Ézai 10:1 - Kazambale lé Sebe Sauunu 1979

^1-2 Munu lé woo bélidɔwe naané bɔraan koo, sɛbɛgyɛmunu lé wo ’ka weblesɛbɛ gya mi dére ta lo, ’té wo ’ka a nyi sié léé, wo nyanégyɛzannu lé we ble lo, ’té woo anlé munu va wenaanébɔmazannu lé se sié wo lee, ’té woo we kɛlɛ zanagalalomu lɛ bélé wo blewi lé, ’té woo fɛ sié ti valé bugalazannu lee bélé gulizarafɛ sile zo. Wenaané ’é kɛlɛ wo lɛ ma.

Ézai 10:1 ပူးပေါင်းရင်းမြစ်များ

1 Minwiinzannu 21:13

mi naané fié da yé wo dɔ a yara yé wo we fe munu lɛ Nabɔt ma ’ko zo léé: Nabɔt bale pa Bale valé minwiinzan blɛn ma. A zuo, wo goan flagini ma yé wo gɔlɛ vuli a va yé é ga.

Lɛrɛvɔ Sɛbɛ 58:2

Ka volé é tadɔle nya lé ka we tegele kɛlaa? Blaminu, dé ka we blé ’bɛ zo, é a tegelee?

Fwile 23:3

Té i dɔ nyanégyɛzan zuo é pla alé weblena lo.

Fwile 23:6

Dé wa nyanégyɛzan lé we blena, té i izé fe we tegele gi sɛrɛle we ma lo.

Ézai 29:21

Munu lé woo we dɔa mi bɛnu nwiin weblena, ’té woo diaan dɔmizuozannu zi flagɔrɔ ’léé, ’té woo weanwiinlozannu lé se sié wo lee dabli nya, woo lé.

Ézai 3:11

Mi nyanénu gale nyɔ; wolé we ’ka dan vɔ lɛ a ma lo, naa, wo dan ’wo panyanama ma ban ye lɛ.

Ézai 3:14

Gakelebale a weblena élé munu va mi segelenu valé wo nwiinzannu va; é léé: Ka dɔrɔféi ble. Fɛnu lé ka si nyanégyɛzannu lee gla nya, wa kalé kɔnnu gi nuu.

Ézai 5:11

Munu lé woo vlanburuwo nwɛ zuo bladi tutu, ’té woo voo nwɛ tanna é béli, we tɔntɔn ’é bɔ wo ma.

Ézai 5:18

Munu lé woo weple ganaan ’wo zuo bélé diri lé, ’té woo wenyané ganaan ’wo zuo bélé wisoo lé éé goro ganaan é zuo, a zo, wenaané ’é kɛlɛ wo lɛ ma;

Ézai 5:23

Munu lé woo wegyɛzan lé we kɛla néné, blɛ lé we ma, ’té woo weanwiinlozannu lé se sié wo lee, wenaané ’é kɛlɛ wo lɛ ma.

Ézai 5:8

Munu lé woo voo kɔn dɔna saawo, ’té woo féinu lɔa fɔɔ yé mi nyanana ’ka kɛla é dɛrɛ lo, yé woo nyanaan wo saa tɛrɛ méléna, we tɔntɔn ’é bɔ wo ma ma.

Ézai 59:13

Ko kɛlɛ wegyɛzannu valé yuɛgiblanzannu nya Gakelebale va; ko sɔn vɔ kolé Bale ma; ko kɛlɛ glakɛlɛzannu valé nwamimazannu nya; viéwe péli sia ko bli gi, ’té ko a bɔrɔan ko bɔn‐in.

Ézai 59:4

Ka do kpen ’ka mi tɔ fé tegele lo. Ka do kpen ’ka we sié ka nwiin we drɔle nya lo. Ka paan boawenu ta, ’té ka we fé vié nya. Ka wenaané bɔn sié yé ka né yaa wenyané blɛn nya.

Jérémi 22:13

Mian é ’ka élé kɔn dɔa we tegele nya lo, Yé éé kɔnmi zinu paan weple kɛlɛle nya, ’Té é ’ka élé nyanamapazan banwo lo, ’Té é ka a gooli paan lo,

Amɔs 2:7

É sɔ wo lɛ léé, ’wo nyanaizénlazan ye tɛrɛ nya é nwiin, yé wo wenaané bɔmazannu lé se si wo lee. Gɔnézan valé é be éé goo le do kpen va, an tɔ ’lɛzan sɛrɛle we ma.

Misé 6:16

Ka a Omri kɛlɛwe kɛlɛna, yé ka a we kɛlɛna Akab lé munu kɛlɛwe yɛrama, yé ka tawoo wolé wepladére yɛrama; amalé maa dan ka pa lɛ fɛsɛrɛzannu lee; maa dan bii fla tamunu kɛlɛ lɛ yérisiémazannu nya, yé yaragyɛwe lé anlé munu a kɛlɛ, é dan bɔ lɛ wo ma.

Abaku 2:12

Mi lé éé fla paan mi nyɛ zanale nya, ’té éé fla yuɛ vɔa weple nya bɛ, we tɔntɔn ’é bɔ ’bɛzan ma ma.

