Esitɛɛ 8:5 - Kazambale lé Sebe Sauunu 1979

⁵ Yé é léé: Dé é sɔ minwiinzan blɛn lɛ, yé dé maa a yuɛ gi bɔ, yé dé we ’ko a minwiinzan blɛn yuɛ gi tegele, yé dé an sɔ a lɛ, sɛbɛnu lé Agaga mi Amédata be Aman a gyɛ bɛ, ’wo sɛbɛnu gyɛ, wo yigale we ma. Sɛbɛnu lé é wo gyɛ Juifinu lé wo ke minwiinzan blɛn lé tɛrɛ faa la, wo gyɛle zamaga nya we gi bɛ, woo lé.

Esitɛɛ 8:5 ပူးပေါင်းရင်းမြစ်များ

Esitɛɛ 2:17

Esitɛɛ sɔ minwiinzan blɛn lɛ yé é gié lomu bɛnu faa ta. Yé é kɛlɛ a yuɛ gi é zin, yé a bli kɛlɛ a ma é zin yé é mini blɛn bɛnu faa ta. É tɔkoro wo a ’wuo ma yé é a kɛlɛ minwiin le nya Vasiti pa gi.

Esitɛɛ 2:4

Yé wo va blɛn lé é dan sɔ lɛ minwiinzan blɛn lɛ, é dan kɛlɛ lɛ minwiin le nya Vasiti pa gi. We ’ko sɔ minwiinzan blɛn lɛ, yé é a kɛlɛ a zo.

Esitɛɛ 3:1

We ’ko giéle zuo minwiinzan blɛn Asuérus Agaga mi Amédata be Aman tɔ nwa blɛn. É we faa se kɛlɛ a lɛ, yé é a pla ’é bɛgimunu faa nwiin.

Esitɛɛ 5:8

Dé minwiinzan blɛn an ye mi zin nya, yé dé é sɔ minwiinzan blɛn lɛ léé, fɛ lé maa laa, é a nɔ yé é anlé blibɔmawe lɛ sɔɔ, é a lé minwiinzan blɛn valé Aman ’é da é ziin fɛti bɛ lé maa dan a kɛlɛ lɛ wo lɛ bɛ, ana; yé tɛlɛ maa dan we zi pa lɛ minwiinzan blɛn dére yɛrama.

Esitɛɛ 7:3

Minwiin le Esitɛɛ a zi pa léé: Oo minwiinzan blɛn, dé maa i yuɛgi bɔ, dé minwiinzan blɛn a ye é zima, ’é an vo é yuɛma ma. We lé maa a laa, yee lé ke bɛ; yé ’é anlé munu si we gi; we lé é sɔ an lɛ, yee lé ke bɛ.

Fwile 33:13

Sin, dé maa i yuɛi bɔ, ’i giébɛnu gɔɔn an lɛ; ’bɛna lé maa dan i dɔɔ lɛ, yé maa dan kɛlɛ lɛ mi zin nya i yuɛi. ’I gi bɔrɔ léé, bɛn ’ko a ilé munu nya.

Fwile 33:16

Dé maa valé ilé munu kɛlɛ mi zinnu nya i yuɛioo, dé ko ’ka kɛlɛ lɛ mi zinnu nya i yuɛi looo, dé i ’ka tawoo ko va lo, wo dan a gi dɔɔ lɛ kaa? Ilé tawole ko va lé we ma lé wo dan maa valé ilé munu dɔɔ lɛ tɛrɛlamunu faa méléna.

1 Samuɛl 20:29

É léé: Ilé zanté, ’i zi nɔ an lɛ. Wa ko gɔnɔla saraka bona fla yé an bwe we pa an lɛ zia, amalé dé maa i yuɛi bɔ, ’i zi nɔ an lɛ léé, ’an go an bwenu va é kele. Bɛwemalé é ’ka da lɛ minwiinzan lé tablé zi lo.