Ézai 10:13 - Kazambale lé Sebe Sauunu 1979

¹³ Naa, é léé: An bɛ plɛplɛ nya lé an we kɛlɛ; anlé wedɔɔle nya lé maa a kɛlɛ, naa, maa a ’wuoatazan nya. Maa munu nyanana tɛrɛ fɔnɔ, yé maa wolé fɛwezannu si gla nya, maa minwiinzannu si wolé webleblinnu ta gla nya bélé nyanazan zo;

Ézai 10:13 ပူးပေါင်းရင်းမြစ်များ

2 Minwiinzannu 15:29

Izraɛl nwiinzan blɛn Pékas bléyi va, Asiri nwiinzan blɛn Tiglat‐Pilézɛɛ da, yé Ijɔn koo, Abɛl‐Bɛt‐Maaka koo, Janoas koo, Kédɛs koo, Asɔɔ koo, Galaad koo, Galilé koo, Néfitali lé tɛrɛ faa koo, é wo si, yé é go ana munu nya luu gi Asiri tɛrɛ la.

2 Minwiinzannu 16:8

Gɔɔlifu valé kyan lé ke Gakelebale lé kɔn gi koo, yee lé ke fɛwezannu va minwiinzan blɛn lé kɔn gi koo, Akaz a si yé é a pa Asiri nwiinzan blɛn lɛ zia ’bɛ blan nya.

2 Minwiinzannu 17:24

Babilɔn munu koo, Kuta munu koo, Ava munu koo, Amat munu koo, Séfaavaim munu koo, Asirinu nwiinzan da wo nya yé é wo nyana Samari lé flanu ta Izraɛlnu pa gi. Wo Samari tɛrɛ kɛlɛ ’wozé nya, yé wo nyana ana flanu ta.

2 Minwiinzannu 17:6

Ozé lɛɛ sɔraziɛnzan nya Asiri nwiinzan blɛn Samari si yé é go Izraɛl nya luu gi Asiri tɛrɛ la. É wo nyana Salaki valé Sabɔɔ yuu lé ke Gozan tɛrɛ la, a gɔ la, é valé Mɛdenu lé flanu ta.

2 Minwiinzannu 18:11

Asiri nwiinzan blɛn go Izraɛl nya luu gi Asiri tɛrɛ la, yé é wo nyana Salaki koo, Sabɔɔ yuu lé ke Gozan tɛrɛ la, a gɔ la koo, Mɛdenu lé flanu koo, wona;

2 Minwiinzannu 18:15

Gɔɔlifu lé ke Gakelebale lé kɔn gi valé yee lé ke fɛwezannu va minwiinzan blɛn lé kɔn gi, Ézékia a faa nɔ.

2 Minwiinzannu 18:32

fɔɔ yé é da yé é go ka nya, tɛrɛ lé ke bélé kalé tɛrɛ zo, ’té ’sa valé dɔrɔ ana kiɛre, ’té fɛblele valé dɔrɔféinu koo, ɔliviyilinu valé zɔrɔnyɔnɔ koo, wo ana kiɛre, a ta, yé ka vo é yuɛma yé ka ’ka gaan lo. Té ka tɔné dɔ Ézékia lɛ lo; naa, é bɔalɛ léé, é ka saan a fele nya léé, Gakelebale é dan kaa si lɛ we gi.

Minwiinzannu lé Wezuofe Sɛbɛ 5:26

Yé Izraɛl lé Bale Pul valé Tiglat‐Pilézɛɛ bli nwa, ’té ’bɛnu ke Asirimunu nwiinzan blɛnnu nya bɛ, yé Tiglat‐Pilézɛɛ go Rubɛnnu valé Gadnu valé Manasénu lɛgɔnɔ do nya luu gi; é go wo nya Salaki koo, Sabɔɔ koo, Aara koo, Gozan yuu koo, wona, yé woo nyanaan ’bɛna fɔɔ kyɔ yi ’ko nya.

Wegɔnévɔlenu 28:11

É dɔ fuablezan gi léé, ’é we dɔɔ; naa, nyanégyɛzan lé a ’wuo ke a ta, ’bɛ alé wedɔɔle gi daan.

Ézai 10:8

Naa, wo léé: Ko nwiinzan kiénénu, wo ’ka bélé minwiinzan blɛnnu zo loo? Kalno munu zé ’ka kɛlɛ lɛ bélé Kaakémis munu zé zo loo?

Ézai 5:21

Munu lé wa wedɔɔzannu nya wobo yuɛ gi, ’té é dɔ wo gi léé, ’wa ’wuoatazannu nya, wenaané ’é kɛlɛ wo lɛ ma.

