Ézai 11:10 - Kazambale lé Sebe Sauunu 1979

¹⁰ ’Bɛ yi la, gɔn lé é fɔn Izai ma, É dan kɛlɛ lɛ drapo nya migɔnɔnu lɛ; Bɛnnu faa é dan nɔla lɛ a vazia, Yé fuasan é dan kɛlɛ lɛ a nyanana nya.

Ézai 11:10 ပူးပေါင်းရင်းမြစ်များ

Wepélisiananu 49:10

Plaminwiin soowolivwii ’ka dan si lɛ Juda lee pelo, Plaminwiin yili ’ka da si lɛ a gane worona lo Fɔɔ yé Siilo é da, ’bɛ gi léé, mi drɔɔ, Yé munu a lɛdɔma.

Minwiinzannu lé Wezuofe Sɛbɛ 2:12

Boaz Obɛd yaa. Obɛd Izai yaa.

Lɛrɛvɔ Sɛbɛ 116:7

An boen, ’i go, ’i flin, Naa, Gakelebale wezin kɛlɛ i lɛ.

Lɛrɛvɔ Sɛbɛ 145:11

Wo dan ilé plale mi nwiin lé fua zuo fe lɛ, Yé wo dan i plɛplɛ tɔ sɔɔla lɛ,

Lɛrɛvɔ Sɛbɛ 149:5

Guliwuo ’é vo yarapawelazannu lɛ ma, yé ’wo kɛlɛ fua nya ma, ’Wo siaa ginanale nya wolé yialafɛnu ta ma.

Lɛrɛvɔ Sɛbɛ 91:1

Mian ke é yɔɔle Loruzan bɛ wuo, Éé flin‐é Plɛplɛfaazan furɔ va.

Lɛrɛvɔ Sɛbɛ 91:4

É dan i ta bua lɛ é kyɛɛ nya Yé i dan yɔɔna ye lɛ a bɛanu wuo; Alé yara pale we ta a i takuunfɛ valé i golɛtayɔɔfɛ nya.

Ézai 11:1

Izai bɛ do é dan dɔ lɛ é ma bélé yilibɛ zo, yé a suni do é dan fɔn lɛ a ta.

Ézai 11:12

É dan drapo nwa lɛ bɛnnu zé nya; Izraɛl munu lé wo ke lulazannu nya, é dan wo zén lɛ ékeva, yé Juda munu lé wo ke é sɔɔlale, é dan wo si lɛ tɛrɛ glɛ ziɛn sina yé é wo faa zén ékeva.

Ézai 14:3

Dé Gakelebale flinle nɔ ka lɛ ka wɔlɛi nyaale ka ma valé kalé kleblele zuo, kalé luu gi nyanéblele zuo,

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 2:2

Dé bléyi voéla bɔ, Gɔ lé Gakelebale lé kɔn ke a nwiin, Alé we é dan mini lɛ gɔblɛnnu ta, Yé a tɔ é dan mini lɛ gɔpanénu lɛ, Yé bɛnnu faa é dan yoro lɛ a vazia.

Ézai 2:3

Munu é dan go lɛ ana é bu nya é bu nya, yé wo dan a fe lɛ léé: ’Ka da, kaa go Gakelebale lé gɔ nwiin Jakɔb lé Bale lé kɔn ’léé, Yé é ’élé we paa kaa gi, Yé kaa tawo alé zinu ta. Naa, bélidɔwe é dan si lɛ Siɔn, Yé Gakelebale dére é dan si lɛ Jérusalɛm.

Ézai 28:12

Gakelebale a fe wo lɛ léé: Flinle lo; mi lé a wɔlɛ gi nyaa, ’bé vo, ’é flin; flinna lé ke ’ko. Naa, é ’ka sɔ lɛ wo lɛ léé, ’wo tɔné dɔ lo.

Ézai 42:4

A fuu ’ka dan si lɛ a ta lo yé é ’ka dan nyana lɛ lo, Fɔɔ yé é wetegele dɔ tɛrɛ la gligli, Yé wɛyi worona tɛrɛ tamunu bli é vo alé bélidɔwe lɛ.

Ézai 49:22

Mizan Gakelebale léma: Ka ye, maa dan an bɛ soi lɛ bɛnnu vazia, Yé maa dan anlé drapo nwa lɛ munu vazia; Wo dan da lɛ i benu nya ’wo bɛ gi, Yé wo dan da lɛ i lunu nya ’wo bɛapa ta.

Ézai 59:19

Kanale Gakelebale lee é dan sia lɛ yirivɔnazia; kanale alé fuasan lee é dan sia lɛ yirinwanazia. É dan da lɛ bélé ’yiyoro plɛplɛ lé Gakelebale lé fu é go a nya, a zo.

Ézai 60:3

Bɛnnu é dan tawo lɛ i san va, I bile é dan minwiinzan blɛnnu va kini lɛ.

