’Bɛ yi la Izraɛl pɔné lé wo vo, Jakɔb kulunu lé wo so we lee, wo ’ka dan vɔ lɛ ’wo blazan zi é dɛrɛ lo; wo dan vɔ lɛ Gakelebale Izraɛl lé Mi Sauun lé wo pale ke a ta, a zi.
’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.
Yee bléyi duo nya, zi do é dan si lɛ Éjipiti tɛrɛ la yé é go Asiri tɛrɛ la. Asiri munu é dan go lɛ Éjipiti tɛrɛ la, yé Éjipiti munu é go Asiri tɛrɛ la, yé Éjipiti munu valé Asiri munu, wo fiénu é dan Gakelebale bɔ lɛ.
A yi la, wo dan béli blɛn fɛn lɛ, yé munu lé wo vo lu la Asiri tɛrɛ la, ’bɛ valé munu lé wo yɔɔ Éjipiti tɛrɛ la, wo dan da lɛ yé wo dan dia lɛ ’wo bli la Gakelebale ’lɛ, gɔ sauun nwiin, Jérusalɛm.
Wɛyi gɔ ’konu é dan kɛlɛ lɛ Juda munu pɔnénu zé nya; ana lé wo dan wolé trubɛnu pa lɛ. Wo dan flin lɛ nyanadi Azkalɔn munu lé kɔnnu gi. Naa, Gakelebale, wolé Bale gi ’ka dan san lɛ wo ma lo. É dan wo si lɛ luu gi yé é da wo nya é ziin.