Ézai 1:9 - Kazambale lé Sebe Sauunu 1979

⁹ Dé lai sunyanu lé Gakelebale ’ka kɔɔn ko tɔɔtɔɔ pɔné vo lɛ lo, ’té ko kɛlɛ bélé Sɔdɔm zo, ’té ko valé Gɔmɔɔ bɔ ékema.

Ézai 1:9 ပူးပေါင်းရင်းမြစ်များ

Wepélisiananu 18:26

Yé Gakelebale léé: Dé maa mi tegele yɔ fié wɔlɛ vu ye Sɔdɔm, maa dan flamunu faa ma we vo lɛ wolé we ma.

Wepélisiananu 18:32

Abraam léé: Té Mizan bli é fli lo ma, yé maa ’ka dan we bɛ laa lɛ a lee é dɛrɛ lo. Dé mi tegele vu ɛ ke ana nii? Yé Gakelebale léé: ’Bɛ mi tegele vu lé we ma, maa ’ka dan fla ’wii lɛ pelo.

Wepélisiananu 19:24

Yé Gakelebale povun valé kyɛ zana Sɔdɔm valé Gɔmɔɔ ta bélé lɛɛ zo. Gakelebale bozen va lé we ’ko si.

1 Minwiinzannu 19:18

Naa, maa munu baa yaa wuru soru tadɔ Izraɛl, munu faa lé wo ’ka ’wo powuo zun lɛ Baal lɛ lo, ’té wo lɔlu ’ka pwɛpwɛ vɔ lɛ a ma lo, wo nya.

2 Minwiinzannu 19:4

Dérenu lé Rabasaké a fe, ’té azan, Asirimunu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

Ézai 1:8

Siɔn munu vo bélé banwuliné zo é do dɔrɔféi; wo vo bélé sunbanwuliné zo zianféi; wo vo bélé fla lé wo diri a zi, a zo.

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 11:16

Alé munu pɔnénu lé wo vo yé wo so Asirinu lee, é dan zi pla lɛ wo lɛ bélé fɛan zo lé é zi pla Izraɛlnu lɛ wo fwiyi la Éjipiti tɛrɛ la, a zo.

Ézai 17:6

É dan vo lɛ bélé ɔliviyili gɔ ma zo, ’té wa yili nyɔɔn, ’té a poro fié valé yaa vo a nwiin yé a poro ziɛn valé soru vo a bɛnu ’léé, a zo. Gakelebale Izraɛl lé Bale ɛ fe.

Ézai 24:13

É dan kɛlɛ lɛ tɛrɛ ’ko la munu va bélé ɔliviyili lé wa nyɔɔn, a zo, bélé dɔrɔ lé wa poro so, a gɔ ma sole zo.

Ézai 24:6

Amalé bale pale wo ma é dan wolé tɛrɛ sɛrɛ lɛ, yé ana munu é dan ’wolé wenyané ma ban ye lɛ; bɛwemalé tɛrɛ é dan ana munu ble lɛ yé wo ’léé é dan vo lɛ kiéné.

Ézai 37:4

Dérenu lé Rabasaké a fe, ’té azan, Asiri munu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

Ézai 46:3

Jakɔb lé munu, ’ka tɔné dɔ an lɛ, ’Kaa Izraɛl lé mi pɔné lé ka vo, ’Té kalé we a an nwiin, é sia ka pélisiana, ’Té maa ka kɔné si, é sia ka yaabléyi va bɛ, ’Ka faa tɔné dɔ an lɛ.

Ézai 6:13

Dé munu vuzan vo‐oo, ’bɛnu kulu é dan ga lɛ é ziin. Naa, dé wo térébɛnt yili valé sɛnéyili vɔ yé wo pun ’é vo fɛan zo, a zo duo lé, munu ’ko, wo punla do é dan nɛɛ lɛ mi sauunnu nya.

Ézai 65:8

Gakelebale léma: Dé wo dɔrɔporo do ye, ’té a ’yi a a gi, wo léé: Té bé sɛrɛ lo, naa, mi drɔɔvofɛ lé. Yee duo yɛrama lé maa dan a kɛlɛ lɛ, an wuozannu sɔle an lɛ we ma, léé, maa ’ka dan wo faa kulu ga lɛ lo.

Jérémi 23:14

Naa, maa an tadanmawe ye Jérusalɛm lé balelayezannu va; Wa leginizannu nya; woo tawoo viéwole nya, Woo dɔa mi plenu zuo, Léé, té wo va mi do kpen é daan élé we lɛrɛlɛrɛ kɛlɛle ma lo. Wo faa a an yuɛ gi bélé Sɔdɔm munu zo; Yé munu lé woo nyanaan Jérusalɛm, wa bélé Gɔmɔɔ munu zo an yuɛ gi.

Jérémi 42:2

’I kolé dunuvɔmadére nyi si. Ko faa lé ko vo ’ko, ’i go kolé muun nya Gakelebale ilé Bale va. Sin, i ’ka ko yé loo? Ko a é vinin kiɛre, yé sin, ko ’léé vo sɛné.

