Ézai 1:10 - Kazambale lé Sebe Sauunu 1979

¹⁰ Sɔdɔm munu nwiinzannu, ’ka tɔné dɔ Gakelebale dére lɛ. Gɔmɔɔ munu, ’ka kolé Bale lé bélidɔwe ban ka tɔné nya.

Ézai 1:10 ပူးပေါင်းရင်းမြစ်များ

Wepélisiananu 13:13

Sɔdɔm munu a nyané, yé woo wenyané blɛnblɛn kɛla Gakelebale ma.

Ézai 28:14

’Kaa lé ka ke é plale Jérusalɛm munu nwiin, mimawenanazannu, ’ka tɔné dɔ Gakelebale dére lɛ.

Ézai 3:9

Wo yara dɔbɛ éé wo ma we fé, yé wo ’wolé wenyané zana dɔɔan bélé Sɔdɔm munu zo, yé wo ’ka a ta yɔɔan lo. Wa we tɔntɔnnu ma’lɛrɛna ’wobo lɛ, amalé wo gale nyɔ.

Ézai 30:9

Naa, munu ’ko lé we ma a plɛplɛ yé wa viéwozannu nya; wa munu lé wo ’ka a nyi sié léé, ’wo tɔné dɔ Gakelebale lé bélidɔwe lɛ lo, wo nya.

Ézai 33:22

Naa, Gakelebale a kolé weblezan nya; Gakelebale a kolé bélidɔwe nɔzan nya; Gakelebale a ko nwiinzan blɛn nya; yee ɛ ke ko siéwegizan nya.

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

Jérémi 23:14

Naa, maa an tadanmawe ye Jérusalɛm lé balelayezannu va; Wa leginizannu nya; woo tawoo viéwole nya, Woo dɔa mi plenu zuo, Léé, té wo va mi do kpen é daan élé we lɛrɛlɛrɛ kɛlɛle ma lo. Wo faa a an yuɛ gi bélé Sɔdɔm munu zo; Yé munu lé woo nyanaan Jérusalɛm, wa bélé Gɔmɔɔ munu zo an yuɛ gi.

Jérémi 9:26

Éjipiti munu koo, Juda munu koo, Édom munu koo, Amɔn munu koo, Moab munu koo, munu faa lé woo puoma gun ma gya koo, munu lé woo nyanaan nyéné saa lé fɛna koo, woo lé. Naa, bɛnnu faa ’ko, wo gane ’ka é dɔle lo, yé Izraɛl munu faa bli ’ka é sile ’wo kɛlɛwe kyɛnnu lɛ lo.

Ézékiɛl 13:2

Blami be, Izraɛl lé balelayezannu lé woo balelawe fé, ’i balelawe fe wo ma, yé munu lé woo balelawe fé ’wobo lé blibɔmawe yɛrama, bé fe wo lɛ léma: ’Ka tɔné dɔ Gakelebale dére lɛ.

Ézékiɛl 16:35

Amalé, gɔné gini le, ’i tɔné dɔ Gakelebale dére lɛ.

Ézékiɛl 16:46

I buru segele lé ke i bɛbola, yee lé ke Samari valé é lunu nya; yé i zuan lezan lé ke i bɛyila, Sɔdɔm valé é lunu lé.

Ézékiɛl 16:49

I buru Sɔdɔm lé weplenu lé ke ’ko: Boblɛn a a gi, ’té tɔnɔfɛ kiɛre a a lee, ’té é a éboma duaa, ’té gibɔrɔ do kpen ’ka a ma lo, yee valé é lunu nya, yé mi lé we tɔntɔn bɔ a ma, ’bɛ valé mi lé we do ’ka a lee lo, é ’ka bɔ lɛ wo va lo.

Amɔs 3:1

’Kaa Izraɛlnu, ’ka tɔné dɔ dére ’ko lé maa Gakelebale a fe ka ma, a lɛ; migɔnɔ faa lé maa wo si Éjipiti tɛrɛ la, wo ma we lé maa ke a fena.

Amɔs 3:8

Dé golizra we ’naan, kana ’ka vɔa de ɛ gi loo? Dé Mizan Gakelebale a wena ’naan, de ɛ ’ka kɔɔn balelawe fé loo?

Amɔs 9:7

Gakelebale léma: Izraɛl lé nénu, ka ’ka an lɛ bélé Étiopi munu zo loo? Maa ’ka Izraɛl si lɛ Éjipiti tɛrɛ la bélé fɛan zo lé maa Filisitinu si Kafitɔɔ yé maa Sirinu si Kii, a zo loo?

Misé 3:1

Maa léma: ’Kaa Jakɔb lé mununwiinzannu valé Izraɛl lé mi blɛnnu, ’ka tɔné dɔ. Ka‐an é a kɔɔn lé ka we tegele dɔɔ loo?

Rom munu 9:29

Yé fɛan zo lé Ézai a fe é kyɛn, é kɛlɛ a zo. É léé: Dé Sunyanuzan ’Ka ko kulu sɛné vo lɛ ana lo, ’Té ko kɛlɛ bélé Sɔdɔm zo, ’Té ko valé Gɔmɔɔ munu a é bɔle ékema.

Bélidɔwesɛbɛ Fiézan 32:32

Wolé dɔrɔyili lé wa suru, wa kulu si Sɔdɔm, Wa si Gɔmɔɔ féi; Wolé dɔrɔporo a laleporo nya, Wolé dɔrɔporo a é nyanale;

Wegɔɔnle 11:8

Wo dan wo galenu pla lɛ fla blɛn lé wo Sɔdɔm valé Éjipiti tɔ pa a ma, ana vuun la; fla ’ko ta lé munu Wozan gyɛ yiliblan ta.