Esitɛɛ 8:17 - Kazambale lé Sebe Sauunu 1979

¹⁷ Tɛrɛ faa valé fla faa lé minwiinzan blɛn dére valé alé bélidɔwe bɔ wona, ginanale koo, ginanale blɛn koo, fɛti sɛné valé a blɛnnu koo, woo saa ɛ ke ana Juifinu zé nya. Juifinu lee kanale zén tɛrɛ ’ko la munu kiɛre gi, amalé wo wobozen kinin Juifinu nya.

Esitɛɛ 8:17 ပူးပေါင်းရင်းမြစ်များ

Wepélisiananu 35:5

A zuo wo go. Kazambale lé kanale zén flanu faa lé é ke wo zi, wo tamunu gi, yé wo ’ka Jakɔb benu zuo bin lɛ lo.

Néémi 8:10

Yé wo lé wo lɛ léé: ’Ka go, ’ka wi nyɔnɔzannu ble yé ’ka dɔrɔ néné mini; yé munu lé wo ’ka fɛ do kpen kɛlɛ lɛ ’wozé nya lo, ’ka wozé pa zia, naa, yi ’ko a Kozan lé yi nyané nya; té ka kle pa kabo ta lo, naa, Gakelebale lé ginanale ɛ ke kalé plɛplɛ nya.

Esitɛɛ 9:17

We ’konu bɔ Adaa moné yi vu ta yaazan nya. Juifinu flin a yi vu ta ziɛnzan nya. Yé wa kɛlɛ ginanayi valé fɛtikɛlɛyi nya.

Esitɛɛ 9:19

Bɛwemalé Juifinu lé wo ke féi béi la, ’té gɔrɔ ’ka wolé flanu zi bɛ lo, woo fɛti kɛla, ’té woo fɛ blé, ’té wo gi éé nanaan, ’té woo fɛ no ’wo ke lɛ Adaa moné yi vu ta ziɛnzan nya.

Esitɛɛ 9:2

Juifinu zén ékeva wolé flanu ta, minwiinzan blɛn Asuérus lé bɛntɛrɛ faa ta, munu lé ’bɛnu ke kɔɔn a va léé, ’wo wo gya bɛ, ’bɛnu gyɛle we ma. Yé mi do kpen ’ka bɔ lɛ dɔle lɛ wo ma lo. Naa, Juifinu lee kanale zén munu faa gi, azama.

Esitɛɛ 9:22

Yi ’konu nya lé wo vo wobo ma wobozen sile nya ’wo nyanézannu lee. Yé yee moné lé wolé bli kyɛdɔle nɔla ginanale nya yé di kinile wo gi nɔla wolé fɛti kɛlɛle nya bɛ, a sele ’é dɔ wo gi, yé wo yee yi ’konu kɛlɛ fɛti valé ginanayinu nya, ’té woo blɛ kɛla ’wo ke lɛ, yé munu lé we do ’ka wo lee lo, ’té woo fɛ no ’bɛnu lɛ ’bɛ yi nya.

Esitɛɛ 9:27

Juifinu dɔ a ta léé, wo yee yi fié ’ko lé we kɛla lɛɛ faa do do ma, a bléyi valé a kɛlɛbɛnu lé wa gyɛ sɛbɛ gi, wo yɛrama. Té a yi é ga monomono lo. Wo we ’ko gyɛ wobozen koo, wo kulunu koo, munu faa lé ’bɛnu zén wo va, ’bɛnu koo, wozé nya.

Esitɛɛ 9:3

Yé bɛntɛrɛ faa nwiinzannu koo, minisinu koo, gbɔrɔnamanu koo, minwiinzan blɛn lé kominu koo, wo bɔ Juifinu va; Maadosé lee kanale gligli zén wo gi, azama.

Lɛrɛvɔ Sɛbɛ 105:38

Éjipiti munu gi nana wo gole we ma, Naa, wo kana wo lee, azama.

Lɛrɛvɔ Sɛbɛ 18:43

An wo pun dɔa bélé vungoi lé fu éé goo a nya, a zo. An wo zɔn‐o bélé fla zinu ta voli zo.

Fwile 15:16

Kanale valé di kinile é dan bɔ lɛ wo ma fiaa; I bɛ lé plɛplɛ lé we ma lé Wo dan kinin lɛ bobogyɛzannu nya bélé gɔlɛ zo, Fɔɔ yé ilé munu é gié, oo, Gakelebale, Fɔɔ yé ilé munu lé i wo ye izé nya, Yé wo gié.

Bélidɔwesɛbɛ Fiézan 11:25

Mi do kpen bɛ ’ka dan mini lɛ ka lɛ lo. Tɛrɛ faa lé ka dan tawo lɛ wo ta, Gakelebale é dan ka kana zén lɛ ana munu gi, yé é dan di kini lɛ wo gi kalé we ma, é a fe ka lɛ fɛan zo, a zo.

Bélidɔwesɛbɛ Fiézan 2:25

É léé, a péli ’é sia ’bɛ yi la bɛ, é dan ko lee kana zén lɛ tɛrɛlamunu faa gi, yé di é dan kini lɛ wo gi; dé wo ko tɔ blɛn ’ma, wo ma é dan nyɔɔn lɛ yé nyɛ é dan zén lɛ wo gi kolé we ma. A zo lé Gakelebale a fe an lɛ.

Jozué 2:11

Ko a ’ma, yé ko fuu si ko ta, yé ko ta kɛlɛ drɔɔdrɔɔ kalé we ma; naa, Gakelebale kazé Bale ɛ ke Bale nya la gi loru valé tɛrɛ la.

Jozué 2:9

yé é lé wo lɛ léé: Maa gi dɔɔ léé, Gakelebale tɛrɛ ’ko nɔ ka lɛ; ka ko gi nyɛ blɛn kini yé gligli zén kolé tɛrɛlamunu faa gi kalé we ma.

1 Samuɛl 25:8

Bé laa i wuozannu lee yé wo dan a fe lɛ i lɛ. Ko da ginanayi nya amalé pɛniɛnu ’ko, ’wo i yuɛi bɔ ma. Amalé, ilé zanté, fɛ lé ke i lee, bé nɔ i wuozannu valé i be David lɛ ma.