Ézai 11:9 - Kazambale lé Sebe Sauunu 1979

⁹ Wo ’ka dan wenaané kɛlɛ lɛ anlé gɔ sauun faa nwiin lo, Yé wo ’ka dan fɛ sɛrɛ lɛ ana lo; Naa, Gakelebale dɔɔle é dan tɛrɛ ta sɔɔla lɛ, Bélé ’yi éé wɛyi wɔlɛ ma sɔɔlaan fɛan zo, a zo.

Ézai 11:9 ပူးပေါင်းရင်းမြစ်များ

JOB (Job) 5:23

Naa, i dan i gi pa lɛ do bwi gi gɔlɛnu va, Yé bwigiwinu é dan vo lɛ i va drɔɔ.

Lɛrɛvɔ Sɛbɛ 72:19

’Wo a tɔ zin bɔle drɔɔ vo yifaama ma! Tɛrɛ faa ’é fan a tɔbɔle nya ma! Amɛɛn! Amɛɛn!

Lɛrɛvɔ Sɛbɛ 78:54

Tɛrɛ lé Bale a pa é yɛrama wozé nya, é go wo nya a vazia, Gɔblɛn lé é a si gla nya, é go wo nya a vazia.

Ézai 11:13

Éfraim munu ’ka dan maawo lɛ é dɛrɛ lo; wo nyané lé ke Juda munu gi, ’bɛ yi é dan ga lɛ. Éfraim munu ’ka dan maawo lɛ Juda munu va é dɛrɛ lo. Juda munu ’ka dan bla gié lɛ ’wo péli ma yé wa pla Éfraim munu nwiin é dɛrɛ lo.

Ézai 11:8

Nyɔmané é dan zana gyɛ lɛ ménénwunnu yɛrɛ ’léé, Yé né kiéné é dan é bɛ wo lɛ bɔménéluzanuo yɛrɛ gi.

Ézai 2:4

É dan bɛnnu lé we ble lɛ, Yé é dan kɛlɛ lɛ milɛgɔnɔ kiɛre lé we yuɛgibozan nya. Wo dan wolé gwɔunnu foli lɛ gwanénu nya, Yé wo dan wolé dinnu foli lɛ sénblanu nya; Bɛn do ’ka dan gwɔun sia lɛ wo bɔlu bɛn bɛ ma é dɛrɛ lo, Wo ’ka dan gulidanle draan lɛ é dɛrɛ lo.

Ézai 30:26

Gakelebale lé munu lé é wo tuo bɛ, dé é sɔ vuru wo tuona ta, dé é wo tuonanu nyaa, ’té moné bile é dan kɛlɛ lɛ bélé yiri bile zo, yé yiri bile taa é dan pa lɛ fɔɔ gɔnɔ sɔrafié; yi do yiri bile é dan kɛlɛ lɛ bélé yi sɔrafié zé zo.

Ézai 32:16

Yé we drɔle é dan kɛlɛ lɛ bwi la, yé we tegele é dan kɛlɛ lɛ tɛrɛ lé éé fɛ dɔa di, a ta.

Ézai 33:6

I dan ilé tɛrɛla kɛlɛ lɛ drɔɔ; wedɔɔle valé ’wuoatawe a sile we gi ’wuo nya; kanale Gakelebale lee a Siɔn munu lé fɛwezan nya.

Ézai 35:9

Golizra ’ka dan zun lɛ yee zi ’ko ta lo; Migyɛwi do kpen ’ka dan zi ’ko sia lɛ lo; Wo ’ka dan wo ye lɛ ana lo, Voébomamunu ɛ dan tawo lɛ a ta.

Ézai 45:6

Maa we ’ko kɛlɛ léé, É sia yirinwana ma fɔɔ yé é bɔ yirivɔna ma, Munu faa a gi dɔɔ léé, Dé é ’ka maa nya lo, Bale bɛ ’ka lo. Maa ɛ ke Gakelebale nya, ’bɛ bɛ do kpen ’ka lo.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Ézai 52:10

Gakelebale a mi sauun nya fɛan zo, É a nagɔɔn bɛnnu faa yuɛ va; Kolé Bale éé mi sié we gi fɛan zo, Tɛrɛ glɛ sina munu faa é dan a ye lɛ.

Ézai 54:5

I kɛlɛzan a i zana nya, azama. A tɔ lé, lai sunyanu lé Gakelebale; Izraɛl lé Mi Sauun a i tabozan nya; A tɔ lé, tɛrɛ faa la munu lé Bale;

Ézai 56:7

maa dan go lɛ wo nya anlé gɔ sauun nwiin, yé maa dan wo gi nana lɛ anlé bazorokɔn gi. Winu lé woo wo kyɛ blé an lɛ, yé sarakanu lé woo wo boo an lɛ an banna ta, maa dan wo ban‐ɛn ble lɛ. Naa, wo dan anlé kɔn laa lɛ munu faa lé bazorokɔn.

Ézai 59:19

Kanale Gakelebale lee é dan sia lɛ yirivɔnazia; kanale alé fuasan lee é dan sia lɛ yirinwanazia. É dan da lɛ bélé ’yiyoro plɛplɛ lé Gakelebale lé fu é go a nya, a zo.

