Ézai 1:4 - Kazambale lé Sebe Sauunu 1979

⁴ Wenyanékɛlɛ bɛn, wo gale nyɔ; wa é fanle weplenu nya, wa bɛn nyané nya, wa né sɛrɛlenu nya. Wo sɔn vɔ maa, Gakelebale ma, wo nyé yéli maa, Izraɛl lé Mi Sauun ma. Wo si an ma baa.

Ézai 1:4 ပူးပေါင်းရင်းမြစ်များ

Wepélisiananu 13:13

Sɔdɔm munu a nyané, yé woo wenyané blɛnblɛn kɛla Gakelebale ma.

2 Minwiinzannu 21:22

é Gakelebale, a tranu lé Bale vo, yé é ’ka tawo lɛ Gakelebale lé zi ta lo.

2 Minwiinmunu lé Wezuofe Sɛbɛ 12:1

Roboam plale mi nwiin dɔ gligli yé é plɛplɛ ye aan wo, yé é sɔn vɔ Gakelebale lé bélidɔwe ma, yee valé Izraɛlnu faa nya.

2 Minwiinmunu lé Wezuofe Sɛbɛ 27:2

Wean é ke tegele Gakelebale yuɛ gi, é a kɛlɛ, a ti Ozias a kɛlɛ fɛan zo, a zo. Naa, é ’ka wɔra lɛ Gakelebale bangikɔn gi monomono lo. Naa, we do ana. Munu lé weple kɛlɛle gi gyɛ é ziin.

Néémi 1:7

Ko i ’namawe kɛlɛ, yé ko ’ka i sɔnné pa lɛ lo; bélidɔwenu valé dére lé bé fe i wuozan Moizi lɛ, ko ’ka wo ta tawo lɛ lo.

Lɛrɛvɔ Sɛbɛ 58:3

Gba, ka weple kɛla kabo yuɛ va. Kalé tɛrɛ la, woo mi gya we nya é gi.

Lɛrɛvɔ Sɛbɛ 71:22

Anlé Bale, maa dan i tɔ zin fe lɛ gitaa nya, maa dan i yara pale we la vɔ lɛ lɛrɛ nya. Izraɛl lé mi sauun, maa dan i tɔ nwa lɛ kɔnɔ gyɛle nya.

Lɛrɛvɔ Sɛbɛ 78:40

Dé wo nwa Bale ma nyéné saa lé fɛna gɔnɔ nɔɔ? Dé wo a ’léé gini bwi gi gɔnɔ nɔɔ?

Lɛrɛvɔ Sɛbɛ 78:41

Wo ’ka daan lɛ Bale gi danle ma lo, Wo ’ka daan lɛ zɛn vɔle ma Izraɛl lé Mi Sauun lɛ lo.

Lɛrɛvɔ Sɛbɛ 78:57

Wo si Bale ma baa, wa bélé ’wo tranu zo, yé wo ’ka kɛlɛ lɛ yarapawelazannu nya lo, Wo nɔla bélé sawɔlɛ lé é zi buu, a zo.

Lɛrɛvɔ Sɛbɛ 78:8

Léé, té wo kɛlɛ bɛn lé woo mi lɛgaan a ma, yé wo tɔné gi ke plɛplɛ bélé wo tinu zé zo, wo nya lo, Bɛn lé wo bli ta ’ka é dɔle plɛplɛ lo, Yé wo léli fuu ’ka é ta Bale lé we gi lo, té wo kɛlɛ ’bɛ nya lo.

Lɛrɛvɔ Sɛbɛ 89:18

Naa, bii ɛ ke wolé plɛplɛ tɔbɔfɛ nya, Ilé zin ɛ kolé plɛplɛ nwaan.

Fwile 32:7

Gakelebale lé Moizi lɛ léé: ’I go, ’i zun; naa, ilé munu lé i wo fwi Éjipiti tɛrɛ la, wobo gyɛ sɛrɛ a gi.

Ézai 1:23

Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Ézai 1:28

Naa, nwamimazannu valé wenyanékɛlɛmunu, wo faa é dan sɛrɛ lɛ tata, yé munu lé wo sɔn vɔ Gakelebale ma, wo dan zamaga wo lɛ.

