Ézai 11:2 - Kazambale lé Sebe Sauunu 1979

² Gakelebale Léli é dan nyana lɛ ’bɛzan gi; Wedɔɔléli lé, ’wuoataléli lé, Weplamilɛléli lé, plɛplɛléli lé, Gikiniléli lé, kana Gakelebale lee léli lé.

Ézai 11:2 ပူးပေါင်းရင်းမြစ်များ

2 Samuɛl 23:3

Izraɛl lé Bale we fe, Izraɛl lé gɔlɛ lé an lɛ léé: Mi lé éé plaan munu nwiin we tegele kɛlɛle nya na, Mi lé éé plaan munu nwiin kanale Bale lee nya na,

Lɛrɛvɔ Sɛbɛ 72:2

Yé é dan ilé munu lé we ble lɛ tegele, Yé é dan i wuozan kiénénu lé we ble lɛ é boen ma,

Fwile 28:3

I dan we fe lɛ blabozannu lé, maa ’wuoatawe paa wo gi, wo lɛ; yé wo dan Arɔn lé sɔ kini lɛ, i bɛ plale a ta we gi yé é balebannyanama pa an lɛ.

Ézai 28:6

É dan we tegele kɛlɛbli vɔ lɛ, munu lé wo ke é nyanale weblena, wo gi; é dan plɛplɛ nɔ lɛ munu lé wo ’wo nyanézannu nyunu fɔɔ yé wo bɔ wo nya wolé flagɔrɔ ’léé, wo lɛ.

Ézai 32:15

Fɔɔ yé léli é si la gi yé é zén ko ta, yé bwi la tɛrɛ é nɔla tɛrɛ lé éé fɛ dɔa di, a nya, yé ’bɛ tɛrɛ é kɛlɛ bélé pɔrɔ zo.

Ézai 42:1

An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

Ézai 48:16

’Ka bié an va, yé ’ka tɔné dɔ. É sia a pélisia bléyi va, maa ’ka we do kpen fe lɛ kyeen gi lo, We ’konu pélisiana, ’té maa ana. Yé sin, Mizan Gakelebale é maa valé é Léli nwunvɔ.

Ézai 59:21

Gakelebale léé: An dan gi pa lɛ wo va ’ko zo: An Léli lé ke ka ta, ’bɛ valé an dére lé maa pa ka ’léé, wo ’ka dan si lɛ ka ’léé lo, wo ’ka dan si lɛ kalé nénu ’léé lo, wo ’ka dan si lɛ ka nénénu ’léé lo; é sia bléyi ’ko va, fɔɔ a glɛ ’ka lo. Gakelebale ɛ fe.

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Zakari 4:6

Yé é lé an lɛ léé: Dére lé Gakelebale a fe Zorobabɛl lɛ, yee lé ke ’ko: Gakelebale léma: Mi lé plɛplɛ valé mi lé glawe ’ka we kɛla lo; naa, an Léli ɛ we kɛla.

Matio 3:16

Jézu batizéwole zuo é si ’yi va tɔɔn, la lɛ so, yé é Kazambale Léli ye zunna ’é ta é kɔlɛ nya bélé plala zo.

WENÉNÉ LE JAN A GYE (Évangile selon Jean) 14:17

Yee tɔrɔpaazan lé ke webozen Léli nya; tɛrɛlamunu ’ka a yé lo, yé wo ’ka a dɔɔa lo, bɛwemalé wo ’ka bɔa a sile lɛ wozé nya lo; naa, ka a dɔɔ, é a é nyanale ka va yé é dan kɛlɛ lɛ ka gi, azama.

WENÉNÉ LE JAN A GYE (Évangile selon Jean) 15:26

Tɔrɔpaazan lé, maa dan a pa lɛ ka lɛ zia an Ti tɔ gi, yee ɛ ke webozen Léli lé éé sié an Ti va, a nya, dé é da é dan anlé we fe lɛ;

WENÉNÉ LE JAN A GYE (Évangile selon Jean) 16:13

Tɔrɔpaazan lé é ke webozen Léli nya, dé é da é dan go lɛ ka nya webozen faa va. We lé é dan a fe lɛ, abo dére kaan lo, naa, we faa lé é dan a ’ma lɛ, yee lé é dan a fe lɛ, yé é dan wenu fale vɔ lɛ ka lɛ.

WENÉNÉ LE JAN A GYE (Évangile selon Jean) 3:34

Naa, Kazambale ’ka ’é Léli nɔle glɛ dɔ lɛ a lɛ lo; bɛwemalé, mi lé Kazambale a pa zia, Kazambale dérenu lé éé a fé.

Kelewenu 10:38

Kazambale Léli Sauun valé plɛplɛ zén Nazarɛtzan Jézu ta fɛan zo, ka ’bɛ gi dɔɔ. Kazambale a Jézu va, amalé é gié flanu ta wezin kɛlɛle valé munu lé wo ke é plale yonufaatagɔné wuo, wo faa bélile nya.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

Bélidɔwesɛbɛ Fiézan 34:9

Moizi é bɛ pla Nɛn be Jozué ta, amalé é fan wedɔɔle baba nya. Izraɛl munu a lɛdɔama, yé dére lé Gakelebale a fe Moizi lɛ, wo a ta tawo.

2 Timoté 1:7

Kazambale ’ka kanabli vɔ lɛ kaa gi lo, naa, plɛplɛ koo, sɔlɛle koo, bo?-?kunle koo, a bli lé é a vɔ kaa gi.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,