Ézai 10:6 - Kazambale lé Sebe Sauunu 1979

⁶ Maa wo pa zia bɛn nyané va, munu lé an bli ke flina wo ma, maa wo nwunvɔ ’bɛnu va, léé, ’wo ’wii ’bɛnu ta yé ’wo gulizarafɛ si, yé wo ’bɛnu zɔn ’wo gane nya bélé voli zo zia.

Ézai 10:6 ပူးပေါင်းရင်းမြစ်များ

2 Samuɛl 22:43

Maa wo pun dɔa bélé tɛrɛ va vun zo, Maa wo ’wiié, maa wo zɔn‐o an gane nya bélé fla zinu ta voli zo.

2 Minwiinzannu 18:25

É ziin, é ’ka Gakelebale lé blibɔmawe nya léé, an nwa fɛkona ma yé maa a sɛrɛ loo? Gakelebale lé an lɛ léé, ’an nwa tɛrɛ ’ko ma, ’maa sɛrɛ.

Ézai 19:17

Juda tɛrɛ é dan kɛlɛ lɛ Éjipiti munu lé kanamafɛ nya; dé wa mawe fe wo lɛ, di é dan kini lɛ wo gi, we lé ke lai sunyanu lé Gakelebale bli gi wo vaziawe nya, a we ma.

Ézai 22:5

Naa, kolé gibɔrɔpayi lé kyɔ, ko ’wiiyi lé, tun dɔ ko gi yi lé; Mizan, lai sunyanu lé Gakelebale ɛ yi ’ko bɔ ko ma, pɛnguru lé woo yuɛzi yé ana, ana. Wo fla zi gɔrɔ zana a gi, nyané ble siaalenu bɔ gɔ ma.

Ézai 24:5

Ana munu tɛrɛ sɛrɛ, naa, wo bélidɔwenu sɛrɛ, yé wo Bale déretawenu lɛgama, gipawe lé a glɛ ’ka lo, wa sɛrɛ, azama.

Ézai 29:13

Mizan léma: Dé munu ’ko bié an sɔnɔ, woo an tɔ bɔa ’wo ’léé valé ’wo lɔlu nya, naa, wo bli a é sile an ma baa, yé kana lé wa wo an lee, é a munu lé gɔnɔlawe nya é pla.

Ézai 32:6

Naa, ’tugyɛzan éé ’tugyɛwe fé, yé éé wenaané bɔrɔan é bɔn‐in wenyané blɛn kɛlɛle we gi, vié wole Gakelebale ma we gi, lɔrɔgyɛmunu vole lɔrɔ nya we gi, mi lé ’yiminilɔrɔ ke a gyɛna, ’yi nyané kɛlɛle a lɛ we gi.

Ézai 33:1

Bii lé i ’wiié fɛ ta yé wo ’ka ’wii lɛ izé ta lo, bii lé i fɛ sian gla nya yé wo ’ka izé sia lɛ gla nya lo, we tɔntɔn ’é kɛlɛ i lɛ ma. Dé i nyaa ’wiile fɛ ta nya, wo dan ’wii lɛ i ta; dé i fɛ sile gla nya lɛ sɔɔ, wo dan ilé fɛ sia lɛ gla nya.

Ézai 33:14

Kana zén wenyanékɛlɛzannu gi Siɔn; Bale lé zi ma wenyanéfezannu ma a nyɔɔnna; ko va mi kyɛn ɛ bɔalɛ léé, é vo kyɛ lé é ke fɛ blena, a sɔnɔɔ? Ko va mi kyɛn ɛ bɔalɛ léé, é vo kyɛnɛnɛ lé é ’ka dirian lo, a sɔnɔɔ?

Ézai 41:25

Maa mi do nwa yirinwana bɛbolazia yé é da, É an tɔ laa yirinwana; É dan mi plɛplɛnu zɔn lɛ é gane nya bélé voli zo, É dan wo zɔn lɛ bélé bɔdɔzan lé bɔtɛrɛ zɔnle zo.

Ézai 49:17

I benu é dan é kele; Munu lé wo i sɛrɛ yé wo i guru zana a gi, Wo dan si lɛ i méléna.

Ézai 49:25

Gakelebale léé: lin, wo dan mi plɛplɛ lé luu si lɛ é lee, Yé vakɛlɛzan lé gulizarafɛ é dan san lɛ é lee; Maa dan guli dan lɛ i nyanézannu va, Yé maa dan i benu si lɛ we gi.

Ézai 5:25

Bɛwemalé Gakelebale bli fli élé munu ma; é bɛ nwa léé, ’é wo bla. Gɔblɛnnu ma nyɔɔn; migalenu a bélé bli zo zinu ta. Dé é kɛlɛ ’bɛ zo‐oo, a bli ’ka dɔralaan lo, ’té a bɛ a wo gyɛn gi duowo.

Ézai 5:29

Wo dére a bélé golizrada zé zo; woo gi gunuan bélé golizrané zo, ’té woo nyana vɔa ’té woo wi kunwo. Wa sian yé mi do ’ka dan a si lɛ wo lee lo.

