Ézai 11:12 - Kazambale lé Sebe Sauunu 1979

¹² É dan drapo nwa lɛ bɛnnu zé nya; Izraɛl munu lé wo ke lulazannu nya, é dan wo zén lɛ ékeva, yé Juda munu lé wo ke é sɔɔlale, é dan wo si lɛ tɛrɛ glɛ ziɛn sina yé é wo faa zén ékeva.

Ézai 11:12 ပူးပေါင်းရင်းမြစ်များ

Lɛrɛvɔ Sɛbɛ 107:3

Yé é wo si tɛrɛ faa la, Yirinwanazia koo, yirivɔnazia koo, yirinwana bɛbolazia koo, wɛyi vazia koo, wona, yé é wo zén ékeva, ’wo yee duo ɛ fe ma.

Lɛrɛvɔ Sɛbɛ 147:2

Gakelebale éé Jérusalɛm dɛrɛ paan; Izraɛl munu lé wo wo fwila, éé wo zén‐é ékeva é ziin.

Lɛrɛvɔ Sɛbɛ 60:4

I tɛrɛ manyɔɔn yé bé fén gyɛ. ’Bé ma’lɛrɛ ma, naa a ma a nyɔɔnna.

Lɛrɛvɔ Sɛbɛ 68:22

Iin, Bale é dan é nyanézannu ’wuo ’wii lɛ, Munu lé woo ’wolé tɛrɛla kɛla wenyané kɛlɛle nya, é dan wo bɛlo fɔn lɛ.

Ézai 11:10

’Bɛ yi la, gɔn lé é fɔn Izai ma, É dan kɛlɛ lɛ drapo nya migɔnɔnu lɛ; Bɛnnu faa é dan nɔla lɛ a vazia, Yé fuasan é dan kɛlɛ lɛ a nyanana nya.

Ézai 18:3

’Kaa faa lé ka ke tɛrɛ faa la, drapo lé wa dɔ gɔnu nwiin, ’ka nagini. ’Ka tɔné dɔ béli lé é ke wena, a lɛ.

Ézai 24:16

Ko munu lé lɛrɛvɔle ’ma tɛrɛ glɛ sina yé wo léé: Mi tegele tɔ ’é nwa ma. Naa, maa léé: Maa a é sanleoo, maa a é sanle! We tɔntɔn kɛlɛ an lɛ. Fɛsiéglanyazan, éé fɛ sié gla nya, fɛsiéglanyazan é ébo no élé glawe kɛlɛle lɛ.

Ézai 27:13

A yi la, wo dan béli blɛn fɛn lɛ, yé munu lé wo vo lu la Asiri tɛrɛ la, ’bɛ valé munu lé wo yɔɔ Éjipiti tɛrɛ la, wo dan da lɛ yé wo dan dia lɛ ’wo bli la Gakelebale ’lɛ, gɔ sauun nwiin, Jérusalɛm.

Ézai 43:6

Maa dan a fe lɛ yirinwana bɛbolazia lɛ léé, ’i wo nɔ. Maa dan a fe lɛ yirinwana bɛyilazia lɛ léé, té i kun wo ma lo. ’Ka an benu si tɛrɛ baanu ta, ’ka da wo nya, ’Ka an lunu si tɛrɛ glɛ sina, ’wo da.

Ézai 49:22

Mizan Gakelebale léma: Ka ye, maa dan an bɛ soi lɛ bɛnnu vazia, Yé maa dan anlé drapo nwa lɛ munu vazia; Wo dan da lɛ i benu nya ’wo bɛ gi, Yé wo dan da lɛ i lunu nya ’wo bɛapa ta.

Ézai 49:5

Sin, Gakelebale a wefena, Yee lé é an ma’lɛrɛ an yaabléyi va an kɛlɛle ’é wuozan nya we ma Léé, maa da Jakɔb nya ’é va é pa gi, Izraɛlnu lé wo ke é kinile ékema, an da wo nya ’é va é pa gi; Naa, an tɔ a é bɔle Gakelebale yuɛ gi, Yé anlé Bale a anlé plɛplɛ nya.

Ézai 54:7

Maa i vo bléyi sɛ nya, Naa, maa dan i si lɛ é ziin sɔlɛle blɛn nya;

Ézai 56:8

Mizan Gakelebale lé, éé Izraɛl lé lulazannu zén‐é ékeva, é léma: Munu lé wo zén Izraɛl va é kyɛn kwakwa, maa dan mi bɛnu zén lɛ wo va.

Ézai 59:19

Kanale Gakelebale lee é dan sia lɛ yirivɔnazia; kanale alé fuasan lee é dan sia lɛ yirinwanazia. É dan da lɛ bélé ’yiyoro plɛplɛ lé Gakelebale lé fu é go a nya, a zo.