Jérémi 46:8

Éjipiti lé. Éé goo é gi gyɛle nya bélé Nil yuu zo, Yé a ’yinu éé nanoan bélé ’yiyoro plɛplɛ zo. É léma: Maa dan nwa lɛ, maa dan tɛrɛ la sɔɔla lɛ. Maa dan alé flanu valé wo tamunu sɛrɛ lɛ.

Jérémi 48:14

É kɛlɛ kaa yé ka léé: Ko a sunyanu lé ke nyanazannu nya, ’Té wo ma ke é ’lɛrɛle gulidanle we ma, wo nyaa?

Ézékiɛl 25:3

Bé fe Amɔnnu lɛ léma: ’Ka tɔné dɔ Mizan Gakelebale dére lɛ. Mizan Gakelebale léma: Naa, anlé fɛna sauun lé wa sɔnné sɛrɛ koo, Izraɛl tɛrɛ lé wo ’wii a ta bɛ, ’bɛ koo, Juda munu lé wo ke gona luu gi, wo koo, i we nana wo ma, ’té i wé: Aa! Aa!

Ézékiɛl 26:2

Blami be, Tii munu we nana Jérusalɛm munu ma, ’té wo wé: Aa! Aa! Fla lé ke munu faa gona nya, wa ’wiioo, wa ’wii! Sin, wo dan ’wo yara nɔla lɛ ko vazia; kolé fla é dan fan lɛ fɛ zinnu nya, ’té Jérusalɛm a é ’bin nya.

Ézékiɛl 29:3

Bé fe wo lɛ léma: Mizan Gakelebale léma: Bii yuéi blɛn lé i yiaan ilé yuunu va yé i léé: Anlé yuu a anzé nya, maa ɛ a kɛlɛ, bii Éjipiti munu nwiinzan blɛn Faraɔn, ko kee i nya kyɔ.

Ézékiɛl 35:13

Kalé wefedérenu nya lé ka nwa an ma; ka dérenu fe an ma kiɛre, maa a ’ma.

Daniɛl 4:27

Bɛwemalé, minwiinzan blɛn, anlé we plale i lɛ ’é sɔ i lɛ ma. ’I daan ilé wenyané kɛlɛle ma; ’i we tegele kɛlɛ. ’Ilé weplenu vo yé i nyanai ’é zén nyanaizénlazannu ta; dé bé kɛlɛ a zo, i dan vo lɛ zin yena.

Daniɛl 4:30

minwiinzan blɛn we fe yé é léé: Babilɔn blɛn lé maa a pa yé maa anlé fuakɔn dɔ ana anlé gla valé anlé plɛplɛ nya, anlé fua zevɔle we ma, yeean ke ’ko loo?

Amɔs 5:27

yé maa dan go lɛ ka faa nya luu gi Damas zi. A zo lé Gakelebale a fe; a tɔ lé lai sunyanu lé Bale.

Amɔs 6:13

Fɛ lé é ke fɛ pla nya, ’bɛ ma lé ka gi éé nanaan, yé ka léé, kobo lé plɛplɛ ma‐an ko ’lɛ dɔ loo?

Abaku 1:11

Woo fuu taa éé dɔa wo ta; woo tawoo ’wo ’lɛzia yé wobo kɛla wegyɛzannu nya. Wolé plɛplɛ ɛ ke ’wolé bale nya.

Abaku 1:16

Amalé éé saraka boo élé séli lɛ, yé éé lasikɔrɔ kyɛ blé élé duɛnu lɛ. Naa, wolé we ma lé éé fɛ nyɔnɔzan blé, ’té alé fɛ a néné.

Abaku 2:6

Munu faa ’ka dan alé we fe lɛ gi la loo? É ’ka dan kɛlɛ lɛ yérisiéamazan valé wegɔnévɔmazan nya loo? Wo dan a fe lɛ léé: Mi lé éé mi bɛ lé fɛ zun dɔa é va bɛ, we tɔntɔn ’é bɔ ’bɛzan ma ma. ’Bɛ é dan nyaa lɛ bléyi kyɛn vaa? Mi lé éé vɛɛn taa sié yé a gi vɛɛn bo é bɔ bɛ, we tɔntɔn ’é bɔ ’bɛzan ma ma.

Bélidɔwesɛbɛ Fiézan 8:17

Té ka fe ka bli gi léé, ’wolé plɛplɛ valé ’wo bɛ plɛplɛ ma lé ’wo fua ’ko ble lo.

Weblezannu 7:2

Gakelebale lé Jédéɔn lɛ léé: I vamunu a kiɛre anlé Madian pale wo lee ma; Izraɛl é dan an tɔ zin fele si lɛ a fele nya léé, ’é bɛ ɛ ’é si we gi.