vuru a ma, ’É pa Gakelebale tɔ ta ma, ’É vɔ élé Bale zi ma.

Ézai 51:12

Maa, maa ɛ ke ka tɔrɔpaazan nya. Mi kaa lé i nya, blami lé ke bélé lu zo, ’Té é dan ga lɛ bɛ, yé i kana a lee?

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Ézai 62:11

We lé Gakelebale a zana dɔɔ fɔɔ tɛrɛ glɛ sina, yee lo; É léé, ’Ka fe Siɔn munu lɛ léé, Ka yua, ka siwegizan lé é dan bɛ; Ka ye, ka gooli a a lee, Yé a ’lɛvlɛ lé ke mibanwole nya.

Ézai 65:18

A fila vɔ léé, ka gi ’é nana ginanale blɛn nya, we lé maa dan a kɛlɛ lɛ, a we ma. Naa, maa dan Jérusalɛm kɛlɛ lɛ mi ginanale baba we ma, yé maa dan a tamunu kɛlɛ lɛ ginanazannu nya.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Jérémi 3:23

Iin, vunwelenu lé woo sié gɔpanénu valé gɔnu nwiin, wa vié nya. Iin, Gakelebale kolé Bale ɛ ke Izraɛl munu siéwegizan nya.

Daniɛl 3:28

Nébukanɛsaa léé: Sadrak koo, Mésak koo, Abɛd‐Négo koo, wolé Bale drɔɔ ’é vo ma. Yeean é lanje pa zia yé a wuozannu lé wo bli ke a lɛ, ’té woo minwiinzan blɛn lé bélidɔwe lɛganma, yé wo bli si wo kɔlɛ lɛ, yé dé é ’ka wozé Bale do kpen nya lo, wo ’ka a nyi sié léé, wo ’wuo tua bale bɛnu lɛ yé wo ’bɛnu bɔ lo, yee ɛ wo si we gi.

OZÉ (Osée) 1:7

Naa, maa dan nyanai zén lɛ Juda munu ta; maa Gakelebale ɛ dan wo si lɛ we gi anboan; maa ’ka dan wo si lɛ we gi sa valé gwɔun koo, gulidanle koo, wisoonu valé wotazannu koo, wo nya lo.

Joɛl 2:23

Yé ’kaa Siɔn munu, yéri ’é pa ka lɔ ma, yé ka gi ’é nana Gakelebale, kalé Bale lé we ma ma, Naa, é dan lɛɛ da lɛ ka lɛ lɛɛ dabléyi va, Yé é dan lɛɛ vininzan valé lɛɛ voélazan da lɛ lɛɛ dabléyi va, Éé a kɛla é vinin fɛan zo, a zo.

Jonas 2:9

Munu lé wo ’wobo yere boamiyili ma, Wo ’wobo si mi lé éé zin kɛla wo lɛ, a ma.

Abaku 3:18

Naa, duowo, an gi é dan nana lɛ Gakelebale gi, An gi é dan nana lɛ an siéwegizan Bale gi.

Rom munu 1:16

Naa, yara ’ka an gya Wenéné ma lo. É a Kazambale lé plɛplɛ do nya blipaalɛmunu faa bélifɛ nya, Juifinu zé lé é vinin, ’bɛ zuo é a Grɛkinu zé nya.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

Wegɔɔnle 7:10

’Té woo siaan dére plɛplɛ nya léé: Bélile a kozé Bale lé é ke é nyanale webleblin ta, a lee, ’é valé ’Blané lee.

1 Samuɛl 2:1

Ane bazoro yé é léé: An gi nana Gakelebale gi; Gakelebale an dɔ plɛplɛ é ziin; An ’léé fuo an nyanézannu ma, Naa, an gi nana i bɔle an va we ma.