Ézai 10:6

Maa wo pa zia bɛn nyané va, munu lé an bli ke flina wo ma, maa wo nwunvɔ ’bɛnu va, léé, ’wo ’wii ’bɛnu ta yé ’wo gulizarafɛ si, yé wo ’bɛnu zɔn ’wo gane nya bélé voli zo zia.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 14:20

Naa, i ilé tɛrɛ sɛrɛ, yé ilé we ma lé ilé munu zamaga wo, amalé ka valé wonu pavun ’ka do lo; wo ’ka dan bɛn nyané tɔ fe lɛ é dɛrɛ monomono lo.

Ézai 29:19

Wenaanébɔmazannu gi nanale lɛ é dan si lɛ Gakelebale lé we ma, yé Izraɛl lé Mi Sauun é dan kɛlɛ lɛ nyanégyɛzannu lé ginanamazan nya.

Ézai 3:8

Jérusalɛm guru zana a gi yé Juda tɛrɛ sɛrɛ; naa, wo péli vɔ Gakelebale ma wo dére valé wo kɛlɛwenu nya, yé alé fuasan ’ka kana zén‐é wo gi lo, azama.

Ézai 30:1

Gakelebale léé: Nwamima nénu lé woo we kɛla ’wobo ’wuoi, ’té wo ’ka a laan an lee lo, yé woo gi paan munu nya do, ’té ’bɛ ’ka anlé blibɔmawe nya lo, ’té woo wenyané taa paan wenyané nya, we tɔntɔn ’é kɛlɛ wo lɛ ma.

Ézai 30:15

Naa, Mizan, Gakelebale, Izraɛl lé Mi Sauun léma: Dé ka nɔla an va yé ka flin an va, é dan kɛlɛ lɛ ka sile we gi nya; vole drɔɔ valé ka pale an ta, é dan kɛlɛ lɛ kalé plɛplɛ nya. Naa, ’bɛ ’ka sɔ lɛ ka lɛ lo.

Ézai 30:9

Naa, munu ’ko lé we ma a plɛplɛ yé wa viéwozannu nya; wa munu lé wo ’ka a nyi sié léé, ’wo tɔné dɔ Gakelebale lé bélidɔwe lɛ lo, wo nya.

Ézai 31:2

Dɔlé ’té yee ɛ we dɔɔ, éé wenaané bɔa mi ma, yé é ’ka é dére sié é pa gi lo. Éé nwaan mi naanénu ma yé éé nwaan é ziin miplenu lé wo ke bɔna wo va, wo ma.

Ézai 37:23

Mi kyɛn lé bé sɔnɔ yé i bɔrɔ yéli a maa? Mi kyɛn ta lé i siaan? I yuɛ fuoan plɛplɛ Izraɛl lé Mi Sauun ma.

Ézai 41:14

Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Ézai 41:16

I dan wo fɛɛ lɛ yé fu é dan go lɛ wo nya, Yé barikoko é dan wo fwila lɛ. Naa, bii, i gi é dan nana lɛ Gakelebale gi; I dan ibo tɔ bɔ lɛ Izraɛl lé Mi Sauun gi.

Ézai 41:20

Munu lé a naginile we gi, ’té woo bɔn‐in daan a ma, ’Té wa yé, yé wa gi dɔɔ léé, Gakelebale bɛ ɛ we ’konu kɛlɛ, We ’konu si Izraɛl lé Mi Sauun va.

Ézai 5:19

yé wo léé: Bale, ’ibo tunu, ’ilé we kɛlɛ é kele, ko ye; Izraɛl lé Bale sauun lé bélidɔwe ’é da yé ’é lɛ sɔɔ yé ko a gi dɔɔ.

Ézai 5:24

Bɛwemalé, kyɛnɛnɛ éé ’sapɛɛ blé fɛan zo yé kyɛ éé lugale blé fɛan zo, a zo lé wo suni é dan vɔn lɛ yé wo vwi é dan san lɛ bélé vungoi zo; naa, wo serele bo lai sunyanu lé Gakelebale lé bélidɔwe ma yé wo nyé yéli Izraɛl lé Bale sauun dére ma, azama.

Ézai 57:17

An bli fli wo ma yé maa wo bla wo bli blɛn lé we ma; an wɛwɛ lé we ma lé maa yɔɔ wo lee, yé bɔrɔvɔɔzan go élé blibɔmazi ta.