Jérémi 50:20

Gakelebale léma: ’Bɛ yi ’konu la, ’bɛ bléyi ’ko va, wo dan Izraɛl lé weplenu gini lɛ, yé wo ’ka ana é dɛrɛ lo; wo dan Juda lé wenyanénu gini lɛ, yé wo ’ka dan wo ye lɛ é dɛrɛ lo; naa, munu lé maa wo vo ana, maa dan wo ma we vo lɛ.

Jérémi Lé Wuvɔ Sɛbɛ 3:22

Gakelebale lé zin ’ka nyaan lo, A nyanai zénle glɛ ’ka lo.

Jérémi Lé Wuvɔ Sɛbɛ 4:6

We lɛdɔle anlé munu gi a blɛn, É mini Sɔdɔm zé ta, É sɛrɛ tata bléyi do nya, ’Té mi do ’ka é bɛ mane lɛ a ma lo.

Ézékiɛl 14:22

duowo, mi kenu é dan so lɛ we lee, yé wo benu valé wo lunu é dan si lɛ Jérusalɛm. Wo dan da lɛ ka va; ka dan wolé tawobɛ valé wolé we kɛlɛbɛ ye lɛ, yé ka dan ka ke tɔrɔ paa lɛ, we tɔntɔn valé wenu faa lé maa wo bɔ Jérusalɛm ma, wolé we ma.

Ézékiɛl 6:8

Dé maa ka nwɛɛn bɛnnu méléna bléyian va, maa dan ka va mi kenu vo lɛ, yé wo dan so lɛ gwɔun lee.

Joɛl 2:32

Yé ’bɛ bléyi va, dé miomian Gakelebale tɔ laa, é dan si lɛ we gi. Yé sile we gi é dan kɛlɛ lɛ Siɔn gɔ nwiin valé Jérusalɛm, Gakelebale a fe fɛan zo, a zo. Yé munu lé Gakelebale wo si a va, wo dan kɛlɛ lɛ siéwegimunu va.

Amɔs 4:11

Maa ka zana a gi, Sɔdɔm valé Gɔmɔɔ zé kɛlɛ fɛan zo, a zo; maa ka kɛlɛ bélé kyɛpéli lé wa si kyɛ va gla nya, a zo. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Abaku 3:2

Gakelebale, we lé bé fe, maa ’ma, yé kana blɛn zén an gi. Gakelebaleoo, Gakelebale, ’i kɛlɛwenu lɛ sɔɔ lɛɛnu faa gi, ’Bé nagɔɔn lɛɛnu faa gi; Naa, dé i bli a flina, i nyanai zénle sele ’é dɔ i gi ma.

Sofoni 2:9

Lai sunyanu lé Gakelebale, Izraɛl lé Bale léma: Maa a é yuɛma. Moab é dan kɛlɛ lɛ bélé Sɔdɔm zo, yé Amɔn é dan kɛlɛ lɛ bélé Gɔmɔɔ zo. Lélinu é dan tuu lɛ wona, yé wo dan vo lɛ wɛtɛrɛ valé nyéné saa nya yifaama. Anlé munu pɔnénu é dan ’wii lɛ wo ta, yé anlé bɛngɔnɔ pɔnénu é dan wo si lɛ ’wozé nya.

Matio 7:14

Naa, zi lé éé goo mi bélina, a ’léé a kiéné yé a laala a prɔɔné yé mi kiɛre ’ka a yé lo.

Rom munu 9:27

Ézai é ziin, é siaa Izraɛl lé we ma, léé: Dé Izraɛl benu ’léé kɛlɛ wɛyi ma nyéné zo, A ’léé kiéné ɛ dan si lɛ we gi.

Rom munu 9:29

Yé fɛan zo lé Ézai a fe é kyɛn, é kɛlɛ a zo. É léé: Dé Sunyanuzan ’Ka ko kulu sɛné vo lɛ ana lo, ’Té ko kɛlɛ bélé Sɔdɔm zo, ’Té ko valé Gɔmɔɔ munu a é bɔle ékema.

Bélidɔwesɛbɛ Fiézan 29:23

tɛrɛ ’ko lé é ke wɛtɛrɛ valé poovun tɛrɛ valé kyɛbletɛrɛ tanale nya, ’té fɛwɔlɛ valé féifɛ ’ka ana lo, ’té lu ’ka bɔraan ana lo, bélé Sɔdɔm koo, Gɔmɔɔ koo, Adima koo, Séboim koo, woo lé Gakelebale wo sɛrɛ élé bliflile valé é wɛwɛ blɛn nya bɛ, wo zo, dé wo ’bɛ ye,

2 Piɛri 2:6

Bale sɛrɛle dɔ Sɔdɔm valé Gɔmɔɔ nwiin yé é wo kinin kyɛyee nya; é we ’ko kɛlɛ, léé, Bale lé zi ma wenyané fezannu lé wo dan bɔra lɛ bɛ, dé wo we ’ko ’ma, yé wo ’ka dan wozé kɛlɛ lɛ ’bɛ zo lo.

Wegɔɔnle 11:8

Wo dan wo galenu pla lɛ fla blɛn lé wo Sɔdɔm valé Éjipiti tɔ pa a ma, ana vuun la; fla ’ko ta lé munu Wozan gyɛ yiliblan ta.