Ézai 1:11 - Kazambale lé Sebe Sauunu 1979

¹¹ Gakelebale léma: Maa mɛ ɛ kɛla kalé saraka kiɛre nyaa? An kan kalé ’blagɔnénu lé wa kyɛ blé, é valé diriné nyɔnɔnu nya. Dirigɔnénu koo, ’blanu koo, boligɔnénu koo, wo nyɛ ’ka an gi nanaan lo.

Ézai 1:11 ပူးပေါင်းရင်းမြစ်များ

Lɛrɛvɔ Sɛbɛ 40:6

Gakelebale, anzé Bale, ilé we blɛnnu valé i gidanmawenu lé Woo wezin kɛla ko lɛ, i wo gi gyɛ. I zoɛ mi ’ka lo. É sɔ an lɛ léé, an ilé we ’konu faa zana dɔɔ yé maa a nwɛɛn fɛfaana, Naa, wo ’léé a kiɛre fɛan zo, an ’ka bɔa wo faa zuo fele lɛ lo.

Lɛrɛvɔ Sɛbɛ 50:8

Kalé sarakanu bole ma‐an an we pla ka lɛ yara tɔntɔn nya lo; Kalé balebanwi lé wa kyɛ blé, a gini a an gi yifaama.

Lɛrɛvɔ Sɛbɛ 51:16

Baleoo Bale, an Siéwegibale, ’i mi nyɛ si an bɛ ma, Yé maa dan i tɔ nwa lɛ ilé nyanai zénle ma.

Wegɔnévɔlenu 15:8

Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Wegɔnévɔlenu 21:27

Mi naané lé saraka a bélé bo zo; yé dé é a bo é gi bɔrɔle naané nya é bli gi nii?

Wegɔnévɔlenu 21:3

We tegele valé we drɔle kɛlɛle a é sɔe Gakelebale yuɛ gi é mini saraka bole ta.

Ézai 58:2

Yifaama woo an naginian. É sɔ wo lɛ léé, wo an kɛlɛwenu dɔɔ. Woo we fé an lɛ bélé bɛn lé woo we tegele kɛla, ’té wo ’ka sɔn vɔa wolé Bale lé bélidɔwe ma lo, wo zo, yé wo léé, ’maa we gi bɔi é bɔina. É sɔ wo lɛ léé, ’wo bié ’wolé Bale ma.

Ézai 66:3

Dé wa an banna diri nya, an ’bɛ yé bélé migyɛle zo; dé wa saraka bona an lɛ ’bla nya, an ’bɛ yé bélé blén bɔrɔ yélile zo; dé wa blɛfɛ nɔna an lɛ, an ’bɛ yé bélé suru nyɛ zanale zo; dé wa lasikɔrɔpo kyɛ blena an lɛ, an ’bɛ yé bélé miyili banle zo; wo faa bɛ, wo kɛlɛwe sɔ wo lɛ, yé wo gi éé nanaan ’wolé bozowe kɛlɛle ma.

Jérémi 6:20

Séba tɛrɛ la lasikɔrɔpo lé wa kyɛ blé koo, gyan ginzan lé éé sié tɛrɛ baa la koo, an mawe a wo gii? Winu lé ka wo kyɛ blé an lɛ, wo ’ka an gi nanaan lo, yé kalé sarakanu ’ka sɔ lɛ an lɛ pelo.

Jérémi 7:21

Lai sunyanu lé Gakelebale, Izraɛl lé Bale léma: ’Kalé balebanfɛnu taa pa balebanwinu lé wa kyɛ blé, wo nya, yé ’ka wo wi ble.

OZÉ (Osée) 6:6

An lɔrɔ pale sɔ an lɛ, naa, an banle ’ka sɔa an lɛ lo; dé mi an dɔɔ, ’bɛ sɔ an lɛ é mini an banwi lé wa kyɛ blé, a ta.

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

Amɔs 5:21

Maa kalé fɛtinu za paan, maa nyé yélié wo ma; ka zénle ékema ’ka sɔ lɛ an lɛ lo.

Amɔs 5:22

Dé ka an ban balebanwi lé wa kyɛ blé, ’bɛ valé blɛfɛ nyaoo, é ’ka sɔa an lɛ kiéné boenwo lo; diriné nyɔnɔzannu lé ka bɔvɔ saraka bo wo nya, wo ’ka an yuɛi bɔa lo.

Misé 6:7

Dé an go ’blagɔné wuru é wuru nya, Gakelebale é dan é ban‐ɛn ble lɛɛ? Dé an nyɔnɔ nɔ a lɛ bélé ’yiyorole kiɛre zo, é dan é ban‐ɛn ble lɛɛ? É a lé maa anlé né vinin nɔ bélidɔwenu lé maa wo sɛrɛ, a we maa? Maa dan an giné nɔ lɛ anlé wenyané ma ban nyaa?

Agajé 2:14

Yé Agajé we taa fe léma: Gakelebale léma: Munu ’ko a ’bɛ zo an yuɛ gi, bɛn ’ko a ’bɛ zo an yuɛ gi; wo panyanama faa a ’bɛ zo é ziin; blɛ lé wa kɛla an lɛ fɛkona bɛ, a tiri a.

Zakari 7:5

Bé fe ana munu faa valé Balebanmunu lɛ léma: Dé ka lɔrɔ sɔn yé ka wuvɔ moné soruzan valé moné sɔrafiézan nya, lɛɛ yɔ yaa wɔlɛ vu wuo, ka lɔrɔ sɔn maa ɛ lɛɛ?

Malasi 1:10

Ka va mi kyɛn ɛ dan anlé kɔn lɛ tan lɛ léé, té ka kyɛ bi an banna ta é pla loo? Lai sunyanu lé Gakelebale léé: Kalé we ’ka an gi do boen nanaan lo; fɛ lé ka an ban a nya, maa ’ka dan an ban‐ɛn ble lɛ lo.

Mi Nɔnɔle 7:45

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

Matio 22:4

É wuomunu bɛnu nwunvɔ é ziin yé é léé: ’Ka fe munu lé an wo laa, wo lɛ léé: Fɛnu ma’lɛrɛle nyaa; anlé dirigɔnénu valé wi nyɔnɔ?-?zannu, an wo gyɛ; fɛ faa ma’lɛrɛle nyaa, ’ka da lesile lé fɛti kɛlɛ.

Matio 9:13

’Ka go, yé ’ka gi bɔrɔ we ’ko ma, dé a gi lé nɔɔ? Nyanai zénle ɛ sɔa an lɛ, yé saraka bole ’ka sɔa an lɛ lo. An ’ka da lɛ mi tegelenu laa lɛ lo; an da wenyanékɛlɛmunu ɛ laa lɛ.

1 Samuɛl 15:22

Samuɛl léé: Balebanwe kyɛblele valé sarakanu bole éé sɔa Gakelebale lɛ bélé tawole Gakelebale dére ta zoo? Bé ye, lɛdɔmale fila vɔ é mini saraka bole ta, yé a dére ta tawole fila vɔ é mini ’blagɔné nyɔnɔ ta.