Ézai 58:2

Yifaama woo an naginian. É sɔ wo lɛ léé, wo an kɛlɛwenu dɔɔ. Woo we fé an lɛ bélé bɛn lé woo we tegele kɛla, ’té wo ’ka sɔn vɔa wolé Bale lé bélidɔwe ma lo, wo zo, yé wo léé, ’maa we gi bɔi é bɔina. É sɔ wo lɛ léé, ’wo bié ’wolé Bale ma.

Ézai 65:11

Naa, ka lé ka sɔn vɔ Gakelebale ma, ’té ka gi éé saan anlé gɔ sauun ma, ’té ka fɛblele no miyili Gad lɛ yé ka nwɛ no miyili Méni lɛ,

Ézai 65:3

An ’namawe lé ke léé, woo saraka boo zianféinu ta, woo lasikɔrɔpo kyɛ blé brikinu ta, woo wo nyanana kɛla mipana nya, ’té woo tu kinié suruwi blele nya gɔmagurunu gi, ’té wolé fɛble kananu gi tiri a, ’té wo ’ka daan a ma lo, wo nya. Naa, an bɛ soian wo lɛ yifaama.

Ézai 9:17

Naa, wenyané kɛlɛle éé mi blé bélé kyɛ lé éé danan valé léliyilinu blé, a zo; éé kyɛ vɔa pɔrɔwɔlɛ ’léé, ’té a goi éé nwaan zuuu.

Jérémi 15:6

Gakelebale léé: I sɔn vɔ an ma, yé i go i zuo zia, Naa, maa an bɛ soi i ma, yé maa i kulu ga; An wɔlɛ gi nyaa an ma, nyanai zénle i ta we ma.

Jérémi 2:13

Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Jérémi 2:17

Bléyian va lé Gakelebale kalé Bale a gona ka nya zi zima ta, Ka sɔn vɔ a ma, amalé we ’ko bɔ ka ma. Azoan é ke loo?

Jérémi 2:19

Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jérémi 2:31

Bléyi ’ko va munu, ’ka bɔn‐in bɔrɔ Gakelebale dére ma. Maa kɛlɛ bélé nyéné saa lé fɛna zo Izraɛlnu lɛɛ? Maa kɛlɛ bélé tɛrɛ lé gunuti tiritiri ke é sɔɔlale a ta, a zoo? Mɛmalé anlé munu a fena léé: Ko a kobo ma, ko ’ka a va léé, ko nɔla i va é ziin loo?

Jérémi 2:33

Ka gɔné ginian ka zua fɛan zo bɛ, amalé ka we paan gɔnégini lomu gi.

Jérémi 2:5

Gakelebale léma: Ka tranu mɛ weple ɛ ye an gi Yé wo si an ma baa Yé wo go boafɛnu zuo yé wobozen kɛlɛ boamunu nyaa?

Jérémi 32:32

Izraɛl munu valé Juda munu koo, wo nwiinzan blɛn koo, wozannu koo, wolé Balebanmunu valé wolé balelayemunu koo, Juda munu valé Jérusalɛm munu koo, wenyanénu lé wa kɛlɛ an bliflile we gi, aléwemalé é sɔ an lɛ léé, maa a si an yuɛ gi.

Jérémi 50:29

’Ka savulizannu faa laa, léé, ’wo nwa Babilɔn ma, wo lé wo savulile dɔɔ, wo lé. ’Ka diri a zi, té mi do é so a ta lo. ’Ka a lɛgi pa a kɛlɛwenu yɛrama. ’Ka kɛlɛ a lɛ fɛan zo lé é a kɛlɛ, a zo ’té. Naa, é nwa boblɛn nya Gakelebale ma, Izraɛl lé Mi Sauun ma,

Jérémi 51:5

Naa, Juda munu valé Izraɛl munu lé Bale, lai sunyanu lé Gakelebale, é ’ka sɔn vɔ lɛ wo ma lo, yé Kaldé tɛrɛ la a é fanle weple nya Izraɛl lé Mi Sauun ma.

Jérémi 7:19

Gakelebale léé: Maa lɛ lé ka ke a kɛlɛnaa? Kabo lɛ kaan loo? Kabo lé yaragyɛwe kaan loo?