Ézai 65:25

Glau valé ’blané é dan lu ble lɛ ékeva. Golizra é dan lu ble lɛ bélé diri zo, yé méné é dan vun ble lɛ. Wo ’ka dan fɛ tuo lɛ lo, yé wo ’ka dan fɛ sɛrɛ lɛ lo anlé gɔ sauun faa nwiin. Gakelebale ɛ fe.

Ézai 66:18

Maa wo kɛlɛwenu valé wo bɔn‐in bɔrɔle dɔɔ. Bɛn faa zén ékeva bléyi bɔ, wo valé dére faa gimunu nya; wo dan da lɛ yé wo dan anlé fua tɔbɔle ye lɛ.

Ézai 66:20

Wo dan ka bwenu faa si lɛ bɛnnu faa va, yé wo dan da lɛ wo nya Gakelebale lé blɛfɛ nya; wo dan da lɛ wisoonu ta, wo dan da lɛ goronu valé sélinu gi; wo dan da lɛ wi lé wa laama mulɛ, a ta, ’bɛ valé nyɔgɔménu ta, yé wo da anlé gɔ sauun va Jérusalɛm. Izraɛl lé munu woo dan balebanfɛnu nya fɛan zo, kana gibɔle gi Gakelebale lé kɔn gi, a zo lé wo dan da lɛ. Gakelebale ɛ fe.

Jérémi 31:23

Lai sunyanu lé Gakelebale, Izraɛl lé Bale léma: Dé an da luugi‐munu nya wo pa gi, we lé munu é dan a fe lɛ Juda tɛrɛ valé é ta flanu ta, yee lé ke ’ko: Wetegele nyanana, gɔ sauun, Gakelebale i drɔɔ vo ma.

Jérémi 31:34

Mi do kpen ’ka dan we paa lɛ é bɔluzan gi lo, yé mi do kpen ’ka dan we paa lɛ é bwe gi a fele nya léé, ’ka Gakelebale dɔɔ, lo. Naa, é sia né kiénénu ma, fɔɔ yé é bɔ mi kwakwanu ma, munu faa é dan an dɔɔ lɛ. Naa, maa dan wo ma we vo lɛ wolé weplenu ma, yé wolé wenyanénu sele ’ka dan dɔ lɛ an gi é dɛrɛ lo. Maa Gakelebale ɛ ke a fena.

Ézékiɛl 34:25

Maa Gakelebale, maa ɛ fe. Maa dan an gi pa lɛ do wo va, wo vole drɔɔ we ma. Yé maa dan bwigiwinu si lɛ tɛrɛ ’ko la. Wo dan nyana lɛ woboma duaa bwi gi, yé wo dan yi gyɛ lɛ pɔrɔnu guru la.

Ézékiɛl 47:5

’Bɛ zuo é a dan é ziin mɛtrɛ wuru fié yɔ soru, yé é a ’yiyoro plɛplɛ lé an ’ka bɔa giéle lɛ a va lo, a nya. Naa, ’yi ’ko guru a kaii, amalé é a lé wo pa a ta. ’Yiyoro lé mi ’ka bɔa a kinile lɛ lo, yee lé.

Daniɛl 11:45

É dan élé fua sɔkɔnnu dɔ lɛ wɛyinu méléna, gɔ tɔbɔle lé é ke plɛplɛ, a vazia. É dan bɔ lɛ ézé ’wuo plana, ’té a bɔavazan ’ka lo.

Daniɛl 12:4

Bii Daniɛl, ’i dérenu ’ko tadɔ yé ’i sɛbɛ ’ko ’léé béé fɔɔ yé bléyi voélazan é bɔ. Mi kiɛre é dan a ta fe lɛ, yé wedɔɔle gi é dan gyɛ lɛ.

OZÉ (Osée) 2:18

Gakelebale léma: ’Bɛ yi ’ko la, i dan an laa lɛ, i zana; i ’ka dan an laa lɛ é dɛrɛ izan, lo.

Joɛl 3:17

Yé ka dan a gi dɔɔ lɛ léé, maa a Gakelebale, kalé Bale nya, ’Té an nyanaan anlé gɔ ’lɛzan Siɔn nwiin. Jérusalɛm é dan kɛlɛ lɛ é tinle Yé bɛnnu ’ka dan gié lɛ ana é dɛrɛ lo.

Abaku 2:14

Naa, Gakelebale lé fuatɔ dɔɔle é dan fan lɛ tɛrɛ la bélé wɛyi a é fanle fɛan zo, a zo.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

Zakari 8:3

Gakelebale léma: Maa nɔlaan an pa gi Siɔn, yé é sɔ an lɛ léé, maa nyana Jérusalɛm. Wo dan Jérusalɛm laa lɛ, yarapawela fla, yé wo dan lai sunyanu lé Gakelebale lé gɔ laa lɛ, gɔ sauun.

1 Tɛsalɔnik munu 5:15

’Ka yuɛ pa kabozen va léé, té mi do é wenyané lɛgi pa é bɔluzan ma wenyané nya lo. Naa, ’ka yara pa wezin kɛlɛle ta ka ke lɛ, é valé munu faa lɛ.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.