Ézai 1:31 - Kazambale lé Sebe Sauunu 1979

³¹ Mi plɛplɛ é dan kɛlɛ lɛ bélé ’sapɛɛ zo, yé alé nyanama é dan kɛlɛ lɛ bélé kyɛ flɛnné zo. Wo fiénu kyɛ é dan ble lɛ ékeva yé a dirizan ’ka dan kɛlɛ lɛ ana lo.

Ézai 1:31 ပူးပေါင်းရင်းမြစ်များ

Ézai 66:24

Yé dé wo bɔra, munu lé wo nwa an ma, wo dan wo galenu ye lɛ; naa, wo ziri ’ka gaan pelo, yé wo kyɛ ’ka dan diri lɛ pelo, yé wo dan kɛlɛ lɛ mi faa tadanmafɛ nya.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Ézékiɛl 32:21

Nyanazan plɛplɛnu é dan we fe lɛ a lɛ gamunu nyanana, yee valé munu lé wo ke a bɔavazannu nya, wo nya. Wo ganedɔlomunu gyɛ gwɔun nya, yé wo go gamunu nyanana yé wo yia.

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Matio 3:10

Wo zaa dɔ kɔɔn yili suni ma é kwakwa; bɛwemalé yili faa lé wo ’ka ’wo poro zima baan lo, woo wo bɔié yé woo wo vulian kyɛ va.

Ézai 50:11

Ka faa lé ka kyɛ bi, ’Té sonakyɛ a ka lee, ’Ka tawo kalé kyɛnɛnɛ valé kalé sonakyɛ san va, An dan we bɔ lɛ ka ma, Ka dan yia lɛ kleblele nya.

Ézai 43:17

’Té é gulidangoronu valé wisoonu pa zia guli danna, Gulidan nyanazannu plɛplɛ palu, ’Té wo faa dia ékeva, ’té wo ’ka nwaan é dɛrɛ lo, ’Té wo nyaa bélé kyɛbɔ bale éé nyaan fɛan zo, a zo, Yee Gakelebale léma:

Ézai 33:14

Kana zén wenyanékɛlɛzannu gi Siɔn; Bale lé zi ma wenyanéfezannu ma a nyɔɔnna; ko va mi kyɛn ɛ bɔalɛ léé, é vo kyɛ lé é ke fɛ blena, a sɔnɔɔ? Ko va mi kyɛn ɛ bɔalɛ léé, é vo kyɛnɛnɛ lé é ’ka dirian lo, a sɔnɔɔ?

Ézai 27:4

’Bɛ ’ka ’nana an ma lo, naa, dé maa ka ye danan valé léliyilinu nya, maa dan guli dan lɛ ka va; maa dan nwa lɛ ka ma, yé maa dan ka faa kyɛ ble lɛ ékeva,

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 9:19

Woo fɛ siaan gla nya wo bɛyilazia, ’té lɔrɔ éé wo gya; woo fɛ blé wo bɛbolazia, ’té wo ’ka kaan lo. Wo faa do do ’wobo bɛ blé.

Ézai 5:24

Bɛwemalé, kyɛnɛnɛ éé ’sapɛɛ blé fɛan zo yé kyɛ éé lugale blé fɛan zo, a zo lé wo suni é dan vɔn lɛ yé wo vwi é dan san lɛ bélé vungoi zo; naa, wo serele bo lai sunyanu lé Gakelebale lé bélidɔwe ma yé wo nyé yéli Izraɛl lé Bale sauun dére ma, azama.

Weblezannu 15:14

Wo bɔ Lési aan wo, Filisitinu da a si lɛ zia siaale nya. Yé Gakelebale Léli a kun. Balenu lé ke a bɛ ma, wo kɛlɛ bélé wa kyɛ ble, a zo, yé wo si a bɛ ma yé wo dia.

Matio 3:12

Alé guli a a lee. É dan élé ’sa sunwo lɛ, yé é a fɛɛ, yé é dan élé ’sawɔlɛ zén lɛ ’sawɔlɛ tadɔna, naa, é dan ’sa pɛɛnu kyɛ ble lɛ, kyɛ lé é ’ka dirian monomono lo, a va.

Ézai 4:4

Mizan é dan Siɔn lomu lé weplenu si lɛ wo lee. Mi nyɛ lé wa zana Jérusalɛm Gakelebale é dan a sia lɛ we tegele kɛlɛle valé wo sɛrɛle nya.

Ézai 24:6

Amalé bale pale wo ma é dan wolé tɛrɛ sɛrɛ lɛ, yé ana munu é dan ’wolé wenyané ma ban ye lɛ; bɛwemalé tɛrɛ é dan ana munu ble lɛ yé wo ’léé é dan vo lɛ kiéné.

Ézai 33:11

Ka bɔn si lu nya yé ka dan né yaa lɛ lɔɔ nya; ka fulu a kyɛ lé é dan ka ble lɛ, a nya.

Ézai 66:17

Munu lé woo wobo kɛla tegele zianféinu ta balebanle we ma, ’té wa wo ke zuo é yɔrɔ nya, ’té suruwi koo, bozowi koo, ’moné koo, ’té woo wo blé, munu faa ’ko, wo dan zamaga wo lɛ. Gakelebale ɛ fe.

Jérémi 21:12

David kulunu, Gakelebale léma: ’Ka we tegele kɛlɛ bladi, yé ’ka munu si vanu lee, dé an bli é da fli bélé kyɛ zo, ’té éé blé, ’té mi do ’ka bɔa a dirile lɛ lo, ka kɛlɛwe naanénu lé we ma.