Esitɛɛ 5:14 - Kazambale lé Sebe Sauunu 1979

¹⁴ A na Zérɛs valé a béénu faa lé a lɛ léé: É a lé wo yili do kɛlɛ, a torole é bɔ mɛtrɛ yɔ do wɔlɛ soru, yé tɛlɛ bladi bé laa minwiinzan blɛn lee léé, ’wo Maadosé dun a ma. ’Bɛ zuo yé ’i go fɛti ’ko kɛlɛna minwiinzan blɛn va, i ginanale nya. We ’ko sɔ Aman lɛ é baba, yé é léé, ’wo yili ’ko kɛlɛ.

Esitɛɛ 5:14 ပူးပေါင်းရင်းမြစ်များ

2 Samuɛl 16:21

Yé Asitofɛl lé Abusalɔm lɛ léé: I ti bwɛnu lé é wo vo kɔn ta yuɛpazannu nya, ’i go wo va; ’bɛ zo lé Izraɛl faa é dan a gi dɔɔ lɛ léé, i gin dɔ i ti nyé gi yé i vamunu bli ta é dan dɔ lɛ plɛplɛ.

1 Minwiinzannu 21:25

We lé ke é naané Gakelebale yuɛ gi, mi lé ébo nɔ ’bɛ kɛlɛle lɛ bélé Akab zo, ’bɛzan ’ka lo, ’té a na Jézabɛl a nyunuan.

1 Minwiinzannu 21:7

Yé a na Jézabɛl lé a lɛ léé: Bian i ke é plale Izraɛl nwiin loo? ’I nwa, ’i fɛ ble, i gi ’é nana; maa dan Jizréɛl mi Nabɔt lé dɔrɔféi nɔ lɛ i lɛ.

Esitɛɛ 6:4

’Bɛna lé minwiinzan blɛn léé: De ɛ ke gɔrɔ gii? ’Bɛ bléyi va ’té Aman da minwiinzan blɛn lé gɔrɔ gi, a fele we gi minwiinzan blɛn lɛ léé, ’wo Maadosé dun yili lé, yee Aman a kɛlɛ bɛ, a ma.

Lɛrɛvɔ Sɛbɛ 37:14

Mi nyanénu éé gwɔun soo a gi, Woo sa ganaan yé a yili éé plin‐an, Wa kɛla wenaanébɔmazan valé nyanégyɛzan gyɛle za ma, ’É valé munu lé wo ke zi drɔle ta, wo bɔrɔ bole we ma.

Lɛrɛvɔ Sɛbɛ 37:32

Mi nyané éé mi tegele mavɔɔan, Yé éé kwa kulian léé, é a gyɛ.

Lɛrɛvɔ Sɛbɛ 9:15

Léé, maa i tɔbɔlenu faa sɔɔla Siɔn munu lé kɔn ’léé nuu, Yé an gi é nana ilé mi sile we gi we ma.

Wegɔnévɔlenu 1:18

yé wo, wolé tɛrɛ la lee lé wo zi dɔa, yé woboen lee lé woo san vɔa.

Wegɔnévɔlenu 4:16

Naa, dé wo ’ka tan wenyané kɛlɛ lɛ lo, wo ’ka yi gya lo, dé wo ’ka tan mi saan lɛ lo, yi ’ka wo gya lo;

Rom munu 1:32

Kazambale léé, munu lé woo we ’ko zoɛnu kɛla, a yara lé ’wo ga, wo ’bɛ gi dɔɔoo, ’té wa kɛla duowo, yé dé wo mi bɛnu ye a kɛlɛna, wo léé, ’bɛ a é zima.

Rom munu 3:15

Tawo kele gane a wo wuo mi nyɛ nwɛɛnle we ma;

Wegɔɔnle 11:10

Wolé we ma lé tɛrɛlamunu é dan zana gyɛ lɛ yé wo gi é dan nana lɛ; yé wo dan blannu pa lɛ ’wo ke lɛ zia; balelayezan fié ’ko, wo nyané pa tɛrɛlamunu ta, azama.