Esitɛɛ 9:27 - Kazambale lé Sebe Sauunu 1979

²⁷ Juifinu dɔ a ta léé, wo yee yi fié ’ko lé we kɛla lɛɛ faa do do ma, a bléyi valé a kɛlɛbɛnu lé wa gyɛ sɛbɛ gi, wo yɛrama. Té a yi é ga monomono lo. Wo we ’ko gyɛ wobozen koo, wo kulunu koo, munu faa lé ’bɛnu zén wo va, ’bɛnu koo, wozé nya.

Esitɛɛ 9:27 ပူးပေါင်းရင်းမြစ်များ

Esitɛɛ 8:17

Tɛrɛ faa valé fla faa lé minwiinzan blɛn dére valé alé bélidɔwe bɔ wona, ginanale koo, ginanale blɛn koo, fɛti sɛné valé a blɛnnu koo, woo saa ɛ ke ana Juifinu zé nya. Juifinu lee kanale zén tɛrɛ ’ko la munu kiɛre gi, amalé wo wobozen kinin Juifinu nya.

Esitɛɛ 9:20

Maadosé we ’konu gyɛ sɛbɛ ta, yé é sɛbɛ ’konu pa zia Juifinu faa lé wo ke minwiinzan blɛn Asuérus lé bɛntɛrɛ faa ta bɛ, wo lɛ. Wo lé wo ke baa, é valé wo lé wo ke é pu bɛ, woo faa lé.

Esitɛɛ 9:21

É a gyɛ wo lɛ léé, ’wo fɛti kɛlɛ Adaa moné yi vu ta ziɛn valé yi vu ta soru nya lɛɛ faa do do ma.

Esitɛɛ 9:28

É a lé yi ’konu sele ’é dɔ wo gi, yé ’wo wolé we kɛlɛ wo kulu é kulunu va, wo gɔnɔ faa gi, bɛntɛrɛ faa do do valé fla do do ta. Yé é ’ka lé ’wo yee Purim yi ’konu yi ga Juifinu va lo. Yé té a sele é saan wo kulunu gi lo.

Lɛrɛvɔ Sɛbɛ 78:7

Léé, ’wo pa Bale ta, Léé, té wo gi é san Bale panyanamanu ma lo, Yé ’wo alé bélidɔwe sɔnnénu pa,

Ézai 2:3

Munu é dan go lɛ ana é bu nya é bu nya, yé wo dan a fe lɛ léé: ’Ka da, kaa go Gakelebale lé gɔ nwiin Jakɔb lé Bale lé kɔn ’léé, Yé é ’élé we paa kaa gi, Yé kaa tawo alé zinu ta. Naa, bélidɔwe é dan si lɛ Siɔn, Yé Gakelebale dére é dan si lɛ Jérusalɛm.

Ézai 56:3

Bɛn lé é yere Gakelebale ma, té azan a fe léé, Gakelebale é dan maa valé élé munu kini lɛ ékema, lo. Té miblale a fe léé: Bé ye, maa a yili gale nya, lo.

Ézai 56:6

Bɛnnu lé wo dan yere lɛ Gakelebale ma, a bɔle we ma, ’té Gakelebale tɔ sɔ wo lɛ, ’té woo kɛla a wuozannu nya, wo faa lé woo flinyi tawe kɛla, ’té wo ’ka a sɔnné sɛra lo, ’té woo dɔa anlé gipawe ta,

Ézékiɛl 16:61

Naa, dé i buru segelenu valé i zuan lomu da i va yé i wo bɛn si, ’bɛ bléyi va i kɛlɛwe sele é dan dɔ lɛ i gi, yé é dan i gyɛ lɛ yara nya. Maa dan wo nɔ lɛ i lɛ i lunu nya, naa, maa ’ka dan a kɛlɛ lɛ ilé gipawe ma lo.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Zakari 8:23

Lai sunyanu lé Gakelebale léma: ’Bɛ yinu nya, tɛrɛ faa la dére do do vɔ bɛnnu va mi vu é dan kun lɛ Juifi mi do lé sɔ lɔlu ma yé wo dan a fe lɛ a lɛ léé: Ko dan go lɛ i zuo, naa, ko ’ma léé, Bale a ka va.

Mi Nɔnɔle 15:15

Munu faa lé bélidɔwe ’é kɛlɛ do ma; ka koo, bɛnnu lé wo ke ka va koo, we ’ko ’é kɛlɛ bélidɔwe lé a glɛ ’ka lo, a nya, ka nénénu zé nya ma; ka valé bɛnnu lé we a do Gakelebale yuɛ gi.

Bélidɔwesɛbɛ Fiézan 5:3

Gakelebale ’ka gipawe ’ko kɛlɛ lɛ ko tranu va lo; ko faa lé ko ke é yuɛma kyɔ ’ko, ko va lé é a kɛlɛ.

Jozué 9:15

Jozué yee valé wonu vo drɔɔ yé wo gi pa do yé é wo vo é yuɛma. Izraɛlnu nwiinmunu bale ’nyɔɔn wo lɛ.

Weblezannu 11:40

É sia ’bɛ bléyi ’ko va é kɛlɛ Izraɛl gɔnɔlawe nya léé, lɛɛ faa do do gi yi ziɛn Izraɛl blɛnnu woo goo Galaadzan Jɛfeté lu lé fɛti kɛlɛ lɛ.

1 Samuɛl 30:25

Yé é kɛlɛ a zo ’bɛ yi nya, yé ’bɛ zuo é kɛlɛ a zo é ziin yé we ’ko kɛlɛ bélidɔwe valé gɔnɔlawe nya Izraɛlnu va fɔɔ kyɔ yi nya.