Ézai 60:5

Dé wɛyi va fuafɛnu da i vazia, Dé bɛnnu lé fɛwezannu da i va, I gi é dan nana lɛ a ma, I zuru é dan vɔ lɛ yé i bli é dan fan lɛ ginanale nya.

Ézai 62:10

’Ka giéoo, ’ka gié flagɔrɔ ’léé! ’Ka zi ma’lɛrɛ munu lɛ. Ka zi ta kɛlɛoo kɛlɛ! ’Ka gɔlɛnu si zi ta. ’Ka drapo nwa munu vazia.

Ézai 66:19

Maa dan tɔmase do pa lɛ wo ma. Wonu lé wo so we lee, maa dan wo pa lɛ zia bɛnnu va; Taasis koo, Pul valé Lud munu lé woo sa vulian, wo koo, Tubal valé Javan munu koo, wɛyiworona tɛrɛ baanu koo, maa dan wo pa lɛ zia bɛnnu va. Bɛnnu ’ko, wo ’ka an tawe ’ma lɛ monomono lo, yé wo ’ka an tɔbɔle ye lɛ lo; maa dan anlé munu pa lɛ zia wo va, yé wo dan an tɔ ma gyɛ lɛ yee bɛnnu méléna.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Agajé 2:9

Lai sunyanu lé Gakelebale léma: Kɔn voélazan ’ko tɔbɔle é dan mini lɛ kɔn vininzan zé ta. Fɛkona lé maa dan mi vo lɛ drɔɔ. A zo lé lai sunyanu lé Gakelebale a fe.

Zakari 6:13

É dan Gakelebale lé kɔn dɔ lɛ; tɔ é dan kɛlɛ lɛ a bɛ la; é dan nyana lɛ élé webleblin la yé é dan pla lɛ munu nwiin. É dan kɛlɛ lɛ Balebanzan nya élé webleblin la yé alé balebannyanama valé alé plale mi nwiin nyanama é dan tawo lɛ ékeva drɔɔ.

Mi Nɔnɔle 10:33

Wo si Gakelebale lé gɔ nwiin yé wo tawo yi yaa. Gakelebale lé gipawe pagikɛsu go wo ’lɛ. Wo tawo yi yaa wo nyanana naginile we ma.

Matio 12:21

Yé bɛn bɛnu bli é vo a tɔ lɛ.

Matio 8:11

Naa, maa lé ka lɛ léé, munu kiɛre é dan si lɛ yirinwana valé yirivɔnazia, yé wo dan fɛ ble lɛ Abraam koo, Izak koo, Jakɔb koo, wo va, Kazambale lé fla.

WENÉNÉ LÉ LUK A GYE (Évangile selon Luc) 2:32

É a bɛnnu vakinisan nya, ilé munu Izraɛl tɔbɔle nya yé maa a ye an yuɛ nya.

WENÉNÉ LE JAN A GYE (Évangile selon Jean) 12:32

Yé maa, dé wo an si yian ma tɛrɛ la yé wo an dun loru, maa dan mi faa gana lɛ an va.

Kelewenu 11:18

Bale lé munu we ’ko ’ma aan wo, wo bli vo drɔɔ, yé wo Kazambale tɔ zin bɔ a fele nya léé: Kazambale bli nɔlale nɔ é ziin bɛn bɛnu lɛ, wo vole é yuɛma we gi.

Kelewenu 28:28

Kazambale lé mi sile we gi ’ko, wa we pa bɛn bɛnu ɛ lɛ zia, yé wo dan a ’ma lɛ. ’Ka we ’ko gi dɔɔ ma.

Ébrunu 4:1

Blivolɛdére lé Bale a fe léé, é dan élé flinle nɔ lɛ munu lɛ, ’bɛ dére ana é ziin tan, bɛwemalé ’ka kana, dé é da kle ka va mi kenu ma.

1 Piɛri 5:10

Zin faa kɛlɛ Bale, yee ɛ ka laa Jézu Krist gi élé fua lé a glɛ ’ka lo, a blele ma, dé ka nyané ble bléyi sɛ nya faa, é dan gun si lɛ ka ma, é dan ka dɔ lɛ plɛplɛ, é dan ka fuu dɔ lɛ ka ta, é dan ka dɔ lɛ gligli.

Wegɔɔnle 22:16

Maa Jézu, maa anlé lanje nwunvɔ we ’konu lé we fele ka lɛ we gi, léglizinu gi. Maa ɛ ke David kulu valé a punla nya, bladi monéné bile nya.

Wegɔɔnle 5:5

Mi segelenu va mi do lé an lɛ léé: Té i wuvɔ lo; bé ye, Juda bɛn lé golizra, David Punla, a ’wuo vo a lɛ, alé sɛbɛ lɛ sole valé zɔrɔkaanyɔɔ sɔrafié bɔile we gi.