Ézai 10:32 - Kazambale lé Sebe Sauunu 1979

³² Wo dan yii lɛ Nɔb do, ’bɛ zuo yé é dan é bɛ nwa lɛ Siɔn munu lé gɔ ma, Jérusalɛm lé gɔpané ma.

Ézai 10:32 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 32:1

Ézékia lé ébo nagɔɔnle yarapawelazan nya ’ko zo zuo, Asiri nwiinzan blɛn Sansérib da Juda tɛrɛ la. É fla plɛplɛnu mabɛn, wo sile we ma.

2 Minwiinmunu lé Wezuofe Sɛbɛ 32:2

Ézékia a ye aan wo léé, Sansérib da guli danle Jérusalɛm va we ma,

Néémi 11:32

Anatɔt koo, Nɔb koo, Aanania koo,

Ézai 1:8

Siɔn munu vo bélé banwuliné zo é do dɔrɔféi; wo vo bélé sunbanwuliné zo zianféi; wo vo bélé fla lé wo diri a zi, a zo.

Ézai 10:24

Naa, Mizan, lai sunyanu lé Gakelebale léma: Anlé munuoo, anlé munu, ka lé ka nyanaan Siɔn, té ka kana Asirimi lee lo. É a ka blana vlewɔlɛ nya é wo; éé yili nwaan ka ma bélé Éjipiti munu a kɛlɛ ka lɛ fɛan zo, a zo.

Ézai 10:31

Madaménas munu kini ékema, Gébim munu a fwina.

Ézai 11:15

Wɛyi lé ke Éjipiti tɛrɛ bɛ do la, Gakelebale é dan a blan sina do béli lɛ; é dan é bɛ nwa lɛ yuu ta yé é fu fɛ plɛplɛ; é dan a yoro kɛlɛ lɛ sɔrafié, yé munu é dan a kini lɛ sawala nya ’wo gane ma.

Ézai 13:2

’Ka drapo nwa gɔlɛgɔ nwiin, ’ka siaa gulidandére nya Babilɔn nyanézannu lɛ. ’Ka tɔmase kɛlɛ wo lɛ ka bɛ nya yé ’wo da yaamitamunu lé flagɔrɔ ’léé.

Ézai 16:1

’Ka ’blanénu pa zia tɛrɛ nwiinzan lɛ. ’Ka wo si Séla, bwi gi, yé ’ka wo pa Siɔn munu lɛ zia gɔ nwiin.

Ézai 19:16

’Bɛ yi la, Éjipiti munu é dan kɛlɛ lɛ bélé lomu zo. Dé wa ye léé, lai sunyanu lé Gakelebale nwa ’wo ma yé wa ye we kɛlɛna, wo ma é dan nyɔɔn lɛ, yé kana é dan zén lɛ wo gi.

Ézai 2:2

Dé bléyi voéla bɔ, Gɔ lé Gakelebale lé kɔn ke a nwiin, Alé we é dan mini lɛ gɔblɛnnu ta, Yé a tɔ é dan mini lɛ gɔpanénu lɛ, Yé bɛnnu faa é dan yoro lɛ a vazia.

Ézai 29:2

Maa dan Ariɛl mabɛn lɛ. Wo dan wuvɔ lɛ yé wo dan dunnu lɛ, yé fla ’ko é dan kɛlɛ lɛ an lɛ bélé balebanna lé wa laama Ariɛl, a zo.

Ézai 37:22

Dére lé Gakelebale a fe a mawe nya, yee lé ke ’ko: Blɛn lé é ka tan gɔné dɔɔ lɛ lo, Siɔn lu, Éé serele boo i ma, éé we nanaan i ma, Jérusalɛm le Éé ’wuo nyɔɔn‐an i zuo.

Ézai 8:8

É dan go lɛ Juda tɛrɛ la, yé é dan ana mini lɛ fɔɔ yé é bɔ mi bɔrɔ ma. Yiba, Émanuɛl, é dan é bɛa soi lɛ yé é dan ilé tɛrɛ faa ta bua lɛ.

Jérémi 6:23

Wa dana sa valé toané din nya wo lee; wo gi a pɔnpɔn, wo nyanai ’ka zén‐é lo; wo dére éé wé bélé wɛyi gi gunule zo. Wa é vɔle wisoonu ta; wo ma a é ’lɛrɛle gulidanle we ma bélé mi do kpen zo ’kaa Siɔn munu ma.

Misé 1:9

Wo manɔn a tɔntɔn, ’bɛzama. Éé goo fɔɔ Juda tɛrɛ la; éé goo fɔɔ anlé munu lé flagɔrɔ ’léé, fɔɔ yé é bɔ Jérusalɛm.

Zakari 2:9

Ka ye, an bɛ nwa wo ma, yé munu lé ka ke é plale wo wuo turu, wo dan kɛlɛ lɛ kalé gulizarafɛnu nya. Yé ka dan a gi dɔɔ lɛ léé, lai sunyanu lé Gakelebale ɛ an pa zia.

1 Samuɛl 21:1

David go Nɔb Balebanzan Asimélɛk va, yé ’bɛ vlan buru a sina zia yé ’bɛ lé a lɛ léé: Mɛmalé i a i doo? Mɛmalé mi do kpen ’ka i va loo?

1 Samuɛl 21:2

David a zi pa Balebanzan Asimélɛk lɛ léé: Minwiinzan an béli dɔ yé é lé an lɛ léé, we lé ’é i pa zia a gi, é valé we lé ’é i béli dɔ a nya, té mi do kpen a dɔɔ lo. Naa, maa fe ’élé munu lɛ léé, ’wo kee wo nya.

1 Samuɛl 22:19

Yé Saul Balebanzannu lé fla Nɔb gyɛ gwɔun nya: gɔnénu koo, lomu koo, nénu koo, nyɔmazannu koo, dirinu koo, sokofalenu koo, ’blanu koo, wo wo faa gyɛ gwɔun nya.

1 Samuɛl 22:9

Édom mi Doɛg ana Saul wuomunu va é ziin, yé ’bɛ lé a lɛ léé: Maa Izai be ye dana Nɔb, Akitub be Asimélɛk va.