Abaku 2:15

Mi lé éé dɔrɔ no é bɔluzan lɛ, bii lé i dɔrɔ tɔa mi gyɛle dɔrɔ nya we ma, léé, ’é a porole ye, we tɔntɔn ’é bɔ i ma ma.

Abaku 2:19

Mi lé é a fé yili lɛ léé: ’I nwa, ’té éé a fé bobogyɛ gɔlɛ lɛ léé, ’i vuo bɛ, we tɔntɔn ’é kɛlɛ ’bɛzan lɛ ma. É dan we paa lɛ mi gii? Bé ye, a nyɔɔ a é gyɛle kyan valé gɔɔlifu nya, naa, léli lé é fɛ vo é yuɛma, ’bɛ ’ka a gi lo.

Abaku 2:6

Munu faa ’ka dan alé we fe lɛ gi la loo? É ’ka dan kɛlɛ lɛ yérisiéamazan valé wegɔnévɔmazan nya loo? Wo dan a fe lɛ léé: Mi lé éé mi bɛ lé fɛ zun dɔa é va bɛ, we tɔntɔn ’é bɔ ’bɛzan ma ma. ’Bɛ é dan nyaa lɛ bléyi kyɛn vaa? Mi lé éé vɛɛn taa sié yé a gi vɛɛn bo é bɔ bɛ, we tɔntɔn ’é bɔ ’bɛzan ma ma.

Abaku 2:9

Mi lé éé weple ma fɛnu tééan ébo zé nya, léé, é nyanana ’é kɛlɛ loru abo sile wenaané lee we ma bɛ, we tɔntɔn ’é bɔ ’bɛzan ma ma.

Matio 11:21

Korazɛn munu, ka gale nyɔ. Bɛtsaida munu, ka gale nyɔ. Gyɛzorowenu lé maa a kɛlɛ ka méléna, dé é vo léé, maa a kɛlɛ Tii valé Sidɔn, ’té ana munu ’wo bli nɔla namɔn é kwakwa, bɔlɔ valé kyɛyee zénle nya ’wo ta.

Matio 23:23

Sɛbɛgifemunu valé Farizimunu, bodrɔzannu, ka gale nyɔ. Zian va blaanu mant koo, anɛt koo, kumɛn koo, ka wo vuzan no, yé we lé é ke blɛn é mini wo ta bélidɔwe gi, ka ’bɛ voo ka bɛ zuo; we tegele kɛlɛle koo, nyanai zénle koo, yarapale we ta koo, woo lé ka wo voo ka bɛ zuo. É a lé ka ’bɛnu é kɛlɛ, yé té ka a vininzannu vo ka bɛ zuo lo.

Matio 23:27

Sɛbɛgifemunu valé Farizimunu, bodrɔzannu, ka gale nyɔ. Ka a bélé mi vunnu lé wo tɔrɛ fu gié wo ma, a zo. Wo ma a é nɔnɔmi yé wo gi a é fanle migale wɔlɛnu valé fɛ naané gɔnɔ faa nya.

Matio 23:29

Sɛbɛgifemunu valé Farizimunu, bodrɔzannu, ka gale nyɔ. Ka fɛ dɔa balelayezannu vun ta yé ka mi tegelenu vun guru ma nyɔɔ gya,

Matio 26:24

Maa blami Be a gona fɛan zo lé wo anlé we gyɛ sɛbɛ gi, a zo. Mi lé é maa blami Be pa munu lee, a gale nyɔ. A fila vɔ kɔɔn léé, té wa yaa boenwo lo.

WENÉNÉ LÉ LUK A GYE (Évangile selon Luc) 11:52

Bélidɔwedɔɔmunu, ka gale nyɔ. Ka wedɔɔle lé lakléwɔlɛ sia; yé kabozen ka ’ka wɔrana ana lo, yé munu lé wa a va léé, ’wo wɔra ana, ka ’ka a nyi sina wo lɛ lo.

WENÉNÉ LE JAN A GYE (Évangile selon Jean) 19:6

Balebanmunu segelenu valé sunyanu a ye aan wo, wo siaa léé: ’Ka a gyɛ yiliblan ta! ’Ka a gyɛ yiliblan ta! Pilat lé wo lɛ léé: ’Ka a sia kaboan yé ’ka a gyɛ yiliblan ta, naa, maa ’ka wenyané ye lɛ a ma lo.

WENÉNÉ LE JAN A GYE (Évangile selon Jean) 9:22

A yaamunu a kanana Juifinu lee, amalé wo we ’ko fe. Juifinu ’wo gi pa kɔɔn do léé, dé miomian é a nyi si léé, Jézu a Krist nya, wo dan ’bɛzan bɔra lɛ bazorokɔn gi.

SEBE LÉ JUD A GYE (Épitre de Jude) 1:11

We tɔntɔn ’é bɔ wo ma ma. Wo tawo Kain lé zi ta; wo zén Balaam lé misaanwe zuo tɔnɔ yele we ma yé wo nwa mi ma bélé Koré zo, amalé wo guru zana a gi.