Esitɛɛ 7:8 - Kazambale lé Sebe Sauunu 1979

⁸ Dé minwiinzan blɛn si élé gɔrɔ gi yili wuo, dé é da é pa gi fɛtikɛlɛkɔn gi, é a ye léé, Aman ébo vuli yialafɛ lé Esitɛɛ ke a ta bɛ, a ta. Yé é léé: ’Ii! zɔwɛ lé é a gya an na ta anbo lé kɔn gii? Dé dére ’ko bɔra minwiinzan blɛn ’léé, tɔɔn, wo sɔ zén Aman ’wuo ma.

Esitɛɛ 7:8 ပူးပေါင်းရင်းမြစ်များ

Esitɛɛ 1:5

Yi ’konu giéle zuo, munu faa lé wo ke fla blɛn Suz ta, é sia mi blɛnnu ma yé é bɔ mi kiénénu ma, minwiinzan blɛn fɛti kɛlɛ wo lɛ yi sɔrafié élé kɔn ’léé gɔrɔ gi yilinu wuo.

Esitɛɛ 1:6

Sɔ fu blɛnnu koo, sɔ tinu koo, sɔ ti drɔndrɔnnu koo, wa é dunle bale funu valé bale ti drɔndrɔnnu nya gɔɔlifu kpɔwɔlɛnu ma. Wa balenu dɔ kɔn wɛyilinu lé wo wo kɛlɛ gɔlɛfu plɛplɛnu nya, wo ma. Yialafɛnu lé wo wo kɛlɛ gɔɔlifu valé kyan nya, wa dɔra kɔn lɛɛ gi. Wo kɔn lɛɛ ’ko kɛlɛ karo sɔɔn koo, a fu koo, a bile nyananyanazannu koo, a tinu koo, wo nya.

Esitɛɛ 6:12

Maadosé go é pa gi minwiinzan blɛn lé gɔrɔ ’léé, yé Aman go é kele élé kɔn ’léé, é bli kyɛ dɔle nya, ’té sɔ a é zénle a ’wuo ma.

Esitɛɛ 7:10

Yé wo Aman dun yili lé é a kɛlɛ kɔɔn Maadosé zé nya bɛ, a ma. Yé minwiinzan blɛn bliflile ta zana.

JOB (Job) 9:24

É tɛrɛ nɔ Kazambale lé zi ma wenyané fezannu lɛ, Yé éé weblezannu yuɛi gunu dɔraan. Dé yee kaan lo ’naan, ’té de léé?

Ézai 22:17

Bé ye, Gakelebale é dan i vuli lɛ bélé din zo; é dan i po vɔ lɛ

Ézai 49:23

Minwiinzannu valé wo lunu, wo dan kɛlɛ lɛ ilé nénu pazannu nya; Wo dan bua lɛ tɛrɛ va i ’lɛ, Yé wo dan vungoi flan lɛ i gane ma, Yé i dan a gi dɔɔ lɛ léé, maa lé ke Gakelebale nya, Yé munu faa lé wo bli ke an lɛ, yara ’ka dan wo gyɛ lɛ lo.

Amɔs 3:12

Gakelebale léma: Dé ’bla pin fié léé, dé a tɔné kuru léé, ’blatabinzan éé wo soo golizra ’léé fɛan zo, Izraɛlnu lé wo ke é nyanale Samari blin blɛn valé sɔ vlɛzan lé wo si Damas, wo ta, wo dan so lɛ we lee a zo.

Maak 14:65

Mi kenu kun ’lélibɔlɛ vɔle ma a ma, yé wo sɔ vuru a yuɛ la, yé wo fɔlɛ duun a lɛ yé wo léé: ’I balelaye ma. Yé sunyanu a blin kyɛ si.