Ézai 10:22 - Kazambale lé Sebe Sauunu 1979

²² Izraɛloo, Izraɛl, dé ilé munu kɛlɛ kiɛre bélé wɛyi gɔɔn ma nyéné zo, a pɔné lé wo vo, wo saa ɛ dan da lɛ wo pa gi; é dan wo guru zana lɛ a gi kpɔ, yé bɛ lé we ma lé wo dan we tegele kɛlɛ lɛ kiɛre.

Ézai 10:22 ပူးပေါင်းရင်းမြစ်များ

Ézai 6:13

Dé munu vuzan vo‐oo, ’bɛnu kulu é dan ga lɛ é ziin. Naa, dé wo térébɛnt yili valé sɛnéyili vɔ yé wo pun ’é vo fɛan zo, a zo duo lé, munu ’ko, wo punla do é dan nɛɛ lɛ mi sauunnu nya.

Wegɔɔnle 20:8

É dan bɔra lɛ yé ’é go tɛrɛ faa la bɛnnu saanle we ma; Gɔg valé Magɔg tɛrɛlamunu lé, yé é wo zén ékeva gulidanle we gi; wo ’léé a bélé wɛyi gɔɔn ma nyéné zo.

Daniɛl 9:27

Minwiinzan ’ko é dan gipawe gligli do kɛlɛ lɛ mi kiɛre va flɛyi do wuo. Yé flɛyi ’ko méléna, é dan saraka bole valé blɛ kɛlɛle yi ga lɛ. Fɛsɛrɛzan é dan bozowenu kɛlɛ lɛ fɔɔ yé a sɛrɛle valé wean wa ma’lɛrɛ azé nya, yé é bɔ a ma.

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

Ézai 8:8

É dan go lɛ Juda tɛrɛ la, yé é dan ana mini lɛ fɔɔ yé é bɔ mi bɔrɔ ma. Yiba, Émanuɛl, é dan é bɛa soi lɛ yé é dan ilé tɛrɛ faa ta bua lɛ.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

1 Minwiinzannu 4:20

Juda valé Izraɛl munu a kiɛre é baba, wa bélé wɛyi gɔɔn ma nyéné zo. Woo fɛ blé, ’té woo fɛ minian, ’té wo gi éé nanaan.

Wepélisiananu 18:25

Mi tegele gyɛle mi nyané va, ’té mi tegele valé mi nyané lé we bɔ ékema, ’bɛ zo we kɛlɛle a é sile i ma baa boenwo. Mian éé tɛrɛlamunu faa lé we blé, é ’ka dan we tegele kɛlɛ lɛ loo?

Ézai 46:3

Jakɔb lé munu, ’ka tɔné dɔ an lɛ, ’Kaa Izraɛl lé mi pɔné lé ka vo, ’Té kalé we a an nwiin, é sia ka pélisiana, ’Té maa ka kɔné si, é sia ka yaabléyi va bɛ, ’Ka faa tɔné dɔ an lɛ.

Ézai 48:19

’Té i kulunu a bélé nyéné zo di, ’Té ilé nénu a bélé wɛyi gɔɔn ma nyéné zo; ’Té maa ’ka i tɔ fwian lo, ’té i tɔ ’ka nyaan an ’lɛ lo.

Ézai 60:22

Mi do é dan kɛlɛ lɛ mi wuru soru nya, Yé bɛn tɔɔtɔɔ é dan kɛlɛ lɛ bɛn plɛplɛ nya. Maa, Gakelebale, maa dan we ’ko kɛlɛ lɛ é kele wozé bléyi va.

Ézai 65:8

Gakelebale léma: Dé wo dɔrɔporo do ye, ’té a ’yi a a gi, wo léé: Té bé sɛrɛ lo, naa, mi drɔɔvofɛ lé. Yee duo yɛrama lé maa dan a kɛlɛ lɛ, an wuozannu sɔle an lɛ we ma, léé, maa ’ka dan wo faa kulu ga lɛ lo.

2 Minwiinzannu 19:31

Naa, wo sɛné é dan vo lɛ Jérusalɛm, sowegizannu é dan kɛlɛ lɛ Siɔn gɔ ma. Lai sunyanu lé Gakelebale lé we kɛlɛle é sɔbɛla nya ma lé we ’ko é dan kɛlɛ lɛ.

Ézai 37:31

Juda lé munu sɛ lé é dan si lɛ we gi bɛ, wo lé wo vo, wo suni é dan wɔra lɛ; é wo dan fan lɛ di.

Ézai 59:20

Mitabozan é dan da lɛ Siɔn lé we ma. Jakɔb lé munu lé wo bli nɔla wolé wenyané ma, é dan da lɛ wolé we ma; Gakelebale ɛ fe.

Jérémi 3:14

Gakelebale léma: ’Kaa nwamimazannu, ’ka da ka pa gi. Naa, maa a kazan nya. Maa dan mi do do si lɛ fla do do ta, yé an dan mi fié fié si lɛ ka nyanale gi do do yé maa da ka nya é ziin Siɔn.

Jérémi 44:28

Mi ’léé kiéné lé wo so gwɔun lee, wo dan si lɛ Éjipiti tɛrɛ la yé wo dan go lɛ Juda tɛrɛ la. Naa, Juda munu faa lé wo da nyana lɛ Éjipiti tɛrɛ la, dé an dére lɛ é dan sɔɔ lɛɛ? ɛɛ, dé wozé lɛ é dan sɔɔ lɛɛ? wo dan a ye lɛ.