Esitɛɛ 4:4 - Kazambale lé Sebe Sauunu 1979

⁴ Esitɛɛ wuomunu valé alé miblalenu da we ’ko fe lɛ a lɛ, yé kana blɛn zén minwiin le gi. É sɔnu pa Maadosé lɛ zia léé, ’é bɔlɔ si ’é ta yé é sɔ zén é ta. Naa, é ’ka a nyi si lɛ lo.

Esitɛɛ 4:4 ပူးပေါင်းရင်းမြစ်များ

Wepélisiananu 37:35

A benu faa valé a lunu faa da a tɔrɔ paa lɛ; yé é ’ka ’bɛ nyi si lɛ monomono lo. É léé: An dan go lɛ an be va gamunu nyanana a wuvɔle nya. Yé é vo é be wuvɔna.

2 Minwiinzannu 9:32

Jéu é yara nwa fɛnɛti vazia yé é léé: Ka lé ka ke loru bɛ, de ɛ ke an vaa? Yé dé mi blale fié léé, dé yaa léé, wo bɔrai fɛnɛti ta yé wa nagini.

Esitɛɛ 1:12

Naa, dé miblalenu minwiinzan blɛn dére fe a na Vasiti lɛ, é léé, ’é ’ka gona lo. Yé minwiinzan blɛn bli fli é baba, yé a bli nwa.

Esitɛɛ 4:3

Bɛntɛrɛ faa lé minwiinzan blɛn déretawe valé alé bélidɔwe bɔ ana, ana Juifinu faa vo bli kyɛdɔle blɛn gi. Woo lɔrɔ sɔn‐o, woo wuvɔa, ’té woo dunnuan, yé wo va mi kiɛre éé yiaan bɔlɔ la, é valé kyɛyee gi.

Esitɛɛ 4:5

’Bɛ zuo, miblale Atak lé minwiinzan blɛn a nyana Esitɛɛ sɔnɔ bɛ, é ’bɛ laa yé é ’bɛ pa zia léé, ’bɛ ’é go we laa Maadosé lee léé, mɛ we ɛ bɔɔ? We ’ko si kyɛɛn?

Lɛrɛvɔ Sɛbɛ 77:2

Maa an dére nwaan Bale lɛ, yé an siaan; Maa an dére nwaan Bale lɛ, yé é dan é tɔné dɔ lɛ an lɛ.

Ézai 56:3

Bɛn lé é yere Gakelebale ma, té azan a fe léé, Gakelebale é dan maa valé élé munu kini lɛ ékema, lo. Té miblale a fe léé: Bé ye, maa a yili gale nya, lo.

Jérémi 31:15

Naa, Gakelebale léma: Wo siaalenu ’ma Rama, Dunnu blɛn wolenu valé nyanai‐nya wuvɔlenu nya; Rasɛl a élé nénu wuvɔna; Alé nénu ’ka ana é dɛrɛ lo, Amalé é ’ka a nyi si lɛ léé, wo ’é tɔrɔ paa lo.

Kelewenu 8:27

É nwa yé é go. Yé bé ye, Étiopi tɛrɛ la mi do lé é ke miblale nya, é si Bale bɔna Jérusalɛm yé é a gona élé tɛrɛ la é ziin. É a Étiopi munu nwiin le Kandas lé minisi nya, yé ’bɛlé fuafɛnu faa a yee ɛ lee. Gɔnézan ’ko a é nyanale élé goro gi, ’té éé balelayezan Ézai lé sɛbɛ ta fé.

1 Samuɛl 8:15

Fɛ lé ka vɔa koo, kalé dɔrɔporo koo, é dan a vuzan si lɛ yé ’é a nɔ ’é wuomunu lɛ.