Esitɛɛ 7:3 - Kazambale lé Sebe Sauunu 1979

³ Minwiin le Esitɛɛ a zi pa léé: Oo minwiinzan blɛn, dé maa i yuɛgi bɔ, dé minwiinzan blɛn a ye é zima, ’é an vo é yuɛma ma. We lé maa a laa, yee lé ke bɛ; yé ’é anlé munu si we gi; we lé é sɔ an lɛ, yee lé ke bɛ.

Esitɛɛ 7:3 ပူးပေါင်းရင်းမြစ်များ

1 Minwiinzannu 20:31

A wuozannu lé a lɛ léé: Bé ye, ko a ’ma léé, Izraɛl nwiinzannu a nyanai zén mitazannu nya; ko dan bɔlɔ dɔ lɛ ko gyɛn, yé ko dan bale dɔ lɛ ko ’wuo ma, yé ko dan go lɛ Izraɛl nwiinzan blɛn va; dé é dan ko vo lɛ é yuɛmaa?

2 Minwiinzannu 1:13

Akazia mi yɔ fié wɔlɛ vu valé ’wo nwiinzan bɛnu nwunvɔ é ziin a gɔnɔ yaazan nya. Minwiinzan yaazan ’ko go; é bɔ tɔɔn yé é powuo zun Éli ’lɛ yé é zanté vɔ a lɛ léé: Bale lé mi, ilé zanté, anlé tɛrɛla valé i wuozannu yɔ fié wɔlɛ vu ’ko, wolé tɛrɛla ’é kɛlɛ fɛwezan nya i yuɛ gi ma.

Esitɛɛ 4:8

Yé bélidɔwe sɛbɛ lé wa zana dɔɔ Suz, wo kulu gale we ma bɛ, é sɛbɛ ’ko do nɔ a lɛ léé, ’é wo nagɔɔn Esitɛɛ lɛ, yé ’é a bɔngi kini we ’konu faa ma. Yé é léé: Bé fe Esitɛɛ lɛ léé, ’é go minwiinzan blɛn va, yé ’é zanté vɔ a ma élé munu lé we ma, yé a nyanai ’é zén wo ta.

Esitɛɛ 5:8

Dé minwiinzan blɛn an ye mi zin nya, yé dé é sɔ minwiinzan blɛn lɛ léé, fɛ lé maa laa, é a nɔ yé é anlé blibɔmawe lɛ sɔɔ, é a lé minwiinzan blɛn valé Aman ’é da é ziin fɛti bɛ lé maa dan a kɛlɛ lɛ wo lɛ bɛ, ana; yé tɛlɛ maa dan we zi pa lɛ minwiinzan blɛn dére yɛrama.

Esitɛɛ 7:7

Yé minwiinzan blɛn bliflile zi, é nwa fɛti zi yé é go élé kɔn ’léé gɔrɔ gi yilinu wuo. Naa, dé Aman a ye léé, ézé nyaa minwiinzan blɛn bli gi, é vo zanté vɔna minwiin le Esitɛɛ lɛ léé, ’bɛ é vo é yuɛma.

Esitɛɛ 8:5

Yé é léé: Dé é sɔ minwiinzan blɛn lɛ, yé dé maa a yuɛ gi bɔ, yé dé we ’ko a minwiinzan blɛn yuɛ gi tegele, yé dé an sɔ a lɛ, sɛbɛnu lé Agaga mi Amédata be Aman a gyɛ bɛ, ’wo sɛbɛnu gyɛ, wo yigale we ma. Sɛbɛnu lé é wo gyɛ Juifinu lé wo ke minwiinzan blɛn lé tɛrɛ faa la, wo gyɛle zamaga nya we gi bɛ, woo lé.

JOB (Job) 2:4

Satan lé Gakelebale lɛ léé: Kɔlɛ a kɔlɛ lɛi; mi éé leefɛ faa no é vole é yuɛma we ma.

Jérémi 38:26

bé zi pa wo lɛ léé, an zanté vɔ minwiinzan blɛn lɛ léé, té é an pa zia Jonatan lé kɔn gi é dɛrɛ lo, dé maa da ga ’bɛna.