Esitɛɛ 9:22 - Kazambale lé Sebe Sauunu 1979

²² Yi ’konu nya lé wo vo wobo ma wobozen sile nya ’wo nyanézannu lee. Yé yee moné lé wolé bli kyɛdɔle nɔla ginanale nya yé di kinile wo gi nɔla wolé fɛti kɛlɛle nya bɛ, a sele ’é dɔ wo gi, yé wo yee yi ’konu kɛlɛ fɛti valé ginanayinu nya, ’té woo blɛ kɛla ’wo ke lɛ, yé munu lé we do ’ka wo lee lo, ’té woo fɛ no ’bɛnu lɛ ’bɛ yi nya.

Esitɛɛ 9:22 ပူးပေါင်းရင်းမြစ်များ

Esitɛɛ 9:19

Bɛwemalé Juifinu lé wo ke féi béi la, ’té gɔrɔ ’ka wolé flanu zi bɛ lo, woo fɛti kɛla, ’té woo fɛ blé, ’té wo gi éé nanaan, ’té woo fɛ no ’wo ke lɛ Adaa moné yi vu ta ziɛnzan nya.

Esitɛɛ 9:21

É a gyɛ wo lɛ léé, ’wo fɛti kɛlɛ Adaa moné yi vu ta ziɛn valé yi vu ta soru nya lɛɛ faa do do ma.

Esitɛɛ 9:23

We lé Juifinu a kɛlɛle péli sia lao kɔɔn bɛ, yé Maadosé yee we duo gyɛ wolé sɛbɛ gi bɛ, wo léé, wo dan a kɛlɛ lɛ.

Lɛrɛvɔ Sɛbɛ 103:2

An boen, ’i Gakelebale drɔɔ vo, Yé we zinnu lé é a kɛlɛ i lɛ, té i gi é san a do kpen ma lo.

Lɛrɛvɔ Sɛbɛ 149:7

We lɛgi pale bɛnnu ma we ma, We lɛdɔle migɔnɔnu gi we ma,

Lɛrɛvɔ Sɛbɛ 30:11

Gakelebale, ’i tɔné dɔ an lɛ; ’i nyanai zén an ta. Gakelebale, ’i bɔ an va.

Lɛrɛvɔ Sɛbɛ 30:12

’I anlé wuvɔlenu nɔla ginanale lé éé giéan é glɛ ta, a nya, ’I wuvɔ voli si an ta yé i ginanale nɔ an lɛ a pa gi,

Lɛrɛvɔ Sɛbɛ 37:15

Wolé gwɔun éé wɔraan wobozen zuru va, Yé wolé sanu éé yélié.

Ézai 14:3

Dé Gakelebale flinle nɔ ka lɛ ka wɔlɛi nyaale ka ma valé kalé kleblele zuo, kalé luu gi nyanéblele zuo,

Zakari 8:19

Moné ziɛnzan lé lɔrɔsɔnle koo, moné soruzan lé lɔrɔsɔnle koo, moné sɔrafiézan lé lɔrɔsɔnle koo, moné vuzan lé lɔrɔsɔnle koo, wo dan nɔla lɛ Juda munu lɛ ginanayinu valé gi drɔɔ fɛtikɛlɛyinu nya. Naa, webozen valé vole drɔɔ ’é sɔ ka lɛ ma.

Matio 5:4

Gikyɛdɔmunu a bɛan ’bɛ gi bɛ, ’bɛ a é zima wozé nya, naa, Bale é dan wo tɔrɔ paa lɛ.

WENÉNÉ LÉ LUK A GYE (Évangile selon Luc) 11:41

Fɛ lé é ke kana gi, ’ka blɛ kɛlɛ nyanégyɛmunu lɛ a nya yé fɛnu faa gi é dan bɔ lɛ ka lɛ.

Galasi munu 2:10

Wo we pla ko lɛ léé, nyanégyɛzannu sele ’é dɔ ko gi, yee lé maabozen a a va léé, maa a kɛlɛ.

Bélidɔwesɛbɛ Fiézan 15:7

Kalé tɛrɛ lé Gakelebale a nɔ ka lɛ bɛ, dé nyané ka bwe do gyɛ ana fla do la, té i bli dɔ a ma plɛplɛ lo; té i bɛ ma kɛlɛ plɛplɛ i bwe nyanégyɛzan lɛ lo.

Bélidɔwesɛbɛ Fiézan 16:14

Ka koo, ka benu valé ka lunu koo, ka wuogɔnénu valé ka wuolomu koo, Lévi mi koo, bɛn bɛ mi koo, ti valé bugalazannu valé zanagalalomu lé wo ke ka va koo, ka faa gi é dan nana lɛ fɛti ’ko yinu la.

Bélidɔwesɛbɛ Fiézan 16:15

Ka dan fɛti ’ko kɛlɛ lɛ yi sɔrafié, Gakelebale, kalé Bale bɔle we gi, fɛna do lé Gakelebale, kalé Bale é dan a si lɛ a va, ana; naa, Gakelebale, kalé Bale é dan kalé féinu faa valé kalé nyanama faa drɔɔ vo lɛ, yé ka dan kabo faa nɔ lɛ gi nanale lɛ.

Wegɔɔnle 11:10

Wolé we ma lé tɛrɛlamunu é dan zana gyɛ lɛ yé wo gi é dan nana lɛ; yé wo dan blannu pa lɛ ’wo ke lɛ zia; balelayezan fié ’ko, wo nyané pa tɛrɛlamunu ta, azama.

1 Samuɛl 25:8

Bé laa i wuozannu lee yé wo dan a fe lɛ i lɛ. Ko da ginanayi nya amalé pɛniɛnu ’ko, ’wo i yuɛi bɔ ma. Amalé, ilé zanté, fɛ lé ke i lee, bé nɔ i wuozannu valé i be David lɛ ma.