Esitɛɛ 8:14 - Kazambale lé Sebe Sauunu 1979

¹⁴ Vlanburuzannu vɔ minwiinzan blɛn lé wisoonu ta yé wo go é nya do é kelekele minwiinzan blɛn dére ta. Wo bélidɔwe ’ko zana dɔɔ é ziin fla blɛn Suz ta.

Esitɛɛ 8:14 ပူးပေါင်းရင်းမြစ်များ

1 Minwiinzannu 4:28

Woo dan sɔnmlén valé lu nya é ziin, kɔnésiwisoonu valé vɔtawisoonu zé nya fɛana lé minwiinzan ke, ana; woo dan a nya, wo wo béli dɔ fɛan zo do do, a zo.

2 Minwiinmunu lé Wezuofe Sɛbɛ 30:6

Nwunvɔzannu go minwiinzan blɛn valé alé mi segelenu lé sɛbɛ nya wo lee Izraɛl valé Juda tɛrɛnu faa la. Yé minwiinzan blɛn dére lé é a fe, wa fe munu lɛ, léé: Izraɛl munu, Gakelebale lé ke Abraam koo, Izak koo, Izraɛl koo, wolé Bale nya, ’ka da a va ka pa gi, léé, ka lé ka so Asirinu nwiinzan blɛn lee, yé yee Bale ’é da ka va é ziin.

Néémi 1:1

Akalia be Néémi dérenu lé ke ’ko. Moné sɔraziɛnzan lé wa laama Kisilu, Aatazɛɛsɛ lé plale mi nwiin lɛɛ yɔ dozan nya, ’té maa a fla blɛn lé wa laama Suz, a ta,

Esitɛɛ 1:2

Asuérus a é nyanale élé webleblin ta alé fla blɛn lé wa laama Suz bɛ, ana.

Esitɛɛ 2:3

É a lé minwiinzan blɛn é mi nwunvɔ élé bɛntɛrɛ faa la, léé, blɛnnu lé wo ke é nɔnɔmi, ’té wo ’ka gɔné dɔɔa lo, ’wo wo zén ékeva lomu lé zén‐ékevakɔn gi fla blɛn Suz ta, yé wo wo bɛ pa miblale Égé lé é ke lomu tabinzan nya, a lee. Yé fɛnu faa lé wo mawe ke wo gi wo zurufɛnu valé wo ma nyɔnɔnu nya, é dan a nɔ lɛ wo lɛ.

Esitɛɛ 3:13

Vlanburuzannu go sɛbɛ ’konu nya minwiinzan blɛn lé bɛntɛrɛ faa la, léé, ’wo Juifinu kulu ga, ’wo wo gyɛ, ’wo wo faa gyɛ za ma. Miboronénu valé mi kwakwanu koo, né kiénénu valé lomu koo, ’wo wo faa gyɛ yi do kpen nya ékeva, yé ’wo ’wii wolé fɛnu faa ta; ’wo wo gyɛ moné vu ta fiézan lé ke Adaa moné nya, a yi vu ta yaazan nya.

Esitɛɛ 3:14

Wa gyɛ yee sɛbɛnu gi léé, é a lé wo bélidɔwe ’ko zana dɔɔ bɛntɛrɛ do do faa la, yé munu ma é vo é ’lɛrɛle yi ’ko nya.

Esitɛɛ 3:15

Vlanburuzannu go é kelekele minwiinzan blɛn dére ta. Wo bélidɔwe ’ko zana dɔɔ fla blɛn Suz na é ziin. Bléyian va lé minwiinzan blɛn valé Aman a nwɛ minina, ’bɛ bléyi va fla blɛn Suz dɔ é gane ta.

Esitɛɛ 8:13

Wo bélidɔwe do gyɛ lɛtrɛ ’konu gi léé, ’wa zana dɔɔ tɛrɛ do do faa la, yé a sele é dɔ munu faa gi léé, Juifinu ma a é ’lɛrɛle yi ’ko la wozé lɛgi pale wo nyanézannu ma we gi.

Esitɛɛ 8:15

Maadosé si minwiinzan blɛn lé fɛna, ’té tɔvarɔ lé a yuɛɛ ke glayiayou valé é fu nya bɛ, é a a ta; ’té kyankoro blɛn a a ’wuo ma, ’té lɛnsɔ varɔ blɛn ti drɔndrɔn a é zénle a ta. Fla blɛn Suz munu siaa ginanale blɛn nya.

Bale Lé We Gifezan 9:10

Nyanama faa lé i wo yé, ’i wo pa ilé plɛplɛ nya; naa, i a gona fɛana, migalenu nyanana bɛ, wekɛlɛle koo, ’wuo gi bɔrɔle koo, gikinile koo, wedɔɔle koo, wo ’ka ana lo.

Daniɛl 8:2

Maa yuɛziwe ’ko ye bléyian va, ’té é a bélé maa a Élam tɛrɛ la fla blɛn lé wa laama Suz, a ta. Anlé yuɛzi gi, ’té maa a Ulai yuu sɔnɔ.

1 Samuɛl 21:8

David lé Asimélɛk lɛ léé: Din a i lee? taa, gwɔun ɛ ke anaa? Minwiinzan lé bélidɔwe a we tunule nya amalé an ’ka da lɛ gwɔun valé gulidanfɛnu nya an lee lo.