Ézai 1:7 - Kazambale lé Sebe Sauunu 1979

⁷ Kalé tɛrɛ vo é pla yé kalé flanu kyɛ ble. Bɛnnu kalé féinu si ka lee ka yuɛ va; wo ’wii kalé fɛnu ta yé wo wo sɛrɛ bélé bwigimunu zo.

Ézai 1:7 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 28:5

Gakelebale alé Bale a pa Sirinu nwiinzan blɛn lee. Sirinu lé gulibɛ dia a ta yé wo mi kiɛre kɛlɛ luunu nya. Wo go wo nya Damas. É wo pa é ziin Izraɛl nwiinzan blɛn lee, yé ’bɛ wo kele tata.

Lɛrɛvɔ Sɛbɛ 107:34

Tɛrɛ lé éé fɛ dɔa di, éé a nɔlaan wɛtɛrɛ nya, Mi nyanénu lé woo nyanaan ana, wolé we ma.

Lɛrɛvɔ Sɛbɛ 107:39

Mi yaale wo ta koo, we tɔntɔn bɔle wo ma koo, nyané blele koo, Dé wo ’léé kɛlɛ kiéne yé ’bɛ wo tua,

Lɛrɛvɔ Sɛbɛ 109:11

Vɛɛnpazan alé fɛnu faa sia gla nya ma, Yé bɛn bɛnu alé nyanama tɔnɔ si kyeen nya ma.

Ézai 1:8

Siɔn munu vo bélé banwuliné zo é do dɔrɔféi; wo vo bélé sunbanwuliné zo zianféi; wo vo bélé fla lé wo diri a zi, a zo.

Ézai 3:8

Jérusalɛm guru zana a gi yé Juda tɛrɛ sɛrɛ; naa, wo péli vɔ Gakelebale ma wo dére valé wo kɛlɛwenu nya, yé alé fuasan ’ka kana zén‐é wo gi lo, azama.

Ézai 34:9

Édom tɛrɛ la yuunu é dan nɔla lɛ wele nya, yé ana vun é dan nɔla lɛ povun nya, yé alé tɛrɛ é dan kɛlɛ lɛ bélé wele lé a kyɛ ke blena, a zo.

Ézai 49:19

Ilé fɛnanu lé wo ’wii ana ta, ’té mi ’ka ana lao lo, Ilé tɛrɛ lé ke é sɛrɛle, É sia bléyi ’ko va, é dan kɛlɛ lɛ kiéné munu ma. Munu lé woo ’wiié i ta turu, wo dan si lɛ i ma baa.

Ézai 5:17

’Blanu é dan lu ble lɛ ana bélé wolé lublena zo, yé wolé fuafɛnu lé wo sɛrɛ bɛ, wo dan kɛlɛ lɛ bɛnnu zé nya.

Ézai 5:9

We lé lai sunyanu lé Gakelebale a gɔɔn an lɛ, yee lé ke ’ko: weboen lé, kɔn kiɛre ’konu é dan vo lɛ é koro nya; kɔn blɛn nɔnɔminu ’ko, wo gizan ’ka dan ye lɛ lo.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Ézai 60:15

Fɛana lé wo i za pa yé wo i vo, ’Té mi do ’ka bɔrɔwona i ta lo, ’Bɛna lé maa dan i kɛlɛ lɛ bélé mi’lɛrɛkyan zo lɛɛfaama; Ma dan i kɛlɛ lɛ mi ginanama fla nya mi kulu faa zé nya.

Ézai 62:8

Gakelebale é bɛyi valé é bɛ plɛplɛ ’nyɔɔn léé: Maa ’ka dan ilé ’sa nɔ lɛ i nyanézannu lé fɛblele nya é dɛrɛ lo, Ilé dɔrɔ lé ke ilé nyanama tɔnɔ nya, Bɛnnu ’ka dan a mini lɛ é dɛrɛ lo.

Ézai 64:10

Kolé kɔn sauun tɔbɔle lé ko tinu i tɔ ma gyɛ a gi, é kɛlɛ kyɛblefɛ nya; kolé fɛwezannu faa guru zana a gi.

Ézai 9:18

Lai sunyanu lé Gakelebale lé bliflile éé tɛrɛ ta kyɛ dɔa yé munu a bélé kyɛblefɛ zo; mi do kpen ’ka é bwe vo lo.

Ézai 9:5

Naa, wo né do yaa ko lɛ, Bale négɔné do nɔ ko lɛ, É dan pla lɛ munu nwiin, Wo dan a laa lɛ, lɛamazan, weplamilɛzan Bale plɛplɛ, Lɛɛfaama Ti, vole drɔɔ ’wuo.

