Ézai 12:1 - Kazambale lé Sebe Sauunu 1979

¹ Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 12:1 ပူးပေါင်းရင်းမြစ်များ

Néémi 8:10

Yé wo lé wo lɛ léé: ’Ka go, ’ka wi nyɔnɔzannu ble yé ’ka dɔrɔ néné mini; yé munu lé wo ’ka fɛ do kpen kɛlɛ lɛ ’wozé nya lo, ’ka wozé pa zia, naa, yi ’ko a Kozan lé yi nyané nya; té ka kle pa kabo ta lo, naa, Gakelebale lé ginanale ɛ ke kalé plɛplɛ nya.

JOB (Job) 11:16

I gi é dan san lɛ ilé nyanéblelenu ma, Wo sele é dan dɔ lɛ i gi bélé ’yi lé é béli, a zo.

JOB (Job) 13:16

’Bɛ é dan bɔ lɛ an va yé an si we gi, Naa, é ’ka dɔa bale lé zi ma wenyanéfezan gi léé, é dɔ a yara lo, azama.

Lɛrɛvɔ Sɛbɛ 30:5

’Kaa‐an, Gakelebale sɔ ka lɛ, ’ka lɛrɛ vɔ a lɛ. É a sauun fɛan zo, dé ’bɛ sele dɔ ka gi, ’ka a tɔ bié a tɔ zin fele nya.

Lɛrɛvɔ Sɛbɛ 71:21

’I an kɛlɛ blɛn é ziin, ’I an tɔrɔ paa é ziin.

Lɛrɛvɔ Sɛbɛ 85:4

I daan i wɛwɛ dɔle faa ma, Ilé bliflile lé é ke tɔntɔn, i daan a ma.

Lɛrɛvɔ Sɛbɛ 86:17

’Ilé zin kɛlɛ an lɛ tɔmase nya, Yé an nyanézannu ’é ’bɛ ye yé yara ’é wo gyɛ. Naa, oo Gakelebale, i bɔa an va yé i an tɔrɔ paan.

Lɛrɛvɔ Sɛbɛ 9:1

Lɛrɛ lé David a vɔle gɔɔn lɛrɛvɔmunu ’lɛzan lɛ; wa vɔ mi benu dɔgɔnɔ ma.

Ézai 10:25

Naa, a bléyi vo sɛ yé we lɛdɔle ka gi é dan nyaa lɛ, ’bɛ zuo an bli é dan fli lɛ Asirimi ma, a kulu gale we ma.

Ézai 10:4

Mi kenu é dan vo lɛ é plinle wolé luufla ta; mi kenu é dan dia lɛ é gale. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Ézai 11:16

Alé munu pɔnénu lé wo vo yé wo so Asirinu lee, é dan zi pla lɛ wo lɛ bélé fɛan zo lé é zi pla Izraɛlnu lɛ wo fwiyi la Éjipiti tɛrɛ la, a zo.

Ézai 14:3

Dé Gakelebale flinle nɔ ka lɛ ka wɔlɛi nyaale ka ma valé kalé kleblele zuo, kalé luu gi nyanéblele zuo,

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 25:1

Gakelebaleoo Gakelebale, i a anlé Bale nya; Maa dan i kɛlɛ lɛ blɛn, ’té maa i tɔ ma gya, Naa, i migisanmawenu kɛlɛ; Wenu lé wo dɔ i gi a bléyi ’lɛ, i wo lɛ sɔɔ yarapalale nya.

Ézai 25:9

’Bɛ yi la, wo dan a fe lɛ léé: Ka ye, ko pale a kolé Bale ’ko, yee ɛ ta, yee ɛ ko sié we gi; ko pale a Gakelebale ’ko, yee ɛ ta; kaa gi ’é nana ma, ko gi ’é nana alé ko sile we gi we ma.

Ézai 26:1

’Bɛ yi la wo dan lɛrɛ vɔ lɛ Juda tɛrɛ la léé: Kolé fla plɛplɛ a; É a gɔrɔ kɛlɛ blɛn ko takuunfɛ nya.

Ézai 35:10

Munu lé Gakelebale wo tabo, wo dan nɔla lɛ yee zi ’léé, Wo dan go lɛ Siɔn guliwuovolɛ lɛrɛ vɔle nya, Yé ginanale lé a glɛ ’ka lo, é dan kɛlɛ lɛ bélé tɔkoro zo wo ’wuo ma; Gidrɔɔ valé ginanale é dan kɛlɛ lɛ wozé nya, Gikyɛdɔle valé dunnule é dan si lɛ ana.

Ézai 49:13

Lanu, ka gi ’é nana ma. Tɛrɛ, ’i vo ginanale blɛn gi ma. Gɔnu, ’ka siaa ginanale nya ma. Gakelebale élé munu tɔrɔ paa, azama. A nyanai éé zén‐é élé nyanégyɛzannu ta.

Ézai 51:3

’Bɛ zo lé Gakelebale nyanai éé zén‐é Siɔn ta, A nyanai éé zén‐é Siɔn fla kwa la, É dan Siɔn bwi nɔla lɛ bélé Édɛn féi zo, É dan ana tɛrɛ gale nɔla lɛ bélé Gakelebale lé zianféi zo; Vole drɔɔ valé ginanale é dan kɛlɛ lɛ fla ’ko tamunu lee; Wo dan Bale bɔ vɔ lɛ, ’té woo lɛrɛ vɔa ana.

