Esitɛɛ 9:20 - Kazambale lé Sebe Sauunu 1979

²⁰ Maadosé we ’konu gyɛ sɛbɛ ta, yé é sɛbɛ ’konu pa zia Juifinu faa lé wo ke minwiinzan blɛn Asuérus lé bɛntɛrɛ faa ta bɛ, wo lɛ. Wo lé wo ke baa, é valé wo lé wo ke é pu bɛ, woo faa lé.

Esitɛɛ 9:20 ပူးပေါင်းရင်းမြစ်များ

Minwiinzannu lé Wezuofe Sɛbɛ 16:12

A wuozan Abraam kulunu, ’Kaa, Jakɔb lé nénu lé é ka si a va, We blɛnblɛnnu lé é a kɛlɛ, wo sele ’é dɔ ka gi ma, Gyɛzorowenu valé weblelenu lé woo sié a ’léé, wo sele ’é dɔ ka gi ma.

Esitɛɛ 1:1

We ’ko bɔ Asuérus bléyi va. Asuérus pla tɛrɛ yɔ suiɛdo wɔlɛ sɔrafié nwiin, é sia Ende tɛrɛ ma fɔɔ yé é bɔ Étiopi tɛrɛ ma.

Esitɛɛ 1:22

É sɛbɛ pa élé bɛntɛrɛ gi munu faa lɛ zia, wo dére gi, wolé sɛbɛ gyɛbɛ yɛrama do do. É a é gyɛle sɛbɛnu gi léé, é a lé gɔnénu faa ’é kɛlɛ ’wolé kɔnzannu nya, yé dé wean sɔ wo lɛ, ’wa kɛlɛ.

Esitɛɛ 3:12

Minwiinzan blɛn ’élé sɛbɛgyɛmunu laa moné vininzan yi vu ta yaazan nya, yé wo sɛbɛnu gyɛ Aman dérenu yɛrama. Wa gyɛ minwiinzan blɛn lé minisinu koo, bɛntɛrɛnu lé é ke é plale wo nwiin, wo faa do do nwiinzannu koo, alé munu va mi blɛnnu koo, wo lɛ. É a gyɛ bɛntɛrɛ ’konu dére gi wolé sɛbɛ gyɛbɛ yɛrama do do. Wo sɛbɛ ’konu gyɛ minwiinzan blɛn Asuérus tɔ gi, yé wo wo ’léé béé, yé wo alé tɔmase dɔra wo ta a bɛmazéné nya.

Esitɛɛ 8:9

’Bɛ bléyi va, moné yaazan lé wa laama Sivan moné, a yi yɔ do wɔlɛ yaazan nya, wo minwiinzan blɛn lé sɛbɛgyɛmunu laa. We faa lé Maadosé wo fe bɛ, wo wo gyɛ sɛbɛnu ta. Wo wo gyɛ Juifinu koo, minisinu koo, gbɔrɔnamanu koo, bɛntɛrɛ yɔ suiɛdo wɔlɛ sɔrafié lé wo sia Ende tɛrɛ ma fɔɔ yé wo bɔ Étiopi tɛrɛ ma bɛ, wo nwiinzannu koo, wo lɛ. Wa gyɛ ’bɛ tɛrɛ ’konu faa dére gi wolé sɛbɛ gyɛbɛ yɛrama do do, yé wa gyɛ Juifinu dére gi wozé sɛbɛ gyɛbɛ yɛrama.

Esitɛɛ 9:19

Bɛwemalé Juifinu lé wo ke féi béi la, ’té gɔrɔ ’ka wolé flanu zi bɛ lo, woo fɛti kɛla, ’té woo fɛ blé, ’té wo gi éé nanaan, ’té woo fɛ no ’wo ke lɛ Adaa moné yi vu ta ziɛnzan nya.

Esitɛɛ 9:21

É a gyɛ wo lɛ léé, ’wo fɛti kɛlɛ Adaa moné yi vu ta ziɛn valé yi vu ta soru nya lɛɛ faa do do ma.

Esitɛɛ 9:26

Bɛwemalé wo yi konu tɔ pa Purim, ’bɛ gi léé, ’munnuzunyinu. Sɛbɛ ’konu giwe yɛrama, wenu lé wa ye woboan, é valé wenu lé é bɔ wo ma, wo yɛrama,

Esitɛɛ 9:27

Juifinu dɔ a ta léé, wo yee yi fié ’ko lé we kɛla lɛɛ faa do do ma, a bléyi valé a kɛlɛbɛnu lé wa gyɛ sɛbɛ gi, wo yɛrama. Té a yi é ga monomono lo. Wo we ’ko gyɛ wobozen koo, wo kulunu koo, munu faa lé ’bɛnu zén wo va, ’bɛnu koo, wozé nya.

Esitɛɛ 9:29

Abisail lu minwiin le Esitɛɛ valé Juifi mi Maadosé sɛbɛ gyɛ a gɔnɔ fiézan nya Purim lé sɛbɛ gi dére dɔle gligli we ma.

Fwile 17:14

Gakelebale lé Moizi lɛ léé: Bé gyɛ sɛbɛ gi, a sele dɔle mi gi we ma, yé bé fe Jozué lɛ léé, maa dan Amalɛk munu sele san lɛ mi faa gi lanu wuo.

Jérémi 29:1

Munu faa lé Nébukanɛsaa wo si Jérusalɛm yé é go wo nya luu gi Babilɔn, balelayezan Jérémi lɛtrɛ do gyɛ Jérusalɛm yé é a pa wo lɛ zia; mi segelenu koo, Balebanzannu koo, mi bɛnu koo, woo lé.