Jérémi 2:15

Golizra boronénu éé wé wo ma, woo siaan wo ta, Woo ’wiié wolé tɛrɛ ta; Kyɛ wolé flanu ble, mi ’ka nyanaan wona é dɛrɛ lo.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 44:6

An bli fli yé an wɛwɛ nwa yé wo Juda flanu valé Jérusalɛm kyɛ ble, yé wo kɛlɛ é ’bin valé bwi nya, ka a ye kyɔ fɛan zo, a zo.

Jérémi 6:8

Yé bii Jérusalɛm, ’i wepladérenu nyi si, dé maa da si i ma baa yé maa i kɛlɛ é ’bin nya, tɛrɛ lé mi ’ka ana lo, a nya.

Jérémi 7:34

Ginana siaalenu koo, ginanale baba lé siaale koo, ledɛrɛsizannu valé bodɛrɛsizannu lé lɛrɛ vɔle koo, maa dan wo yi ga lɛ Juda tɛrɛ la valé Jérusalɛm zinu ta; naa, ana fla é dan kɛlɛ lɛ bwi saa nya.

Jérémi Lé Wuvɔ Sɛbɛ 5:2

Ko zara kɛlɛ bɛnnu zé nya, Kolé kɔnnu kɛlɛ munu lé, ko ’ka wo dɔɔa lo, wozé nya.

Ézékiɛl 25:4

Amalé maa bii tɛrɛ ’ko no yirinwanazia munu lɛ. Wo dan ’wolé gɔrɔ bo lɛ i méléna yé wo dan ’wolé kɔnnu dɔ lɛ ana. Wo dan kalé yiliporonu ble lɛ; wo dan kalé dirinyɔyi mini lɛ.

Ézékiɛl 30:12

Maa dan wolé yuunu béli lɛ; maa dan tɛrɛ ’ko pa lɛ mi nyanénu lee; maa dan ’wii lɛ tɛrɛ ’ko valé étafɛnu ta bɛnnu bɛ nya. Maa Gakelebale, maa ɛ fe.

OZÉ (Osée) 7:9

Bɛnnu alé plɛplɛ nyaa a va, yé é ’ka a gi dɔɔa lo. É kwa gyɛ yé é ’ka a gi dɔɔa lo.

OZÉ (Osée) 8:7

Wo fu vɔ, amalé wo dan fɛsɛrɛfu ’lɛ plɛplɛ gyɛ lɛ; ’sanɛnɛ do kpen ’ka dan kɛlɛ lɛ wo lɛ lo; yee lé a gɔn bɔ, a pun ’ka dan kɛlɛ lɛ lo; dé a pun kɛlɛ kɔɔn, bɛnnu é dan a ble lɛ.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

Lévinu 26:34

Bléyian va lé tɛrɛ ke é sɛrɛle, ’té ka a ka nyanézannu lé tɛrɛ la bɛ, ’bɛ bléyi va lé kalé tɛrɛ é dan élé flinyinu kɛlɛ lɛ; tɛrɛ é dan vo lɛ drɔɔ yé é dan élé flinyinu kɛlɛ lɛ.

Misé 5:11

Maa dan yokɛlɛle yi ga lɛ ka lee, yé yokɛlɛzan ’ka dan kɛlɛ lɛ ka va é dɛrɛ lo.

Misé 6:13

Bɛwemalé maa dan ka bla lɛ kleblele nya, maa dan ’wii lɛ ka ta kalé wenyanénu lé we ma.

Bélidɔwesɛbɛ Fiézan 28:33

Bɛn lé ka ’ka wo dɔɔa lo, wo dan kalé féifɛnu ble lɛ yé wo dan ka panyanama faa mafɛ ble lɛ, yé wo dan yaa lɛ ka ta yé wo dan ka zɔn lɛ yifaama.

Bélidɔwesɛbɛ Fiézan 28:43

Bɛn bɛ gi mi lé ke ka va, wo plale ka nwiin gi é dan gyɛ lɛ yifaama, yé ka plale wo wuo gi é dan gyɛ lɛ yifaama;

Bélidɔwesɛbɛ Fiézan 29:23

tɛrɛ ’ko lé é ke wɛtɛrɛ valé poovun tɛrɛ valé kyɛbletɛrɛ tanale nya, ’té fɛwɔlɛ valé féifɛ ’ka ana lo, ’té lu ’ka bɔraan ana lo, bélé Sɔdɔm koo, Gɔmɔɔ koo, Adima koo, Séboim koo, woo lé Gakelebale wo sɛrɛ élé bliflile valé é wɛwɛ blɛn nya bɛ, wo zo, dé wo ’bɛ ye,