Ézai 54:7

Maa i vo bléyi sɛ nya, Naa, maa dan i si lɛ é ziin sɔlɛle blɛn nya;

Ézai 54:8

An bliflile do gi, maa yara yɔɔ i ma bléyi sɛ nya, Naa, i sɔle an lɛ glɛ ’ka lo, amalé an nyanai é dan zén lɛ i ta; I tabozan, Gakelebale ɛ fe.

Ézai 54:9

Maa dan we ’ko kɛlɛ lɛ bélé ’yinu lé we zo Noé bléyi va; Maa anbo ’nyɔɔn léé, ’yinu ’ka dan nwɛɛn lɛ tɛrɛ la é dɛrɛ bélé Noé bléyi va ’yinu zo lo; ’Bɛ bɛ duo gi léé, anbo ’nyɔɔn léé, an bli ’ka dan fli lɛ i ma é dɛrɛ lo, Yé maa ’ka dan bon‐ɛn lɛ i nya é dɛrɛ lo.

Ézai 60:10

Bɛnnu é dan ilé kɔngurunu dɔ lɛ wo pa gi, Yé wo nwiinzan blɛnnu é dan kɛlɛ lɛ i wuozannu nya; I an bli fli, amalé maa i bla, Naa, an nyanai é dan zén lɛ i ta duowo.

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Ézai 64:5

Ko faa tiri a é dɔle, kolé wetegele faa a bélé sɔ tiridɔle zo; yé ko faa ma yuru bélé blalaa zo; kolé wenyané blɛn éé ko sian bélé fu lé.

Ézai 65:18

A fila vɔ léé, ka gi ’é nana ginanale blɛn nya, we lé maa dan a kɛlɛ lɛ, a we ma. Naa, maa dan Jérusalɛm kɛlɛ lɛ mi ginanale baba we ma, yé maa dan a tamunu kɛlɛ lɛ ginanazannu nya.

Ézai 66:13

Maa dan ka tɔrɔ paa lɛ bélé nébu é be tɔrɔ paan fɛan zo, a zo. Maa dan ka tɔrɔ paa lɛ Jérusalɛm.

Jérémi 30:19

Bale bɔvɔle é dan kɛlɛ lɛ wo méléna, ’Té woo siaan ginanale nya; Maa dan wo fan lɛ, yé wo ke ’ka dan so lɛ a ’léé lo; Maa dan wo tɔ bɔ lɛ; wo ’ka dan serele bo lɛ wo ma lo.

Jérémi 31:13

Yé leboronénu é dan nɛnɛ bo lɛ gi nanale nya, Pɛniɛnu valé mi kwanu gi é dan nana lɛ é ziin; Maa dan wolé gyɛbole nɔla lɛ gi‐nandale baba nya, yé maa dan wo tɔrɔ paa lɛ; Yé maa dan ginanale nɔ lɛ wo lɛ wo bli kyɛdɔle pa gi.

OZÉ (Osée) 11:8

Éfraim, maa dan kɛlɛ lɛ ilé we ma kaa? Izraɛl, é a lé maa i pa mi bɛ lee? É a lé maa a kɛlɛ i lɛ bélé Adima zoo? É a lé maa we kɛlɛ i lɛ bélé Séboim zoo? An bli a diana an gi, An nyanai faa a zénna.

OZÉ (Osée) 6:1

Munu léé: ’Ka da, kaa go Gakelebale va é ziin. É ko wi kini ékema, naa, é dan ko béli lɛ; é ko bla, naa, é dan fɛ vuru lɛ ko tuonanu ta.

Zakari 1:16

Bɛwemalé Gakelebale léma: Maa dan da lɛ Jérusalɛm va nyanai zénle nya; maa dan anlé kɔn dɔ lɛ ’bɛna é ziin, yé wo dan kɔnbale pla lɛ Jérusalɛm.

Zakari 14:20

’Bɛ yi la, wo dan sɛbɛ gyɛ lɛ wisoonu bɔrɔ ma pannénu ta léé, Gakelebale sauun zé lé. Yé lɛedaa lé wo ke Gakelebale lé kɔn gi, wolé we é dan kɛlɛ lɛ bélé kyan kananu zo, balebanna sɔnɔ.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

Zakari 8:11

Lai sunyanu lé Gakelebale léma: Naa, sin, maa ’ka bɛn ’ko pɔnénu lɛ bélé é vinin zé zo lo.

Zakari 8:19

Moné ziɛnzan lé lɔrɔsɔnle koo, moné soruzan lé lɔrɔsɔnle koo, moné sɔrafiézan lé lɔrɔsɔnle koo, moné vuzan lé lɔrɔsɔnle koo, wo dan nɔla lɛ Juda munu lɛ ginanayinu valé gi drɔɔ fɛtikɛlɛyinu nya. Naa, webozen valé vole drɔɔ ’é sɔ ka lɛ ma.

Rom munu 11:15

Dé Bale sɔn vɔ Juifinu ma yé bɛwemalé é tɛrɛlamunu nana ’é va ’naan, dé wo wɔra é ziin alé zin gi nii? ’Bɛ ’ka dan kɛlɛ lɛ nwale gale va nya loo?