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Ézékiɛl 14:5

yé Izraɛl munu faa lé wolé bli bɔle miyilinu ma wo si an ma baa bɛ, maa dan we lɛdɔ lɛ wo gi.

Ézékiɛl 16:33

Woo gɔnéginilomu faa banwoo, naa, bii, i blɛfɛnu nɔ i bwɛnu faa lɛ. Dé gɔnénu si fɛfaana, i wo ma tɔrɔ paan blɛfɛ nɔle nya wo lɛ.

Ézékiɛl 16:45

I a i bu lu lé é sɔn vɔ é zana valé élé nénu ma, a nya. I burunu lé wo sɔn vɔ ’wo zananu valé wolé nénu ma, i a wo zuané nya. Ka bu a Éti le nya, yé ka ti a Amoré mi nya.

Daniɛl 9:11

Izraɛlnu faa ilé bélidɔwe sɛrɛ yé wo ’ka i dére ’ma lɛ lo. Amalé balepalenu valé bale ’nyɔɔnlenu lé wo ke é gyɛle Bale wuozan Moizi lé bélidɔwe gi, wo wo kun. Naa, ko wenyané kɛlɛ Bale ma, azama.

Sofoni 1:6

wo lé wo yara si Gakelebale la koo, wo lé wo ’ka maa Gakelebale naginian lo, ’té wo ’ka we laan an lee lo bɛ, maa dan wo faa kulu ga lɛ.

Mi Nɔnɔle 32:14

Yé ka ye, ka dɔ ka tranu pa gi wenyanékɛlɛzannu nya, yé ka dan Gakelebale bli flile Izraɛlnu ma taa pa lɛ.

Matio 11:28

Ka faa lé, ka wɔlɛ gi ke é nyaale ka ma, yé kɔné blɛn ke ka nwiin bɛ, ’ka da an va, yé maa flinle nɔ ka lɛ.

Matio 23:33

Ménénu, ménénwunnu bɛn, ka kɛla kaa yé ka ’ka dan kle ble lɛ jéɛna kyɛ va loo?

Matio 3:7

Juifinu palu do ana, woo wo laama Farizimunu. Wo dɔ bélidɔwe gi plɛplɛ. Juifinu palu do ana é ziin, wo ’bɛnu laama Sadusémunu. Naa, Farizimunu valé Sadusémunu kiɛre da Jan lé mi batizéwona nagini lɛ. É wo ye aan wo, é lé wo lɛ léé: ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ?

Rom munu 8:7

Naa, mi dɔbɛ kyɛn lé gibɔrɔle éé mi kɛla Kazambale nyanézan nya; mi dɔbɛ kyɛn ’ka dɔa Kazambale lé bélidɔwe la lo yé é ’ka bɔalɛ pelo, azama.

1 Korent munu 10:22

Kaa a a va léé, kaa Mizan lé maawole nwaa? Kaa plɛplɛ mini a lɛɛ?

Bélidɔwesɛbɛ Fiézan 29:25

Yé wo dan a zi pa lɛ wo lɛ léé: Gipawe lé Gakelebale wo tranu lé Bale a kɛlɛ wo va, bléyian va lé é wo si Éjipiti tɛrɛ la, wo sɔn vɔ a ma, ’bɛlé we ma.

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.

Bélidɔwesɛbɛ Fiézan 32:19

Gakelebale a ye, yé a bli fli, Yé é wɛwɛ dɔ é benu valé é lunu ma.

Bélidɔwesɛbɛ Fiézan 32:5

Dé alé nénu wobo sɛrɛ, a pai kaan lo; Alé nénu bozen lé yaragyɛwe lé, Viébɛn lé; bɛn sɛrɛle lé.

Kolɔs munu 1:24

Kle lé maa a blena kalé we ma, éé an gi nanaan. Krist kɔlɛ lé ke léglizigimunu nya, a ma kleblele lé wo vo, maa a a lɛ sɔɔna an kɔlɛ nya.

Wegɔɔnle 18:5

Naa, alé wenyané gi gyɛ fɔɔ yé é bɔ la gi, yé alé weplenu sele dɔ Kazambale gi.

Weblezannu 10:10

Izraɛl lé nénu siaa Gakelebale lɛ, yé wo léé: Ko wenyané kɛlɛ i ma; ko kozé Bale vo yé ko Baalnu bɔ.