Ézai 1:23 - Kazambale lé Sebe Sauunu 1979

²³ Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Ézai 1:23 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:14

Balebanzannu nwiinzannu faa valé munu ’wolé bélidɔwe sɛrɛle gi gyɛ bɛngɔnɔnu faa lé bozowenu yɛrama, yé Gakelebale lé kɔn lé wa pa é yɛrama Jérusalɛm, wa sɔnnénu sɛrɛ.

Fwile 23:8

Té i blɛ si lo; naa, blɛfɛnu sile éé yuɛ fuozan yuɛ ’wiié, yé éé mi tegelenu dére sɛra.

Wegɔnévɔlenu 17:23

Minaané éé blɛfɛ sié kyeen gi, zi tegelenu sɛrɛle we gi.

Wegɔnévɔlenu 29:24

Mi lé yee valé kyeenwozan éé fɛ gulian, é a ébozen nyanézan nya; éé balepadére maan, yé é ’ka a fé lo.

Ézai 1:17

’Ka wezin kɛlɛle draan, ’ka kwa kuli léé, kalé we ’é kɛlɛ tegele. Munu lé wa kle pana wo ta, ’ka wo takuun; ’ka we tegele kɛlɛ ti valé bu galazannu lɛ, ’ka dɔ zanagalalomu zuo.

Ézai 1:18

Gakelebale léma: ’Ka da, kaa ana we fe. Dé kalé wenyané ka bli tié tiritiri bélé gla’yi zo‐oo, ka bli é dan kɛlɛ lɛ fu tata bélé glasépun zo; dé wo kɛlɛ sɔɔn bélé gulimagyan zo‐oo, ka bli é dan kɛlɛ lɛ fu tata bélé kununu lii zo.

Ézai 1:22

Kalé gɔɔli nɔla gɔɔlifu bo nya; kalé dɔrɔ a é vɔɔle ’yi nya.

Ézai 28:14

’Kaa lé ka ke é plale Jérusalɛm munu nwiin, mimawenanazannu, ’ka tɔné dɔ Gakelebale dére lɛ.

Ézai 3:14

Gakelebale a weblena élé munu va mi segelenu valé wo nwiinzannu va; é léé: Ka dɔrɔféi ble. Fɛnu lé ka si nyanégyɛzannu lee gla nya, wa kalé kɔnnu gi nuu.

Ézai 30:1

Gakelebale léé: Nwamima nénu lé woo we kɛla ’wobo ’wuoi, ’té wo ’ka a laan an lee lo, yé woo gi paan munu nya do, ’té ’bɛ ’ka anlé blibɔmawe nya lo, ’té woo wenyané taa paan wenyané nya, we tɔntɔn ’é kɛlɛ wo lɛ ma.

Ézai 33:15

Mian alé tawobɛ ke tegele yé éé we drɔle fé, ’té éé nyé yélié tɔnɔfɛ lé wa yé gla nya, a ma, ’té éé sɔn vɔa blɛfɛ sile ma, é bɛ puole nya, yé éé tɔné lɛ taan minyɛzanawe lé wa glewo, a ’male ma, ’té éé sɔ buaan é yara léé, té é wenaané na ye lo, ’bɛzan lé.

Ézai 5:23

Munu lé woo wegyɛzan lé we kɛla néné, blɛ lé we ma, ’té woo weanwiinlozannu lé se sié wo lee, wenaané ’é kɛlɛ wo lɛ ma.

Ézai 65:2

Nwamimazannu lé woo tawoo zi naané ta wobozen lé bɔn‐in bɔrɔle yɛrama, maa an bɛ soian yifaama wo lɛ.

Jérémi 22:17

Naa, i yuɛnu valé i bli, Woo i vɔa fɛyelɔrɔ gi, Wo i kɛlɛ weanwiinlomunu nyɛ zanazan nya; Wo i kɛlɛ va nya, wo i kɛlɛ glawe kɛlɛzan nya; yee saa ma lé i yuɛ valé i bli bɔ.

Jérémi 32:32

Izraɛl munu valé Juda munu koo, wo nwiinzan blɛn koo, wozannu koo, wolé Balebanmunu valé wolé balelayemunu koo, Juda munu valé Jérusalɛm munu koo, wenyanénu lé wa kɛlɛ an bliflile we gi, aléwemalé é sɔ an lɛ léé, maa a si an yuɛ gi.

Jérémi 4:17

Gakelebale léé: Wo diri Jérusalɛm zi bélé féitabinzannu zo. Jérusalɛm nwa an ma, azama.

Jérémi 5:5

Maa dan go lɛ mi segelenu va, yé ’bɛnu lɛ lé maa dan we fe lɛ; Naa, ’bɛnu ɛ Gakelebale lé zi dɔɔ, Yé ’bɛnu ’wolé Bale lé bélidɔwe dɔɔ. Naa, wo é ziin, wo ’wo bɔrɔ ma luubale kini Yé wo si an wuo;

Jérémi 5:6

Amalé pɔrɔ gi golizra éé wo gya, Bwila glau éé wo wi kinié ékema, Kua a wo mavɔɔna wolé flagɔrɔ ’léé, Munu faa lé woo sié fla, é dan wo wi kini lɛ ékema; Naa, wo bélidɔwe sɛrɛ di, Wo yuɛgiblanle gi gyɛ.