Ézai 60:4

’I yuɛ bɔrɔ i zi, bé nagini; Mi faa a zénna ékeva, wa dana i va, I benu a sina baa yé wo da, Wa dana i lunu nya ’wo bɛ gi.

Ézai 62:10

’Ka giéoo, ’ka gié flagɔrɔ ’léé! ’Ka zi ma’lɛrɛ munu lɛ. Ka zi ta kɛlɛoo kɛlɛ! ’Ka gɔlɛnu si zi ta. ’Ka drapo nwa munu vazia.

Ézai 66:19

Maa dan tɔmase do pa lɛ wo ma. Wonu lé wo so we lee, maa dan wo pa lɛ zia bɛnnu va; Taasis koo, Pul valé Lud munu lé woo sa vulian, wo koo, Tubal valé Javan munu koo, wɛyiworona tɛrɛ baanu koo, maa dan wo pa lɛ zia bɛnnu va. Bɛnnu ’ko, wo ’ka an tawe ’ma lɛ monomono lo, yé wo ’ka an tɔbɔle ye lɛ lo; maa dan anlé munu pa lɛ zia wo va, yé wo dan an tɔ ma gyɛ lɛ yee bɛnnu méléna.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 30:17

Naa, maa dan i béli lɛ, maa dan i manɔnnu paa lɛ, Maa Gakelebale ɛ ke a fena. Naa, Siɔn ’ko, wa laama sɔnvɔma?-?zan, Siɔn ’ko lé, mi do kpen ’ka a mawe kɛla lo, yee lé.

Jérémi 50:4

Gakelebale léma: ’Bɛ yi ’ko la, ’bɛ bléyi ’ko va, Izraɛl munu valé Juda munu é dan da lɛ é ziin ékeva; wo dan tawo lɛ wuvɔle nya; wo dan Gakelebale, wolé Bale nagini lɛ.

Jérémi 51:12

’Ka drapo nwa Babilɔn ma, ’ka sunyanu taa pa, ’ka wo taginizannu dɔ, ’ka fla mabɛn! Naa, we do a Gakelebale gi, yé wean é a fe Babilɔn munu ma, é dan a lɛ sɔɔ lɛ.

Ézékiɛl 28:25

Mizan Gakelebale léma: Dé maa Izraɛl munu si é nwɛɛnle bɛnnu méléna yé maa wo zén ékeva ’ko, ’bɛna lé maa dan anbo nagɔɔn lɛ mi sauun nya bɛnnu yuɛ va, yé anlé munu é dan nyana lɛ wolé tɛrɛ lé maa a nɔ an wuozan Jakɔb lɛ, a ta.

OZÉ (Osée) 2:2

Juda munu valé Izraɛl munu é dan zén lɛ ékeva, yé wo dan ’wo nwiinzan dɔ lɛ, yé wo dan si lɛ luu gi. Jizréɛl lé yi é dan kɛlɛ lɛ yi blɛn nya.

Sofoni 3:10

An bɔzannu, anlé munu lé wo fwila, wo dan si lɛ Étiopi yuunu zi yé wo dan da lɛ an blan nya.

Zakari 10:6

Maa dan Judanu dɔ lɛ gligli, Maa dan Jozɛfunu si lɛ we gi; An nyanai zén wo ta, amalé an dan da lɛ wo nya wo pa gi, Yé wo dan kɛlɛ lɛ bélé an ’ka tan sɔn vinin vɔ lɛ wo ma lo. Naa, maa a Gakelebale wolé Bale nya, yé an dan wolé bazoro dére nyi si lɛ.

Zakari 8:7

Lai sunyanu lé Gakelebale léma: Ka ye, maa dan anlé munu si lɛ yirinwanazia valé yirivɔnazia tɛrɛnu ta.

WENÉNÉ LE JAN A GYE (Évangile selon Jean) 7:35

Bɛwemalé Juifinu lé wo ke lɛ léé: Fɛ kyɛnna lé é dan go lɛ, yé ko ’ka dan a ye lɛ loo? É dan go lɛ munu lé wo ke é sɔɔlale Grɛkinu suiɛ gi do do, wo vaa? Yé é dan we paa lɛ Grɛkinu gii?

Bélidɔwesɛbɛ Fiézan 32:26

Maa nɔ dan a fe lɛ léé, an wo sié ana, fu fɛɛle do kpen nya, Maa dan wo sele saan lɛ munu gi;

SEBE LÉ JAK A GYE (Épitre de Jacques) 1:1

’Kaa bɛn vu ta fié lé ka ke é kinile ékema, maa Jak lé an ke Kazambale valé Mizan Jézu Krist lé lugɔnéné nya, an we ka va.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;

Wegɔɔnle 7:1

’Bɛ zuo, maa lanje ziɛn ye é dɔle tɛrɛ sun ziɛn ta; wo kun tɛrɛ la fu ziɛn ma, té fu ’é gié tɛrɛ koo, wɛyi koo, yilinu koo, wo ma lo we gi.