Esitɛɛ 7:7 - Kazambale lé Sebe Sauunu 1979

⁷ Yé minwiinzan blɛn bliflile zi, é nwa fɛti zi yé é go élé kɔn ’léé gɔrɔ gi yilinu wuo. Naa, dé Aman a ye léé, ézé nyaa minwiinzan blɛn bli gi, é vo zanté vɔna minwiin le Esitɛɛ lɛ léé, ’bɛ é vo é yuɛma.

Esitɛɛ 7:7 ပူးပေါင်းရင်းမြစ်များ

Esitɛɛ 1:12

Naa, dé miblalenu minwiinzan blɛn dére fe a na Vasiti lɛ, é léé, ’é ’ka gona lo. Yé minwiinzan blɛn bli fli é baba, yé a bli nwa.

Esitɛɛ 1:5

Yi ’konu giéle zuo, munu faa lé wo ke fla blɛn Suz ta, é sia mi blɛnnu ma yé é bɔ mi kiénénu ma, minwiinzan blɛn fɛti kɛlɛ wo lɛ yi sɔrafié élé kɔn ’léé gɔrɔ gi yilinu wuo.

Esitɛɛ 7:10

Yé wo Aman dun yili lé é a kɛlɛ kɔɔn Maadosé zé nya bɛ, a ma. Yé minwiinzan blɛn bliflile ta zana.

Lɛrɛvɔ Sɛbɛ 112:10

Dé bli nyanézan ’bɛ ye, a bli éé flian, Éé suiɛ dɔraan é ke la, é sɔ a lɛ léé, mi ’ko ’é ga. Bli nyanézannu lé blibɔmawenu yi éé gaan.

Wegɔnévɔlenu 14:19

Mi nyanénu woo ’wuo tuaan mi zinnu lɛ, yé wenyanékɛlɛzannu woo ’wuo tuaan mi tegelenu lé kɔn ’léé.

Wegɔnévɔlenu 14:35

Minwiinzan wuozan lé a ’wuo ke a ta, éé zin kɛla ’bɛ lɛ, naa, mi lé ’bɛ a gya yara nya, a bli éé flian ’bɛ ma.

Wegɔnévɔlenu 16:14

Minwiinzan lé bliflile éé gawe bɔa mi ma, yé wedɔɔzan ɛ a bli dɔralaan.

Wegɔnévɔlenu 19:12

Minwiinzan blɛn lé bliflile a bélé golizra gi gunule zo, yé alé zin a bélé fli vɔle zo lunu ta.

Ézai 60:14

Yaaitazannu é dan dia lɛ i ’lɛ; Wo lé wo serele bo i ma, wo dan ’wo ’wuo wɔra lɛ i gane wuo. Wo dan i laa lɛ Gakelebale lé fla; Wo dan i laa lɛ Izraɛl lé Mi Sauun lé Siɔn fla.

Daniɛl 3:19

’Bɛna tɔɔn, Nébukanɛsaa fan bliflile nya, yé a yara kɛlɛ é nyané Sadrak koo, Mésak koo, Abɛd‐Négo koo, wo ma. Yé é léé, ’wo kyɛ taa zén ’furu gi fɔɔ gɔnɔ sɔrafié.

Wegɔɔnle 3:9

Bé ye, Satan lé zén‐ékevamunu lé woo viéwoo léé, ’wa Juifinu nya, dɔlé ’té wo ’ka a nya lo, maa dan wo va mi kenu nɔ lɛ i lɛ; bé ye, maa dan da lɛ wo nya, yé wo dan ’wo ’wuo wɔra lɛ i gane wuo, yé wo dan a gi dɔɔ lɛ léé, i sɔ an lɛ.

1 Samuɛl 20:7

Yé dé é a fe léé: ’Bɛ a é zima, i wuozan kanamawe bɛ ’ka lo; naa, dé a bli fli, bé gi dɔɔ é zima léé, é a a gi léé, ’é wenyané kɛla an lɛ kpɔ.

1 Samuɛl 20:9

Jonatan lé a lɛ léé: Té é dɔ i gi a zo lo, naa, dé maa ’ma léé, an ti a kwa kulina léé, ’é i gyɛ weboen nya, ’té maa kɛla kaa yé maa ’bɛ yɔɔ i maa?

1 Samuɛl 25:17

Sin, ’i gi bɔrɔ yé we lé i dan a kɛlɛ lɛ, bé gi dɔɔ ma, naa, kozan valé élé kɔn é dan sɛrɛ lɛ webozen nya. Yé é a mi naané nya fɛan zo, é ’ka dɔa mi do kpen gi léé, ’é we fe a lɛ lo.