Ézékiɛl 12:2

Blami be, i a é nyanale tɔnégiplɛplɛzannu méléna; munu lé wo yuɛnu ke léé, wo yɛrɛ ye, yé wo ’ka yɛrɛ yé lo; ’té wo tɔnénu ke léé, wo we ’ma, yé wo ’ka we maan lo, woo lé. Naa, wa tɔnégiplɛplɛzannu nya.

Ézékiɛl 22:27

Alé mi segelenu a wo méléna bélé glaunu lé woo fɛ wi kinié ékema, wo zo. Woo mi nyɛ zanaan, woo mi boennu saan wolé fɛyelɔrɔ sile ’wo ma we ma.

OZÉ (Osée) 4:18

Wo nyaa nwɛ minile nya tɔɔn, wobo nɔ bɔrɔdɛ lomu lɛ. Wo nwiinzannu bli bɔ yaragyɛwe ma.

OZÉ (Osée) 5:10

Juda nwiinzannu a bélé glɛ kyeenwozannu zo. An bli é dan fli lɛ wo ma bélé ’yiyoro ’lɛ plɛplɛ zo.

OZÉ (Osée) 9:15

Wolé wenyané faa ta a é bɔrale Gilgal; ’bɛna lé wo sɛrɛ an gi. Wo kɛlɛwe an bli fli, amalé an dan so lɛ wo va anlé kɔn gi. Wo ’ka dan sɔ lɛ an lɛ é dɛrɛ lo; wo nwiinzannu faa a nwamimazannu nya.

Amɔs 5:12

Naa, maa gi dɔɔ léé, kalé wenyané blɛnnu a kiɛre, kalé wenyanénu gi gyɛ. Ka yaan mi tegelenu ta, ka blɛfɛ sié gla nya, yé ka nyanégyɛmunu lé se sié wo lee weblena.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Misé 3:9

Jakɔb lé munu nwiinzannu valé Izraɛl lé mi blɛnnu, ’ka tɔné dɔ we ’ko lɛ. We tegele éé ka ta daan ka ma, ’té ka we drɔle plin‐an.

Misé 6:12

Fla ’ko ta fuanu a é fanle glawe kɛlɛle nya, a tamunu éé vié woo, yé wo nɛnɛ a dabli nɛnɛnu nya wo ’léé.

Misé 7:3

Wo bɛla a kelekele wenaané kɛlɛle we ma; mi blɛnblɛnnu éé blɛfɛ laan gla nya, yé weblemunu éé we blé gɔɔli ma, yé mi blɛn élé bli blɛn nagɔɔn‐an. A zo lé wo ’wobo ma kwa kulian.

Zakari 7:10

Té ka yaa gyɛzarale valé ti valé bugalazan koo, bɛn valé nyanégyɛzan koo, wo ta lo. Té ka bɔn‐in bɔrɔ wenaané nya ka ke ma lo.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Mi Nɔnɔle 22:7

Moab lé mi segelenu valé Madian lé mi segelenu go, ’té blɛnu lé wo dan a kɛlɛ lɛ ’monédɔzan lɛ, ’té ’bɛ a wo lee. Wo bɔ Balaam va, yé wo Balak dére fe a lɛ.

Matio 21:13

Yé é lé wo lɛ léé: É a é gyɛle Kazambale lé sɛbɛ gi léé: Wo dan anlé kɔn laa lɛ bazorokɔn. Yé ka a kɛlɛ kyeenwozannu yɔɔkɔn nya.

Maak 11:17

Yé é we pla wo lɛ a fele nya léé: Wo ’ka a gyɛ lɛ Kazambale lé sɛbɛ gi léé, wo dan anlé kɔn laa lɛ bɛn faa lé bazorokɔn loo? Naa, ka a kɛlɛ kyeenwozannu yɔɔkɔn nya.

WENÉNÉ LÉ LUK A GYE (Évangile selon Luc) 19:46

É a é gyɛle sɛbɛ gi léé: Anlé kɔn é dan kɛlɛ lɛ bazorokɔn nya, naa, ka a kɛlɛ kyeenwozannu lé yɔɔkɔn nya.

WENÉNÉ LÉ LUK A GYE (Évangile selon Luc) 24:27

Yé é a pélisia Moizi valé balelayemunu lé sɛbɛnu faa gi yé ébo tawe gɔɔn wo lɛ sɛbɛnu faa gi.

Bélidɔwesɛbɛ Fiézan 16:19

Té ka we tegele bɛ gi plɛn lo; té ka dɔ mi zuo é leefɛ ma lo, té ka fɛ si munu lee weblele we gi lo, naa, éé wedɔɔmunu yuɛ ’wiié yé éé mi tegelenu dére sɛra.

SEBE LÉ JAK A GYE (Épitre de Jacques) 1:27

Mi lé éé bɔa ti valé bugalanénu koo, gyɛzaralomu koo, wo va, wolé nyanéblele gi, ’té é ’ka tɛrɛlamunu lé mitiridɔwe kɛla lo, kaa Ti Bale yuɛ gi, ’bɛzan a bazorozi tegele boen ta tawona.

1 Samuɛl 8:3

Samuɛl benu ’ka tawo lɛ wo ti gane pa gi lo; wo bli a blɛn, yé woo blɛfɛ sié yé wo ’ka we blé é boen ma lo.