Ézai 5:5

We lé maa dan a kɛlɛ lɛ anlé dɔrɔféi lɛ, maa dan a fe lɛ ka lɛ sin. Maa dan a zi gɔrɔ fwi lɛ yé winu a ble; maa dan a zi gɔrɔ zana lɛ yé wa zɔn ’wo gane nya.

Ézai 63:3

Yé é léé: Maa do ɛ dɔrɔ zɔn an gane nya; mi do kpen ’ka bɔ lɛ an va lo; an bliflile zi an wo zɔn; an wɛwɛ zi an wo wii. Wo nyɛ zén anlé sɔnu gi, yé anlé sɔ faa tiri dɔ a nya.

Ézai 63:6

An bli flile zi an munu zɔn an gane nya, an wɛwɛ wo gyɛ nwɛ zo, yé maa wo nyɛ zana tɛrɛ va.

Ézai 7:17

Wenu lé Gakelebale é dan a kɛlɛ lɛ bii koo, ilé munu valé i ti kulunu koo, ka lɛ, é sia yian nya lé Éfraim valé Juda kini ékema fɔɔ kyɔ, wo ’ka ’bɛ zo wenu ye lɛ lo. É dan da lɛ Asirinu nwiinzan nya.

Ézai 8:4

Naa, dé né ’ko ’ka tan bɔa a fele lɛ an ti valé an bu lo, wo dan go lɛ Damas lé fuafɛnu valé Samari lé gulizarafɛnu nya Asirinu nwiinzan blɛn ’lɛ.

Ézai 8:8

É dan go lɛ Juda tɛrɛ la, yé é dan ana mini lɛ fɔɔ yé é bɔ mi bɔrɔ ma. Yiba, Émanuɛl, é dan é bɛa soi lɛ yé é dan ilé tɛrɛ faa ta bua lɛ.

Ézai 9:17

Naa, wenyané kɛlɛle éé mi blé bélé kyɛ lé éé danan valé léliyilinu blé, a zo; éé kyɛ vɔa pɔrɔwɔlɛ ’léé, ’té a goi éé nwaan zuuu.

Ézai 9:19

Woo fɛ siaan gla nya wo bɛyilazia, ’té lɔrɔ éé wo gya; woo fɛ blé wo bɛbolazia, ’té wo ’ka kaan lo. Wo faa do do ’wobo bɛ blé.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 3:10

Naa duowo, a buru Juda lé éé we kɛla gi la, é ’ka da lɛ an va é bli faa nya lo. É a kɛlɛ dabli nya. Maa Gakelebale ɛ ke a fena.

Jérémi 34:22

Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 4:14

Jérusalɛm munu, ’ka kalé wenaanénu si ka bli gi, léé, ka si we gi. Ka dan vo lɛ ka gi bɔrɔna weple ma bléyi faa vaa?

Ézékiɛl 29:20

Maa dan Éjipiti tɛrɛ nɔ lɛ a lɛ, nyanama lé é a pa Tii ma, a ban nya, naa, wo nyanama pa maa ɛ lɛ, azama. Yee lé Mizan Gakelebale a fe.

Ézékiɛl 38:12

Maa dan go lɛ gulizarafɛ si lɛ; munu lé wo ke é nyanale fla sɛrɛle ta bɛ, ’té wo si bɛnnu méléna yé wo zén ékeva bɛ, ’té wolé trubɛnu a, ’té wolé fɛnu a, ’té woo nyanaan tɛrɛ ’ko la gɔnu nwiin bɛ, maa dan ’wii lɛ wo ta.

Ézékiɛl 38:13

Séba valé Dédan lé wo ke Taasis yaawomunu nya, wo valé wolé golizra boronénu faa nya, wo dan a fe lɛ i lɛ léé: I da gulizarafɛ sile we maa? Fla ’wiile we ma lé i munu zén ékevaa? I da gɔɔlifu valé kyan sile we maa? I da trubɛnu valé fɛ zinnu sile we maa? I da wo kɛlɛle ilé gulizarafɛ blɛn nya we maa?

Misé 7:10

An nyanézan é dan a ye lɛ yé yara é dan a gyɛ lɛ; yee lé éé a fé turu an lɛ léé, Gakelebale, ilé Bale a kyɛɛn? bɛ, yee lé. Wo dan a zɔn lɛ ’wo gane nya bélé zia voli zo. Maa dan a ye lɛ yé an gi é dan nana lɛ.

Abaku 1:12

Gakelebale, anlé Bale sauun, bian i lɛɛ ’ka lɛɛnu va lo loo? Ko ’ka dan ga lɛ lo. Gakelebaleoo, Gakelebale, i bɛn ’ko dɔ i déretawe kɛlɛzannu nya ilé munu ma. Anlé Gɔlɛgɔ, i bɛn ’ko nwa wo kɛlɛle ilé we lɛdɔ migizannu nya we ma.

Zakari 10:5

Wo dan kɛlɛ lɛ bélé nyanazannu lé woo voli zɔn‐o zia gulidanbléyi va, wo zo; Gakelebale é dan kɛlɛ lɛ wo va, amalé wo dan guli dan lɛ; yé munu lé wo dan vɔ lɛ wisoonu ta, yara é dan wo gyɛ lɛ.

Matio 15:7

Bodrɔzannu. Ka ma we lé Ézai a fe balelawefele nya, é a webozen nya. É léé: