Ézai 11:1 - Kazambale lé Sebe Sauunu 1979

¹ Izai bɛ do é dan dɔ lɛ é ma bélé yilibɛ zo, yé a suni do é dan fɔn lɛ a ta.

Ézai 11:1 ပူးပေါင်းရင်းမြစ်များ

2 Samuɛl 23:3

Izraɛl lé Bale we fe, Izraɛl lé gɔlɛ lé an lɛ léé: Mi lé éé plaan munu nwiin we tegele kɛlɛle nya na, Mi lé éé plaan munu nwiin kanale Bale lee nya na,

Minwiinzannu lé Wezuofe Sɛbɛ 2:12

Boaz Obɛd yaa. Obɛd Izai yaa.

Lɛrɛvɔ Sɛbɛ 145:11

Wo dan ilé plale mi nwiin lé fua zuo fe lɛ, Yé wo dan i plɛplɛ tɔ sɔɔla lɛ,

Ézai 11:10

’Bɛ yi la, gɔn lé é fɔn Izai ma, É dan kɛlɛ lɛ drapo nya migɔnɔnu lɛ; Bɛnnu faa é dan nɔla lɛ a vazia, Yé fuasan é dan kɛlɛ lɛ a nyanana nya.

Ézai 4:2

’Bɛ bléyi va, Gakelebale lé fɛ gɔn é dan bɔ lɛ; é dan kɛlɛ lɛ Izraɛl ’lɛrɛfɛ valé a tɔbɔle nya. Yee fɛ gɔn lé tɛrɛ a bɔra bɛ, Izraɛl lé munu lé wo si we gi, é dan kɛlɛ lɛ wo tɔbɔmafɛ valé wo nyɛɛfɛ nya.

Ézai 53:2

É tin Gakelebale yuɛ va bélé lutolu zo, Bélé yili lé ke fɔnna tɛrɛ gale ta, a zo; É ’ka nɔnɔmi lo, yé a yara ’ka bié yé é mi sia ana lo, A yara dɔbɛ ’ka ko gi nanama lo.

Ézai 6:13

Dé munu vuzan vo‐oo, ’bɛnu kulu é dan ga lɛ é ziin. Naa, dé wo térébɛnt yili valé sɛnéyili vɔ yé wo pun ’é vo fɛan zo, a zo duo lé, munu ’ko, wo punla do é dan nɛɛ lɛ mi sauunnu nya.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Ézai 9:7

Mizan we do pa Jakɔb lɛ zia yé a bɛ dia Izraɛl ta.

Jérémi 23:5

Gakelebale léma: Ka ye, a yinu é dan bɔ lɛ yé maa dan David punla nɛɛ lɛ mi tegele do nya yé é dan pla lɛ munu nwiin, yé fɛ kiɛre é dan nyian wo lɛ a ma, yé é dan we tegele valé we drɔle kɛlɛ lɛ tɛrɛ ’ko la.

Jérémi 33:15

’Bɛ yinu la, yé ’bɛ bléyi va, David punla é dan nɛɛ lɛ mi tegele do nya. É dan we tegele valé we drɔle kɛlɛ lɛ tɛrɛ la.

Ézékiɛl 17:22

Mizan Gakelebale léma: Maa, maa dan sɛdrɛyili blɛn do nwiin bɔi lɛ yé maa a pla; maa dan a bɛ boroné do bɔi lɛ a nwiin, yé maa dan a suru lɛ gɔ blɛn torole nwiin.

Ézékiɛl 37:25

Tɛrɛ lé maa a nɔ an leezan Jakɔb lɛ, yé wo tranu nyana a ta bɛ, wo dan nyana lɛ a ta; wo koo, wolé nénu koo, wo nénénu koo, wo dan nyana lɛ a ta lɛɛfaama. Yé an leezan David é dan kɛlɛ lɛ wo nwiinzan nya yifaama.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Zakari 3:8

Amalé Balebanmunu ’lɛzan Jozué, ’i tɔné dɔ an lɛ, bii valé i bɔlunu lé wo ke é nyanale i ’lɛ bɛ, ’té wo ke tɛlɛ tɛlama tɔmasenu nya bɛ, wo nya. Bé ye, an leezan lé wa laama mipunla, maa dan a pa lɛ zia.

Zakari 6:12

Bé fe a lɛ léma: Lai sunyanu lé Gakelebale léma: Bé ye, mi do lé a tɔ ke mipunla, é dan nɛɛ lɛ élé fɛna, yé é dan Gakelebale lé kɔn dɔ lɛ.

Matio 1:1

Jézu a David valé Abraam kululazan nya. Jézu Krist tranu tɔ nɔnɔle lé ke ’ko:

Rom munu 15:12

Ézai lé é ziin léé: Izai punla é dan nɛɛ lɛ Yé é dan nwa lɛ yé é dan pla lɛ bɛnnu nwiin; Bɛnnu bli é dan vo lɛ yee ɛ lɛ.

Ébrunu 7:14

naa, kaa ye wéiin léé, Kaazan si Juda gɔnɔ gi; bɛn lé, Moizi ’ka a fe lɛ léé, balebannyanama a wozé nya lo, wo gɔnɔ gi lé é si.

Wegɔɔnle 22:16

Maa Jézu, maa anlé lanje nwunvɔ we ’konu lé we fele ka lɛ we gi, léglizinu gi. Maa ɛ ke David kulu valé a punla nya, bladi monéné bile nya.

Wegɔɔnle 5:5

Mi segelenu va mi do lé an lɛ léé: Té i wuvɔ lo; bé ye, Juda bɛn lé golizra, David Punla, a ’wuo vo a lɛ, alé sɛbɛ lɛ sole valé zɔrɔkaanyɔɔ sɔrafié bɔile we gi.

RUT (Ruth) 4:17

A bɔlunu tɔ pa a ma a fele nya léé: Wo négɔné yaa Naomi lɛ. Yé wa laama Obɛd. É a Izai ti nya yé Izai a David ti nya.

1 Samuɛl 17:58

Saul lé a lɛ léé: Pɛniɛ, de be lé i nyaa? Yé David a zi pa léé: Maa a i wuozan Bɛtléɛm mi Izai be nya.