Esitɛɛ 5:9 - Kazambale lé Sebe Sauunu 1979

⁹ ’Bɛ yi nya, Aman bɔra é ginanale nya, ’té a bli a drɔɔ. Naa, dé é Maadosé ye minwiinzan blɛn lé gɔrɔ ’léé, ’té ’bɛ ’ka nwa lɛ yé ’bɛ é kɔɔ a yuɛ va lo, a bli fli Maadosé ma kaii.

Esitɛɛ 5:9 ပူးပေါင်းရင်းမြစ်များ

1 Minwiinzannu 21:4

Akab wɔra élé kɔn gi é bli kyɛ dɔle valé bli flile nya, dére ’ko lé Jizréɛl mi Nabɔt a fe a lɛ, a we ma. Nabɔt léé: Maa ’ka dan an tinu zarafɛ nɔ lɛ i lɛ lo. Yé é yia élé yialafɛ ta, yé é yara dɔ kɔnguru ma zia yé é ’ka fɛ do kpen ble lɛ lo.

1 Minwiinzannu 21:6

É a zi pa a lɛ léé: Maa we fe Jizréɛl mi Nabɔt lɛ yé maa lé a lɛ léé, élé dɔrɔféi nɔ an lɛ gɔɔli ma, dé ’bɛ kaan lo, dé é sɔ a lɛ, maa dan dɔrɔféi bɛ nɔ lɛ a lɛ a lɛ gi. Naa, é léé, é ’ka dan élé dɔrɔféi nɔ lɛ an lɛ lo.

Esitɛɛ 2:19

Dé wo blɛnnu zén ékeva a gɔnɔ fiézan nya, ’bɛ bléyi va ’té Maadosé a é nyanale minwiinzan blɛn lé gɔrɔ ’léé.

Esitɛɛ 3:2

Minwiinzan blɛn wuomunu faa lé wo ke é dɔle minwiinzan blɛn lé gɔrɔ ’léé, woo powuo zunwo, ’té woo ’wuo tuaan Aman lɛ. Naa, a zo lé minwiinzan blɛn a fe alé we ma. Naa, Maadosé ’ka é powuo zunwo pelo, yé é ’ka é ’wuo tuaan pelo.

Esitɛɛ 3:5

Yé Aman a ye léé, Maadosé ’ka é powuo zun lɛ yé é ’wuo tua ’é lɛ lo, amalé a bli fli kaii.

Esitɛɛ 5:13

Naa, duowo, dé maa Juifi mi Maadosé ye é nyanale minwiinzan blɛn lé gɔrɔ ’léé, ’té we ’ko faa sele saan an gi.

JOB (Job) 31:31

Anlé kɔngimunu a fé léé, De ɛ ’ka tan Job lé wi ble lɛ loo?

Lɛrɛvɔ Sɛbɛ 15:4

Mian é ’ka mi nya lo, éé lɔlu kplililii boo a ma, Naa, munu lé woo kanaan Gakelebale lee, éé ’bɛnu lɛdɔama. Dé é bale kun, é dan é nian si lɛ élé fɛ gi yé é a nɔ yé élé balekundére lɛ sɔɔ a nya.

Lɛrɛvɔ Sɛbɛ 27:3

Dé guli dan sunyanu da yii lɛ an ma Kana ’ka dan zén lɛ an gi kiéné boenwo lo; Dé wo nwa an ma gulidanle nya, An bli é dan vo lɛ Bale lɛ duowo.

Daniɛl 3:13

Tɔɔn, Nébukanɛsaa wɛwɛ dɔ yé a bli fli é baba. Yé é léé, ’wo da Sadrak koo, Mésak koo, Abɛd‐Négo koo, wo nya. Yé wo da munu ’konu nya minwiinzan blɛn ’lɛ.

Matio 10:28

Wo lé woo mi kɔlɛ gya, yé wo ’ka bɔa miboen gyɛle lɛ lo, té ka kana wonu lee lo. Mi lé éé bɔa miboen valé mi kɔlɛ gyɛle lɛ jéɛna kyɛ plɛplɛ va, a fila vɔ léé, ka kana ’bɛzan lee.

Matio 2:16

Érɔd a ye aan wo léé, wedɔɔzannu dabli kɛlɛ é lɛ, a bli fli é baba. É munu pa zia Bɛtléɛm valé é zi tɛrɛ faa la léé, négɔnénu lé wo lɛɛ bɔ fié, é valé wo lé wo lɛɛ ’ka tan bɔ lɛ fié lo, ’wo wo gyɛ, moné yi lé é a laa wedɔɔzannu lee, a yɛrama.

WENÉNÉ LÉ LUK A GYE (Évangile selon Luc) 6:25

’Kaa lé ka ke é kanle, ka gale nyɔ, naa, lɔrɔ é dan ka gyɛ lɛ. ’Kaa lé ka ke yéri sina, ka gale nyɔ, naa, gyɛ é dan bɔ lɛ ka ta yé ka dan wuvɔ lɛ.

WENÉNÉ LE JAN A GYE (Évangile selon Jean) 16:20

Maa fe ka lɛ kyɔ webozen nya, ka dan wuvɔ lɛ, yé ka dan gyɛ bo lɛ, yé tɛrɛlamunu gi é dan nana lɛ. Ka gi kyɛ é dan dɔ lɛ, naa, kalé gi kyɛ dɔle é dan nɔla lɛ gi nanale nya.

Kelewenu 7:54

Wo dére ’konu ’ma aan wo, wo bli fli é baba yé wo vo wo suiɛ dɔrana é ke la a za nya.

SEBE LÉ JAK A GYE (Épitre de Jacques) 4:9

É a lé ka gi dɔɔ léé, ka a nyanaizénlazannu nya. ’Ka wuvɔ yé ka yuɛyi ’é so. ’Ka kalé yérisile tavɔɔ gyɛbole nya, yé ka ginanale ’é kɛlɛ gi kyɛ nya ma.