Ézai 10:4 - Kazambale lé Sebe Sauunu 1979

⁴ Mi kenu é dan vo lɛ é plinle wolé luufla ta; mi kenu é dan dia lɛ é gale. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Ézai 10:4 ပူးပေါင်းရင်းမြစ်များ

Ézai 22:2

Fla bɔ gyɛ, ’té a vun éé wé, ’té a tamunu gi éé nanaan. Ilé munu ’ka dan zamaga wo lɛ gwɔun koo, gulidanmunu koo, wo lee lo.

Ézai 24:22

É dan wo faa zén lɛ ékeva luu nya bokɔn gi, é dan wo vɔ lɛ bwati gi, yé ’bɛ zuo yi kiɛre nya, é dan we lɛdɔ lɛ wo gi.

Ézai 34:3

Wo galenu a é nwɛɛnle, wo galenu goi dɔ, wo nyɛ é dan yoro lɛ gɔnu ma.

Ézai 5:25

Bɛwemalé Gakelebale bli fli élé munu ma; é bɛ nwa léé, ’é wo bla. Gɔblɛnnu ma nyɔɔn; migalenu a bélé bli zo zinu ta. Dé é kɛlɛ ’bɛ zo‐oo, a bli ’ka dɔralaan lo, ’té a bɛ a wo gyɛn gi duowo.

Ézai 66:16

Kyɛ nya lé Gakelebale élé we lɛgi paan; alé gwɔun éé we lɛdɔa mi faa gi, yé Gakelebale é dan mi kiɛre gyɛ lɛ.

Ézai 9:11

Sirinu a yirinwanazia, yé Filisitinu a yirivɔnazia, yé wo ’léé é dan fan lɛ Izraɛlnu sɛrɛle ma. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Ézai 9:12

Duowo, munu ’ka dan ’wo blazan va lo, yé wo ’ka lai sunyanu lé Gakelebale naginian lo.

Ézai 9:16

Bɛwemalé Mizan gi ’ka nanaan wolé pɛniɛnu ma lo, yé a nyanai ’ka zén‐é wolé ti valé bugalazannu valé wolé gyɛzaralomu ta lo. Naa, wo faa a Bale lé zi ma wenyanéfezannu valé mi naanénu nya, yé weple éé bɔraan wo faa ’léé. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Ézai 9:17

Naa, wenyané kɛlɛle éé mi blé bélé kyɛ lé éé danan valé léliyilinu blé, a zo; éé kyɛ vɔa pɔrɔwɔlɛ ’léé, ’té a goi éé nwaan zuuu.

Ézai 9:20

Manasé munu woo Éfraim munu blé, ’té Éfraim munu wooé Manasé munu blé, yé wo fiénu éé ’wiié Juda munu ta. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Jérémi 15:2

Yé dé wa laa i lee léé: Ko go kyɛɛn? bé zi pa léma: Gakelebale léma: Munu lé wozé ke ga nya, ’wo ga ma; Munu lé wozé ke gwɔun nya, ’wo ga gwɔun ’léé ma; Munu lé wozé ke lɔrɔ nya, ’wo ga lɔrɔ nya ma; Munu lé wozé ke luubale nya, ’wo kɛlɛ luu nya ma.

Jérémi 37:10

Yé dé ka Kaldé sunyanu faa gyɛoo, dé tuomunu saa ɛ vo ana, wo faa é dan nwa lɛ wolé sɔkɔnnu gi do do yé wo dan fla ’ko kyɛ ble lɛ.

Jérémi 4:8

Amalé, ’ka bɔlɔ zén ka ta, ’ka wuvɔ yé ’ka dunnu; Naa, Gakelebale lé bliflile blɛn ’ka dan vuru lɛ ka ma lo.

OZÉ (Osée) 9:12

Dé wo ’wolé nénu pa, an dan wo si lɛ wo lee wo tinle ’lɛ; dé an si wo zi, ’té we tɔntɔn kɛlɛ wo lɛ.

Lévinu 26:17

Maa dan dɔ lɛ ka ma yé ka nyanézannu é dan ka kele lɛ; ka zapamunu é dan pla lɛ ka nwiin, yé ka dan boavlan buru lɛ, ’té mi do kpen ’ka ka zuo lo.

Bélidɔwesɛbɛ Fiézan 32:30

Dé wolé Gɔlɛ ’ka wo dan lɛ lo ’naan, Dé Gakelebale ’ka é bɛ si lɛ wo wuo lo ’naan, É kɛlɛ kaa yé mi do éé mi wuru soru zuo bin‐éé? É kɛlɛ kaa yé mi fié éé mi baa soru bin‐éé?